| e-texts navigator |
| Wylie |
192b1 ཚངས་པའི་རིས་ལ་དབང་སྒྱུར་ཞིང་། །ཉི་མ་ཟླ་བའི་འོད་དག་ཀྱང་། །གང་འཇིག་བྱེད་པ་སྲས་མ་ཡིན། །འཕགས་པའི་མཐོང་བ་ཕུན་སུམ་ཚོགས། །ཡང་དག་ཇི་བཞིན་རྟོགས་རིག་ཅིང་། །འདུ་ཤེས་ཟློག་ལ་མཁས་པ་རྣམས། །
192b2 རྣམ་པར་རྟོག་པའི་མཆོག་ཕྱིན་ཅིང་། །དེ་ནི་ང་ཡི་བསྟན་པ་ལ། །སྲས་པོ་གྲོལ་བའི་ཕྱག་རྒྱ་སྟེ། །དངོས་དང་དངོས་མེད་རྣམ་གྲོལ་ཞིང་། །འོང་དང་འགྲོ་བ་རྣམ་སྤངས་པའོ། །གཟུགས་ཀྱི་རྣམ་ཤེས་ཕྱིར་ལྡོག་ནས། །གལ་ཏེ
192b3 ལས་ནི་འཇིག་འགྱུར་ན། །རྟག་དང་མི་རྟག་པར་མི་འགྱུར། །འཁོར་བ་དག་ཀྱང་མེད་འགྱུར་རོ། །ལྡོག་པའི་ཚེ་ནི་ཞིག་གྱུར་པ། །གཟུགས་ཀྱི་ཡུལ་ལས་ཕྱིར་ལྡོག་སྟེ། །ཡོད་མེད་ཉེས་དང་བྲལ་བའི་ལས། །ཀུན་གཞི་ལ་ནི
192b4 རབ་ཏུ་གནས། །སྲིད་པའི་གནས་སུ་རྣམ་ཤེས་དང་། །གཟུགས་ལྷུན་རབ་ཏུ་འཇིག་པ་སྟེ། །གཟུགས་དང་རྣམ་ཤེས་འབྲེལ་པ་ཡི། །ལས་ནི་འཇིག་པར་མི་འགྱུར་རོ། །གལ་ཏེ་དེ་དག་དང་འབྲེལ་པའི། །མི་ཡི་ལས་ནི
192b5 འཇིག་འགྱུར་ན། །ལས་ཀྱི་འབྲེལ་པ་ཞིག་པའི་ཕྱིར། །འཁོར་མེད་མྱ་ངན་འདའ་བའང་མེད། །ཞིག་ཀྱང་དེ་དང་ལྷན་ཅིག་ཏུ། །གལ་ཏེ་འཁོར་བར་སྐྱེ་འགྱུར་ན། །གཟུགས་ནི་དེ་དང་འབྲེལ་པའི་ཕྱིར། །ཐ་མི་དད་པས
192b6 འབྱུང་བར་འགྱུར། །སེམས་ནི་གཟུགས་སུ་རྣམ་རྟོག་ལས། །གཅིག་པ་མ་ཡིན་ཐ་དད་མིན། །ཡོད་དང་མེད་པའི་ཕྱོགས་སྤངས་ཕྱིར། །དངོས་པོ་རྣམས་ལ་འཇིག་པ་མེད། །ཀུན་ཏུ་བརྟགས་དང་གཞན་གྱི་དབང་། །
192b7 ཕན་ཚུན་མཚན་ཉིད་ཐ་མི་དད། །གཟུགས་ཀྱི་མི་རྟག་ཉིད་བཞིན་ཏེ། །གཅིག་ལ་གཅིག་ཀྱང་བསྐྱེད་བྱེད་པའོ། །གཅིག་དང་ཐ་དད་རྣམ་གྲོལ་བའི། །བརྟགས་པ་ཁོང་དུ་མི་ཆུད་ན། །ཡོད་དང་མེད་པར་ཇི་ལྟར་འགྱུར། །
192b8 གཟུགས་ཀྱི་མི་རྟག་ཉིད་བཞིན་ནོ། །བརྟགས་པ་ཤིན་ཏུ་མཐོང་འགྱུར་ན། །གཞན་གྱི་དབང་ནི་མི་སྐྱེའོ། །གཞན་གྱི་དབང་ནི་རབ་མཐོང་ན། །བརྟགས་པ་དེ་བཞིན་ཉིད་དུ་འགྱུར། །རྟོག་པ་རྣམ་པར་འཇིག་པ་ན། །
iiif viewer powered by OpenSeadragon
