| e-texts navigator |
| Wylie |
190a1 འཇིག་རྟེན་བག་ཆགས་རྒྱུ་ལས་བྱུང་། །གང་ནའང་མེད་མིན་ཡོད་མེད་མིན། །བདག་མེད་ཆོས་མཁས་གང་དག་གིས། །མཐོང་ན་རྣམ་པར་གྲོལ་བར་འགྱུར། །མིང་ནི་བཏགས་པའི་རང་བཞིན་ཏེ། །གཞན་ལས
190a2 བྱུང་བ་དབང་ལས་སྐྱེས། །དེ་བཞིན་ཉིད་ནྀ་གྲུབ་པར་ངས། །མདོ་དང་མདོ་ལས་རྟག་ཏུ་བཤད། །ཚིག་དང་ཡི་གེ་མང་པོ་དང་། །མིང་དག་ལ་ཡང་བྱེ་བྲག་ཏུ། །བྱིས་པ་བློ་ངན་ཆགས་པ་ནི། །ཇི་ལྟར་འདམ་ལ་གླང་ཆེན་བཞིན། །ལྷ་ཡི་ཐེག
190a3 པ་ཚངས་ཐེག་དང་། །ཉན་ཐོས་ཀྱི་ཡང་དེ་བཞིན་དུ། །རང་རྒྱལ་དེ་བཞིན་གཤེགས་པའི་སྟེ། །ཐེག་པ་དེ་རྣམས་ངས་བཤད་དོ། །ཇི་སྲིད་སེམས་འཇུག་བར་དུ་ནི། །ཐེག་པ་རྣམས་ལ་ཐུག་པ་མེད། །སེམས་ནི་རབ་ཏུ་གྱུར་པ་ནི། །ཐེག
190a4 པ་མེད་ཅིང་འགྲོ་བའང་མེད། །སེམས་དང་རྣམ་རྟོག་རྣམ་རིག་དང་། །ཡིད་དང་རྣམ་ཤེས་ཉིད་ཀྱང་སྟེ། །ཀུན་གཞི་སྲིད་གསུམ་གཡོ་བ་རྣམས། །དེ་དག་སེམས་ཀྱི་རྣམ་གྲངས་ཡིན། །ཚེ་དང་དྲོད་དང་རྣམ་ཤེས་དང་། །ཀུན་གཞི་སྲོག
190a5 གི་དབང་པོ་དང་། །ཡིད་དང་ཡིད་ཀྱི་རྣམ་ཤེས་པ། །རྣམ་པར་རྟོག་པའི་བྱེ་བྲག་གོ། །སེམས་ཀྱིས་སུ་ནི་ལུས་འཛིན་ཏེ། །ཡིད་ནི་རྟག་ཏུ་རློམ་སེམས་བྱེད། །རྣམ་པར་ཤེས་པ་སེམས་ཡུལ་ལ། །རྣམ་ཤེས་བཅས་པས་བྱེ་བྲག་འབྱེད། །
190a6 སྲེད་པ་དག་ནི་མར་བཤད་དེ། །མ་རིག་པ་ཡང་ཕར་ཤེས་སོ། །རྣམ་ཤེས་ཡུལ་རྣམས་རིག་པས་ན། །སངས་རྒྱས་སུ་ནི་དེ་ངས་བསྟན། །བག་ལ་ཉལ་ནི་དགྲ་བཅོམ་སྟེ། །ཕུང་པོ་ལྔ་འདུས་དགེ་འདུན་ནོ། །མཚམས་མེད་པར་ནི་མཚམས
190a7 བཅད་པས། །དེ་ནི་མཚམས་མེད་ལས་ཡིན་ནོ། །བདག་མེད་གཉིས་དང་ཉོན་མོངས་རྣམས། །དེ་བཞིན་སྒྲིབ་པ་གཉིས་པོ་དང་། །ཤི་འཕོ་བསམ་གྱིས་མི་ཁྱབ་པ། །ཐོབ་པས་དེ་བཞིན་གཤེགས་པ་ཡིན། །གྲུབ་པའི་མཐའ་དང་ཚུལ
190a8 རྣམས་དང་། །སོ་སོ་རང་རིག་བསྟན་པ་ཡང་། །བྱེ་བྲག་ཤེས་པ་སུས་མཐོང་བ། །དེ་དག་རྟོག་པའི་དབང་མི་འགྲོ། །ཇི་ལྟར་བྱིས་པས་བརྟགས་པ་ལྟར། །དངོས་པོ་ལ་ནི་བདེན་མེད་ན། །དངོས་པོ་མེད་པར་མཐར་མྀན་པར། །རྟོག་གེ་ཅན
iiif viewer powered by OpenSeadragon
