| e-texts navigator |
| Wylie |
186b1 ཙམ་དུ་ཡང་སྨྲ། །སེམས་རྣམས་ལ་ནི་སེམས་ཙམ་དང་། །སེམས་མེད་པར་ནི་སེམས་ལས་བྱུང་། །རྣམ་པ་སྣ་ཚོགས་གཟུགས་དང་དབྱིབས། །སེམས་ཙམ་དུ་ནི་རྟོགས་པར་རིག་།ཐུབ་དབང་དང་ནི་ཉན་ཐོས་གཟུགས། །
186b2 རང་རྒྱལ་དང་ཡང་འདྲ་བ་དང་། །རྣམ་པ་མང་པོའི་གཟུགས་གཞན་གྱིས། །སེམས་ཙམ་དུ་ནི་དེ་དག་སྨྲ། །གཟུགས་མེད་པས་ནི་གཟུགས་མེད་གཟུགས། །དམྱལ་བ་པ་ལ་དམྱལ་བའི་གཟུགས། །སེམས་ཙམ་གྱི་ནི་རྒྱུ་དག
186b3 ཀྱང་། །སེམས་ཅན་རྣམས་ལ་སྟོན་པར་བྱེད། །དེ་དག་ཤིན་ཏུ་གྱུར་ནས་ནི། །སྒྱུ་མ་འདྲ་བའི་ཏིང་འཛིན་དང་། །ཡིད་ཀྱི་ལུས་དང་དེ་བཞིན་ཏེ། །དབང་དང་ས་བཅུ་རྣམས་ཀྱང་འཐོབ། །རང་གི་རྣམ་རྟོག་ཕྱིན་ཅི་ལོག་།སྤྲོས་པ་དང
186b4 ནི་གཡོ་བ་དང་། །ཐོས་མཐོང་ཤེས་དང་རྟོགས་པ་དང་། །འདུ་ཤེས་དག་གིས་བུས་པ་བཅིངས། །གཞན་གྱི་དབང་ནི་མཚན་མ་སྟེ། །གང་མིང་དེ་ནི་ཀུན་བརྟགས་པ། །ཀུན་རྟོག་པ་དང་མཚན་མ་ནི། །གཞན་གྱི་དབང་ལས་ཤིན
186b5 ཏུ་འབྱུང་། །བློ་ཡིས་རབ་ཏུ་གཞིག་ནས་ནི། །བརྟག་པ་མེད་ཅིང་དབང་ཡང་མེད། །གྲུབ་པའི་དངོས་པོ་ཡོད་མེད་ན། །ཇི་ལྟར་བློ་ཡིས་རྣམ་པར་བརྟག་།ཡོད་དང་མེད་པ་སྤངས་པ་ཡི། །གྲུབ་པ་ཡི་ནི་དངོས་པ་ཡོད། །དངོས་པོ
186b6 ཡོད་མེད་རྣམ་གྲོལ་བའི། །རང་བཞིན་གཉིས་སུ་ཇི་ལྟར་འགྱུར། །ཀུན་ཏུ་བརྟགས་པའྀ་རང་བཞིན་ལ། །རང་བཞིན་དག་ནི་གཉིས་གནས་ཏེ། །བརྟགས་པ་རྣམ་པ་སྣ་ཚོགས་སྣང་། །རྣམ་དག་འཕགས་པའི་སྤྱོད་ཡུལ་ལོ། །
186b7 བརྟགས་པ་སྣ་ཚོགས་སྣང་བ་ལ། །གཞན་གྱི་དབང་ཞེས་རྟོག་བྱེད་དེ། །རྣམ་པ་གཞན་དུ་རྟོག་ན་ནི། །མུ་སྟེགས་སྨྲ་ལ་གནས་པར་འགྱུར། །རྟོག་པས་བརྟགས་ཤེས་བཤད་པ་སྟེ། །མཐོང་ཕྱིར་རྒྱུ་ལས་བྱུང་བ་ཡིན། །
186b8 རྣམ་རྟོག་གཉིས་ལས་གྲོལ་བ་ནི། །རྫོགས་པ་ཉིད་ཀྱང་དེ་ཡིན་ནོ། །འཕགས་པ་ལང་ཀར་གཤེགས་པ། ། བམ་པོ་དགུ་པ་སྟེ་ཐ་མ།། །།ཞིང་དང་སངས་རྒྱས་སྤྲུལ་པ་དང་། །ཐེག་པ་གཅིག་དང
iiif viewer powered by OpenSeadragon
