| e-texts navigator |
| Wylie |
189b1 ནི། །དེ་ཉིད་ཡོད་དང་མེད་རྟོག་པ། །བརྟག་པར་བྱ་བའི་དོན་མེད་དོ། །ཡོན་ཏན་རྡུལ་ཕྲན་རྫས་འདུས་པས། །བྱིས་པ་རྣམས་ནི་གཟུགས་ལ་རྟོག་།རྡུལ་ཕྲན་རེ་རེ་ཡོད་པ་མིན། །དེ་ཡི་ཕྱིར་ཡང་དོན་མེད་དོ།། སྣ་ཚོགས་སྐྲ་ཤད
189b2 འཛིངས་དང་སྒྱུ། །རྨི་ལམ་དྲི་ཟའི་གྲོང་ཁྱེར་དང་། །མགལ་མེ་དང་ནི་སྨིག་རྒྱུ་རྣམས། །མེད་ཀྱང་མིག་ལ་རབ་ཏུ་སྣང་། །རྟག་དང་མི་རྟག་དེ་བཞིན་གཅིག་།གཉིས་དང་གཉིས་མིན་དེ་བཞིན་ཏེ། །ཐོག་མ་མེད་ཀྱི
189b3 ཉེས་འབྲེལ་བ། །བྱིས་པ་གཏི་མུག་རྟོག་པར་བྱེད། །ཐེག་པ་རྣམ་པར་གཞག་མེད་དེ། །ཐེག་པ་གཅིག་ཏུ་ངས་བཤད་དོ། །བྱིས་པ་རྣམས་ནི་དྲང་བའི་ཕྱིར། །ཐེག་པ་ཐ་དད་ངས་བཤད་དོ། །དེ་བཞིན་རྣམ་པར་གྲོལ
189b4 གསུམ་དང་། །ཆོས་ལ་བདག་མེད་པ་ཉིད་དང་། །མཉམ་ཉིད་ཡེ་ཤེས་ཉོན་མོངས་མིན། །དེ་དག་རྣམ་པར་གྲོལ་བས་སྤངས། །ཇི་ལྟར་ཤིང་ནི་རྒྱ་མཚོ་ལ། །རླབས་ཀྱིས་རྣམ་པར་གཡེང་བ་ལྟར། །དེ་བཞིན་ཉན་ཐོས
189b5 རྨོངས་པ་ཡང་། །མཚན་ཉིད་ཀྱིས་ཀྱང་རྣམ་པར་གཡེངས། །མཐར་ཕྱིན་པ་ནི་དེ་ལ་མེད། །ཕྱིར་ཡང་ལྡོག་པར་མི་འགྱུར་ཏེ། །ཏིང་ངེ་འཛིན་གྱི་ལུས་ཐོབ་ནས། །བསྐལ་པའི་བར་དུ་མི་སད་དོ། །བག་ཆགས་ཉོན་མོངས་པ
189b6 དང་འབྲེལ། །ཀུན་ནས་ལྡང་དང་རྣམ་པར་བྲལ། །དེ་དག་ཏིང་འཛིན་མྱོས་པས་མྱོས། །ཟག་མེད་པ་ཡི་དབྱིངས་ན་འཁོད། །ཇི་ལྟར་སྐྱེས་བུ་ར་རོ་བ། །ཆང་མེད་ནས་ནི་སངས་འགྱུར་ལྟར། །ང་ཡི་སངས་རྒྱས་ཆོས་ཀྱི་སྐུ། །
189b7 དེ་དག་དེ་ཚེ་འཐོབ་པར་འགྱུར། །ཇི་ལྟར་གླང་པོ་འདམ་བྱིང་བ། །ཕན་ཚུན་དུ་ནི་མི་རྒྱུག་ལྟར། །ཏིང་ངེ་འཛིན་གྱི་འདམ་བྱིང་བའི། །ཉན་ཐོས་རྣམས་ནི་དེ་བཞིན་འཁོད། །མི་ཡི་དབང་པོ་བྱིན་རླབས་ལས། །དབང་བསྐུར
189b8 ཏིང་འཛིན་དག་ལ་སོགས། །སྨོན་ལམ་དག་གིས་རྣམ་སྦྱངས་པ། །དང་པོ་དང་ནི་བཅུ་པོར་འབྱུང་། །རི་བོང་རྭ་དང་ནམ་མཁའ་དང་། །མོ་ཤམ་བུ་ཡང་དེ་བཞིན་ཏེ། །མེད་བཞིན་ཚིག་ཏུ་བརྗོད་པ་ལྟར། །དངོས་ལ་རྟོག་པའང་དེ་བཞིན་ནོ།
iiif viewer powered by OpenSeadragon
