| e-texts navigator |
| Wylie |
186a1 ཡོད་མེད་ཕྱོགས་བྲལ་ཡོད་དོ་ཞེས། །དབུ་མར་རྣམ་པར་རྟོག་པར་འགྱུར། །རྒྱུ་མེད་པར་ནི་སྨྲ་བས་ནི། །རྒྱུ་མེད་ཆད་པར་ལྟ་བར་རྟོག་།ཕྱི་རོལ་དངོས་པོ་མ་རྟོགས་ཕྱིར། །དབུ་མ་འཇིག་པར་བྱེད་པར་འགྱུར། །ཆད
186a2 པའི་ལྟ་བར་འགྱུར་སྙམ་པས། །དངོས་པོ་འཛིན་པ་མི་གཏོང་སྟེ། །སྐུར་པ་དང་ནི་སྒྲོ་འདོགས་པས། །དབུ་མ་དག་ནི་སྟོན་པར་འགྱུར། །སེམས་ཙམ་དུ་ནི་རྟོགས་པ་དང་། །ཕྱི་རོལ་དངོས་པོ་རྣམ་བསལ་བས། །རྣམ་པར
186a3 རྟོག་པ་རྣམ་ལྡོག་སྟེ། །ལམ་དེ་ཉིད་ནི་དབུ་མའོ། །སེམས་ཙམ་ཡིན་ཏེ་སྣང་བ་མེད། །སྣང་བ་མེད་པས་མི་སྐྱེ་སྟེ། །དབུ་མ་ཡི་ནི་ལམ་འདི་ཡང་། །ང་དང་གཞན་དག་གིས་ཀྱང་བཤད། །སྐྱེ་བ་དང་ནི་མི་སྐྱེ་དང་། །
186a4 དངོས་དང་དངོས་མེད་སྟོང་པ་དང་། །དངོས་པོ་རང་བཞིན་མེད་པ་ནི། །གཉིས་པོ་དེ་དག་རྣམ་མི་བརྟག་།རྣམ་པར་རྟོག་པ་འཇུག་མེད་པས། །བྱིས་པ་རྣམས་ནི་ཐར་པར་རྟོག་།སེམས་འཇུག་པ་ནི་མ་རྟོགས་པས། །
186a5 འཛིན་པ་གཉིས་ནི་སྤོང་མི་འགྱུར། །རང་གི་སེམས་སྣང་རྟོགས་པའི་ཕྱིར། །འཛིན་པ་རྣམ་གཉིས་སྤོང་བར་འགྱུར། །སྤོང་དང་ཡོངས་སུ་འཛིན་པ་ནི། །རྣམ་རྟོག་འཇིག་པར་བྱེད་མ་ཡིན། །སེམས་སྣང་ཡོངས་སུ་ཤེས
186a6 པའི་ཕྱིར། །རྣམ་པར་རྟོག་པ་མི་འཇུག་གོ། །རྣམ་པར་རྟོག་པ་མི་འཇུག་པ། །དེ་བཞིན་ཉིད་ནི་སེམས་སྤངས་པའོ། །མུ་སྟེགས་ཅན་གྱི་ཉེས་སྤངས་པ། །འཇུག་པ་གལ་ཏེ་སྣང་གྱུར་ན། །ལྡོག་པ་འཇུག་པར་མྀ་བྱེད་པས།
186a7 མཁས་པ་དག་གིས་དེ་བཟུང་ངོ་། །དེ་རྟོགས་ཕྱིར་ནི་སངས་རྒྱས་སུ། །ང་དང་སངས་རྒྱས་གཞན་གྱིས་བཤད། །རྣམ་པ་གཞན་དུ་རྟོག་ན་ནི། །མུ་སྟེགས་ཅན་གྱི་སྨྲ་བར་འགྱུར། །མི་སྐྱེ་བ་ལ་སྐྱེ་བ་མང་། །ཤི་འཕོས་མེད
186a8 ཅིང་འཆི་འཕོར་འགྱུར། །ཞིང་རྣམས་བྱེ་བར་ཅིག་ཅར་ཡང་། །ཆུ་ཡི་ཟླ་བ་བཞིན་དུ་སྣང་། །གཅིག་དང་མང་པོར་གྱུར་ནས་ནི། །མེ་ཡང་འབར་ཞིང་ཆར་ཡང་འབེབས། །སེམས་ལ་སེམས་ཀྱིར་གྱུར་ནས་ནི། །དེ་དག་སེམས
iiif viewer powered by OpenSeadragon
