| e-texts navigator |
| Wylie |
188a1 ཅན་ལ་ཡང་དག་བསྟན། །སོ་སོ་རང་རིག་ཡང་དག་ཉིད། །རྟོག་དང་བརྟག་བྱ་སྤངས་པ་ནི། །རྒྱལ་སྲས་རྣམས་ལ་བསྟན་པ་ཡི། །བྱིས་པ་རྣམས་ལ་རྣམ་གཞན་བཤད། །ཇི་ལྟར་སྒྱུ་མ་སྣ་ཚོགས་དག་།སྣང་ཡང
188a2 ཡོད་པ་མ་ཡིན་པ། །བཤད་པ་སྣ་ཚོགས་འཁྲུལ་པ་ཡང་། །དེ་བཞིན་དུ་ན་བཤད་པ་ཡིན། །གཞན་ལ་གང་ཞིག་བསྟན་པ་དེ། །གཞན་ལ་བཤད་པ་མ་ཡིན་ཏེ། །ཇི་ལྟར་ནད་པ་ནད་པ་ལ། །སྨན་པས་སྨན་རྣམས་གཏོང་བ
188a3 ལྟར། །སངས་རྒྱས་དེ་བཞིན་སེམས་ཅན་ལ། །སེམས་ཙམ་དུའང་རབ་ཏུ་གསུང་། །ཕྱི་རོལ་བག་ཆགས་ས་བོན་གྱིས། །རྣམ་པར་རྟོག་པ་རབ་ཏུ་འབྱུང་། །གང་གིས་འཛིན་པ་དབང་ཡིན་ཏེ། །གང་བཟུང་དེ་ནི་བརྟགས་པ
188a4 ཡིན། །ཕྱི་རོལ་དམིགས་པ་བཟུང་བྱས་ཤིང་། །སེམས་ལའང་བརྟེན་ཏེ་སྐྱེ་བར་འགྱུར། །ནོར་པ་རྣམ་པ་གཉིས་འབྱུང་སྟེ། །གསུམ་པ་ཡི་ནི་རྒྱུ་མེད་དོ། །གང་ལས་ནོར་པ་འབྱུང་བ་དང་། །གང་ལ་བརྟེན་ཏེ་འབྱུང་བ་ནི།
188a5 སེམས་ལ་བཅུ་གཉིས་བཅཝ་བརྒྱད་དྲུག་།དེ་ཡི་ཕྱིར་ནི་ངས་བཤད་དོ། །བདག་གི་ས་བོན་གཟུང་འབྲེལ་ལས། །བདག་ཏུ་འཛིན་པ་རབ་ཏུ་འབྱུང་། །སེམས་ནི་བརྟག་བྱར་འཇུག་པ་ཡིས། །ཆོས་སུ་འཛིན་པ་སྤོང་བར
188a6 འགྱུར། །ཀུན་གཞི་རྣམ་པར་ཤེས་པ་ལས། །རྣམ་པར་ཤེས་པ་གང་འབྱུང་བ། །ནང་གི་སྐྱེ་མཆེད་རྣམས་ཡིན་ཏེ། །སྣང་བ་གང་ཡིན་ཕྱི་རོལ་ཏོ། །ཇི་ལྟར་མི་མཁས་པ་རྣམས་ཀྱིས། །སྐར་དང་སྐྲར་གཟུང་རྨི་ལམ
188a7 གཟུགས། །འདུས་བྱས་པ་དང་འདུས་མ་བྱས། །རྟག་པར་རྟོག་སྟེ་དེ་མེད་དོ། །ཇི་ལྟར་དྲི་ཟའི་གྲོང་ཁྱེར་དང་། །སྒྱུ་མ་དང་ནི་སྨིག་རྒྱུའི་ཆུ། །མེད་བཞིན་དུ་ནི་སྣང་བ་ལྟར། །དེ་བཞིན་གཞན་གྱི་དབང་ཡིན་ནོ། །བདག་དང
188a8 དབང་པོར་གདགས་པ་ནི། །ངས་ནི་སེམས་ལ་མི་བཤད་དེ། །སེམས་དང་ཡིད་དང་རྣམ་ཤེས་པ། །རང་གི་མཚན་ཉྀད་བྲལ་བའོ། །སེམས་དང་ཡིད་དང་རྣམ་ཤེས་དང་། །དེ་བཞིན་བདག་མེད་རྣམ་གཉིས་དང་། །ཆོས་ལྔ
iiif viewer powered by OpenSeadragon
