| e-texts navigator |
| Wylie |
187a1 དེ་བཞིན་གསུམ། །མྱ་ངན་འདས་དང་ང་མེད་དེ། །ཐམས་ཅད་སྟོང་པ་སྐྱེ་སྤངས་པའོ། །སངས་རྒྱས་བྱེ་བྲག་སུམ་བཅུ་དྲུག་།བྱེ་བྲག་དག་ནི་བཅུ་པ་དང་། །སེམས་ཅན་སོ་སོའི་སེམས་རྒྱུད་རྣམས། །དེ་དག་ཞིང་གི་སྣོད
187a2 ཡིན་ནོ། །ཇི་ལྟར་བརྟགས་པའི་དངོས་པོ་ནི། །སྣ་ཚོགས་བལྟ་བར་སྣང་མོད་ཀྱི། །སྣ་ཚོགས་ཉིད་ནི་དེ་ལ་མེད། །འགྲོ་བ་དེ་བཞིན་ཆོས་སངས་རྒྱས། །ཆོས་ཀྱི་སངས་རྒྱས་སངས་རྒྱས་ཡིན། །ལྷག་མ་དེ་ཡི་སྤྲུལ་པའོ། །སེམས
187a3 ཅན་རང་གི་ས་བོན་རྒྱུད། །སངས་རྒྱས་སྣང་བར་མཐོང་བའོ། །མཚན་མ་འབྲེལ་ལས་ནོར་བ་ཡི། །རྣམ་པར་རྟོག་པ་རབ་ཏུ་འཇུག་།རྟོག་ལས་དེ་བཞིན་ཉིད་གཞན་མིན། །མཚན་མ་ལས་ཀྱང་རྣམ་རྟོག་མིན། །རང་བཞིན་གྱི
187a4 དང་རྫོགས་ལོངས་སྤྱོད། །འཕྲུལ་པ་དང་ནི་སྤྲུལ་པ་གང་། སངས་རྒྱས་མང་པོ་སུམ་བཅུ་དྲུག་།རང་བཞིན་གྱི་ནི་སངས་རྒྱས་ཡིན། །སྔོན་པོ་དམར་པོ་ལན་ཚྭ་དང་། །དུང་དང་འོ་མ་ཁ་ར་དང་། །བསྐ་བའི་འབྲས་བུ་མེ་ཏོག
187a5 སོགས། །ཇི་ལྟར་ཉི་ལས་འོད་ཟེར་དང་། །རྒྱ་མཚོ་རླབས་དང་ལྡན་པ་ནི། །མི་གཅིག་ཐ་དད་མ་ཡིན་ཏེ། །སེམས་དང་ལྷན་ཅིག་ལྡན་པ་ཡི། །རྣམ་ཤེས་བདུན་པོ་དེ་བཞིན་ནོ། །རྒྱ་མཚོ་ཡོངས་སུ་གྱུར་པ་ནི། །དབའ
187a6 རླབས་སྣ་ཚོགས་དེ་དག་སྟེ། །རྣམ་པར་ཤེས་ཤེས་བྱ་བ་སྟེ། །ཀུན་གཞི་དེ་བཞིན་སྣ་ཚོགས་འབྱུང་། །སེམས་དང་ཡིད་དང་རྣམ་ཤེས་པ། །མཚན་ཉིད་དོན་དུ་རབ་ཏུ་བརྟག་།བརྒྱད་པོ་ཐ་དད་མ་ཡིན་མཚན། །མཚན་གྱི
187a7 གཞི་མེད་མཚན་ཉིད་མེད། །རྒྱ་མཚོ་དང་ནི་དབའ་རླབས་རྣམས། །ཇི་ལྟར་ཁྱད་པར་མེད་པ་ལྟར། །དེ་བཞིན་སེམས་ལ་རྣམ་ཤེས་དག་།ཡོངས་སུ་གྱུར་པ་མི་རྙེད་དོ། །སེམས་ཀྱིས་ལས་རྣམས་སོགས་པར་བྱེད། །
187a8 ཡིད་ཀྱིས་ཀྱང་ནི་རྣམ་པར་སོགས། །རྣམ་པར་ཤེས་པས་རྣམ་པར་རིག་།ལྔ་པ་སྣང་ལ་རྟག་པར་བྱེད། །སྔོན་པོ་དམར་པོའི་རྣམ་པར་ནི། །མི་ཡི་རྣམ་པར་ཤེས་པར་གདའ། །དབའ་རླབས་སེམས་དང་ཆོས་འཐུན་པ། །
iiif viewer powered by OpenSeadragon
