| e-texts navigator |
| Wylie |
192a1 རང་གི་སེམས་ནི་མ་མཐོང་བས། །རྣམ་པར་རྟོག་པ་རབ་ཏུ་འཇུག་།ཇི་ལྟར་བྱིས་པས་བརྟགས་པ་ཡི། །བརྟགས་པ་གལ་ཏེ་ཡོད་མེད་ཅིང་། །དེ་ལས་རྣམ་པ་གཞན་ཡོད་ན། །བློས་ཀྱང་རྟོག་པར་མི་རུང་ངོ་། །འཕགས་པ
192a2 གལ་ཏེ་དེ་ཡོད་ན། །དེ་ནི་བྱིས་པས་བརྟགས་མ་ཡིན། །གལ་ཏེ་འཕགས་ལས་དེ་ལོག་ན། །འཕགས་དང་བྱིས་པ་མཉམ་པར་གྱུར། །གང་ཕྱིར་སེམས་ནི་རྣམ་སྦྱངས་པ། །འཕགས་པ་རྣམས་ལ་ནོར་པ་མེད། །སེམས་ཀྱི་རྒྱུད་ནི
192a3 མ་དག་པའི། །བྱིས་པ་བརྟགས་ལ་རྟོག་པར་བྱེད། །ཇི་ལྟར་བུ་ལ་མ་ཞིག་ནི། །མཁའ་ལ་ཤིང་ཐོག་ལེན་བྱེད་ཅིང་། །འདེ་རེ་བུ་གཅིག་མ་ངུ་བར། །ཤིང་ཐོག་སྣ་ཚོགས་འདི་ཡང་ལོང་། །དེ་བཞིན་སེམས་ཅན་ཀུན་ལ་ངས། །བརྟགས
192a4 པའི་འབྲས་བུ་སྣ་ཚོགས་ཀྱིས། །བྲིས་ནས་ཡོད་དང་མེད་པ་ཡི། །ཕྱོགས་སྤངས་ཚུལ་ནི་རབ་ཏུ་བཤད། །གང་གི་མ་བྱུང་རྐྱེན་རྣམས་ཀྱིས། །འབྱུང་སྟེ་འབྲེལ་ལས་མ་ཡིན་ན། །སྔོན་མ་སྐྱེས་པ་ད་སྐྱེས་ཏེ། །བདག་ཉིད་དུ་ཡང
192a5 རེད་པ་མེད། །བདག་ཉིད་མ་རེད་སྐྱེས་པ་མེད། །རྐྱེན་མེད་པར་ཡང་གང་ནའང་མེད། །སྐྱེས་པའི་དངོས་པོ་དེ་དག་ཀྱང་། །རྐྱེན་མེད་པར་ཡང་གང་ནའང་མེད། །དེ་ལྟ་བུ་ཡི་མདོར་མཐོང་ན། །གང་ན་མེད་མིན་ཡོད་མིན་མིན། །
192a6 དངོས་པོ་རྐྱེན་ལས་སྐྱེ་བར་ནི། །མཁས་པ་རྣམས་ཀྱིས་མི་བརྟག་གོ། །མུ་སྟེགས་ཅན་རྣམས་བྱིས་པ་ལ། །རྐྱེན་གྱིས་གཅིག་དང་ཐ་དད་གཏམ། །ཟེར་ཡང་འགྲོ་བ་རྨི་ལམ་དང་། །སྒྱུ་མ་འདྲ་བར་མི་ཤེས་སོ། །བརྗོད་པའི་ཡུལ
192a7 གྱི་ཐེག་པ་ནི། །ཐེག་པ་ཆེན་པོ་བླ་ན་མེད། །ངས་ནི་དོན་ཀྱང་ལེགས་པར་བསྟན། །བྱིས་པ་རྣམས་ཀྱིས་མི་ཤེས་སོ། །གང་དག་འཇུངས་པའི་ཉན་ཐོས་དང་། །མུ་སྟེགས་ཅན་གྱིས་བྱས་པ་ན། །གང་ཕྱིར་རྟོག་གིས་བཤད་པས
192a8 ན། །དེ་དག་དོན་ལ་འཁྲུལ་པའོ། །མཚན་ཉིད་དང་ནི་དངོས་དབྱིབས་དང་། །མིང་ནི་རྣམ་པ་བཞི་པོ་ཡང་། །དེ་དག་ལ་ནི་དམིགས་བྱས་ཤིང་། །རྣམ་པར་རྟོག་པ་རབ་ཏུ་འཇུག་།གང་རྣམས་གཅིག་དང་དུ་མ་དང་། །
iiif viewer powered by OpenSeadragon
