| e-texts navigator |
| Wylie |
191b1 བརྟེན་བཅས་ཏེ། །རྣམ་པར་རྟོག་པ་རབ་ཏུ་འཇུག་།ཕན་ཚུན་མ་གྱེས་འབྲེལ་པ་ཡི། །བག་ཆགས་གཅིག་གི་རྒྱུ་ལས་བྱུང་། །གཉིས་པོ་གློ་བུར་བྱུང་བའི་ཕྱིར། །མི་རྣམས་ཀྱི་ནི་སེམས་མི་སྐྱེ། །སྲིད་པ་གསུམ་ན་གནས་པ་ཡི།
191b2 སེམས་དང་སེམས་བྱུང་རྣམ་རྟོག་ཡིན། །གང་ཞིག་དོན་སྣང་འཇུག་པ་ནི། །བརྟགས་པའི་རང་བཞིན་དེ་ཡིན་ཏེ། །སྣང་བའི་ས་བོན་ལྡན་པའི་ཕྱིར། །སྐྱེ་མཆེད་རྣམས་ནི་བཅུ་གཉིས་སོ། །གནས་དང་དམིགས་བྱ་ལྡན་པའི་ཕྱིར།
191b3 ལོ་རྒྱུས་སུ་ནི་ངས་བཤད་དོ། །ཇི་ལྟར་མེ་ལོང་གཟུགས་བརྙན་དང་། །རབ་རིབ་ཅན་ལ་སྐྲ་འཛིངས་པ། །དེ་བཞིན་བག་ཆགས་ཀྱིས་གཡོགས་སེམས། །བྱིས་པ་རྣམས་ཀྱིས་མཐོང་བ་ཡིན། །བདག་གིས་རྟོག་པས་བརྟགས་དོན་ལ།
191b4 རྣམ་པར་རྟོག་པ་རབ་ཏུ་འཇུག་།མུ་སྟེགས་ཅན་གྱིས་བརྟགས་པ་ལྟར། །ཕྱི་རོལ་གྱི་ནི་དོན་མེད་དེ། །ཇི་ལྟར་ཐག་པར་མ་ཤེས་ནས། །བྱིས་པ་སྦྲུལ་དུ་འཛིན་པ་བཞིན། །གང་གི་སེམས་དོན་མ་ཤེས་པས། །ཕྱི་རོལ་གྱི་ནི
191b5 དོན་དུ་རྟོག་། དེ་ལྟར་ཐག་པ་ཐག་ཉིད་དུ། །གཅིག་དང་ཐ་དད་སྤངས་མོད་ཀྱི། །གང་གིས་ཐག་པར་རྣམ་རྟོག་པ། །དེ་ནི་རང་སེམས་ཉེས་པ་ཡིན། །གང་ལ་གང་གི་དངོས་པོར་ཡང་། །བརྟགས་ན་མི་དམིགས་མ་ཡིན་པ། །དེ་ནི་མེད་པར
191b6 ཤེས་མི་བྱ། །ཆོས་ཀྱི་ཆོས་ཉིད་དེ་ཡིན་ནོ། །ཡོད་པའི་ཟླ་དྲངས་མེད་པ་སྟེ། །མེད་པའི་ཟླ་དྲངས་ཡོད་པ་ཡིན། །དེ་ཕྱིར་མེད་པར་ཤེས་མི་བྱ། །ཡོད་པ་ཉིད་དུའང་མི་བརྟག་གོ། །གང་འདི་ཀུན་ཏུ་བརྟགས་པ་ལ། །བརྟགས་ན་དེ་ཡི
191b7 བདག་ཉིད་མིན། །དེ་ཡི་བདག་ཉིད་མིན་མཐོང་ཞིང་། །ཇི་ལྟར་རྣམ་པར་རྟོག་པ་འཇུག་།གཟུགས་ནི་གཟུགས་ཀྱི་བདག་ཉིད་མེད། །དེ་བཞིན་བུམ་པ་རས་ལ་སོགས། །སྣང་བ་ཡོད་པ་མ་ཡིན་པས། །ཁྱོད་ཀྱི་རྣམ་རྟོག་མི་འབྱུང
191b8 ངོ་། །ཐོག་མ་མེད་ལྡན་འདུས་བྱས་ལ། །གལ་ཏེ་ཁྱོད་ཀྱི་རྟོག་ནོར་ན། །དངོས་པོ་དངོས་ཉིད་སུ་ཞིག་གིས། །འཁོར་བྱས་ཐུབ་ཆེན་བདག་ལ་གསུངས། །དངོས་པོ་དངོས་ཉིད་མེད་པ་སྟེ། །སེམས་ཙམ་པོ་ནི་སྣང་བ་ཡིན། །
iiif viewer powered by OpenSeadragon
