| e-texts navigator |
| Wylie |
188b1 དག་དང་རང་བཞིན་རྣམས། །དེ་ནི་སངས་རྒྱས་སྤྱོད་ཡུལ་ཡིན། །མཚན་ཉིད་ཀྱིས་ནི་གསུམ་དུ་འགྱུར། །བག་ཆགས་གཅིག་གི་རྒྱུ་ལས་བྱུང་། །ཇི་ལྟར་ཚོན་རྩི་གཅིག་པུ་ཡང་། །རྩིག་པ་ལ་ནི་སྣ་ཚོགས་སྣང་། །སེམས་དང་བདག་མེད་གཉིས
188b2 པོ་དང་། །ཡིད་དང་རྣམ་པར་ཤེས་པ་དང་། །རང་བཞིན་རྣམས་དང་ཆོས་ལྔ་པོ། །དེ་དག་ང་ཡི་རིགས་ལ་མེད། །སེམས་ཀྱི་མཚན་ཉིད་བྲལ་བ་དང་། །རྣམ་པར་ཤེས་དང་ཡིད་སྤངས་ཤིང་། །ཆོས་ཀྱི་རང་བཞིན་མེད་པ་ནི། །དེ་བཞིན
188b3 གཤེགས་པའི་རིགས་ཡིན་ནོ། །ལུས་དང་ངག་དང་ཡིད་རྣམས་ཀྱིས། །དེ་ལ་དགེ་བར་བྱ་མ་ཡིན། །དེ་བཞིན་གཤེགས་རིགས་དག་པ་སྟེ། །ཀུན་ཏུ་རྒྱུ་བ་སྤངས་པའོ། །མངོན་པར་ཤེས་དང་དབང་གིས་དག་།ཏིང་ངེ་འཛིན་དང་སྟོབས
188b4 ཀྱིས་བརྒྱན། །ཡིད་ཀྱི་ལུས་ནི་སྣ་ཚོགས་པ། །དེ་བཞིན་གཤེགས་པའི་དགེ་བའི་རིགས། །སོ་སོ་རང་རིག་དྲི་མ་མེད། །རྒྱུ་ཡི་མཚན་ཉིད་སྤངས་པ་སྟེ། །ས་བརྒྱད་པ་དང་སངས་རྒྱས་ས། །དེ་བཞིན་གཤེགས་པའི་རིགས་ཡིན་ནོ།
188b5 ལེགས་པའི་བློ་གྲོས་རིང་དུ་སོང་། །ཆོས་སྤྲིན་དེ་བཞིན་གཤེགས་པའི་ཡང་། །དེ་དག་སངས་རྒྱས་རྣམས་ཀྱི་རིགས། །ལྷག་མ་ཐེག་པ་གཉིས་འཐོབ་བྱེད། །སེམས་ཅན་རྒྱུད་ཀྱི་བྱེ་བྲག་དང་། །མཚན་ཉིད་ཕྱིར་ཡང་བྱིས་པ་ལ། །
188b6 སེམས་ཀྱི་དབང་དུ་འགྲོ་བའི་ས། །བདུན་པོ་སངས་རྒྱས་རྣམས་ཀྱིས་བཤད། །ངག་ལུས་སེམས་ཀྱི་གནས་ངན་ལེན། །ས་བདུན་ལ་ནི་མི་འཇུག་སྟེ། །ས་བརྒྱད་ལ་ནི་དེ་ཡྀ་གནས། །རྨི་ལམ་ཆུ་བོ་མཚུངས་ཤིང་འདྲ།
188b7 ས་བརྒྱད་དང་ནི་ལྔ་པ་ལ། །བཟོ་དང་རིག་དང་སྒྱུ་རྩལ་རྣམས། །རྒྱལ་སྲས་རྣམས་ནི་ཤེས་བྱེད་ཅིང་། །སྲིད་པའི་གནས་ན་རྒྱལ་པོའང་བྱེད། །སྐྱེ་དང་མི་སྐྱེ་སྟོང་མི་སྟོང་། །བློ་ལྡན་གྱིས་ནི་བརྟག་མི་བྱ། །རང་བཞིན་ཉིད
188b8 དང་རང་བཞིན་མེད། །སེམས་ཙམ་ལ་ནི་ཡོད་པ་མིན། །ཡང་དག་འདི་འོ་ཡང་དག་འདི། །འདི་ནི་ལོག་ཅེས་བརྟག་བྱ་བ། །རང་རྒྱལ་ཉན་ཐོས་རྣམས་ལ་བཤད། །རྒྱལ་བའི་སྲས་ལ་མ་ཡིན་ནོ། །སེམས་ཙམ་ལ
iiif viewer powered by OpenSeadragon
