| e-texts navigator |
| Wylie |
189a1 ནི་ཡོད་མིན་ཏེ། །ཡོད་དང་མེད་པ་ཡོད་ལས་མིན། །སྐད་ཅིག་པ་དང་མཚན་ཉིད་མེད། །བརྟགས་པ་དང་ནི་རྫས་ཀྱང་མེད། །ཀུན་རྫོབ་ཏུ་ནི་དངོས་རྣམས་ཡོད། །དོན་དམ་དུ་ནི་རང་བཞིན་མེད། །རང་བཞིན
189a2 མེད་ལ་གང་ནོར་བ། །དེ་ནི་ཀུན་རྫོབ་བདེན་པ་ཡིན། །ཆོས་རྣམས་ཐམས་ཅད་མེད་པ་ལ། །ང་ཡིས་རབ་ཏུ་གདགས་པ་བྱས། །བྱིས་པ་རྣམས་ཀྱི་བརྗོད་སྤྱོད་ནི། །ཡང་དག་རྣམ་པར་སྤངས་པ་ཡིན། །བརྗོད་པ་ལས
189a3 བྱུང་དངོས་པོ་ཡི། །དོན་གྱི་སྤྱོད་ཡུལ་ཡོད་པའོ། །བརྗོད་པ་ལས་བྱུང་དངོས་པོ་དག་།ལྟ་བས་ཡོད་པ་མ་ཡིན་ནོ། །བརྩིག་པ་མེད་པར་རི་མོ་དང་། །སྤོང་དུམ་ལ་སོགས་སྤངས་གྲིབ་ལྟར། །དེ་བཞིན་ཀུན་གཞི
189a4 དག་པ་ནི། །རླབས་ཀྱིས་རྣམ་པར་མྀ་མཛེས་སོ། །སེམས་ནི་གར་མཁན་བཞིན་དུ་གནས། །ཡིད་ནི་བཞད་གད་པ་འདྲ་སྟེ། །ལྔ་དང་བཅས་པའི་རྣམ་པར་ཤས། །སྣང་བ་ཚོན་དང་འདྲ་བར་རྟོག་།ཆོས་བསྟན་རྒྱུ་དང་འདྲ་བ་དང་། །
189a5 རྒྱུ་དང་འདྲ་བས་གང་སྤྲུལ་པ། །དེ་དག་ངོ་བའི་སངས་རྒྱས་ཡིན། །ལྷག་མ་སྤྲུལ་པའི་སྐུ་ཡིན་ནོ། །སྣང་བ་རྣམ་པ་སྣ་ཚོགས་མེད། །སེམས་ནི་སྣང་བས་རབ་ཏུ་རྨོངས། །ལུས་དང་ལོངས་སྤྱོད་གནས་འདྲ་བར། །མི
189a6 རྣམས་ལ་ནི་ཀུན་གཞི་སྣང་། །སེམས་དང་ཡིད་དང་རྣམ་ཤེས་དང་། །རང་བཞིན་དང་ནི་ཆོས་ལྔ་དང་། །བདག་མེད་གཉིས་པོ་དག་པ་ནི། །རྣམ་པར་འདྲེན་པ་རབ་ཏུ་འཆད། །རྫོགས་པའི་སངས་རྒྱས་གང་འཆད་པ། །སོ་སོ
189a7 རང་རིག་སྤྱོད་ཡུལ་ནི། །རྟོག་གེ་ཅན་གྱི་ཡུལ་མ་ཡིན། །ཉན་ཐོས་རྣམས་ཀྱིའང་མ་ཡིན་ནོ། །རིང་དང་ཐུང་ལས་སོགས་འབྲེལ་པ། །གཅིག་གིས་གཅིག་ནི་རབ་ཏུ་འཇུག་།ཡོད་པར་སྒྲུབ་པ་མེད་པ་སྟེ། །མེད་པར
189a8 སྒྲུབ་པ་ཡོད་པ་ཡིན། །རྡུལ་ཕྲན་དུ་ནི་རྫས་གཞིགས་ཤིང་། །གཟུགས་ལ་རྣམ་པར་མི་རྟོག་གོ། །སེམས་ཙམ་དུ་ནི་རྣམ་གཞག་པ། །ལྟ་བ་ངན་པས་མི་དད་དོ། །སྟོང་པ་རྣམ་པར་རྟོག་ཙམ་འམ། །སྟོང་པ་མ་ཡིན་ཞེས་པ
iiif viewer powered by OpenSeadragon
