| e-texts navigator |
| Wylie |
185a1 ཁར་བ་དང་། །ཟངས་ཀྱི་ལྷུང་བཟེད་མི་བཅང་ངོ་། །སྣམ་བུ་སྔོན་པོར་བཙོས་པ་དང་། །བ་ལང་ལྕི་བ་ངུར་སྨྲིག་དང་། །ས་དང་འབྲས་བུ་ལོ་མ་ཡིས། །རྣལ་འབྱོར་རྟག་ཏུ་དཀར་པོ་བསྒྱུར། །ལྕགས་དང་རྡོ་དང་ཁམ་པ་དང་། །དུང་དང་ཤེལ
185a2 ལས་བྱས་པ་ཡི། །མ་ག་དྷ་ཡི་བྲེ་གང་ཚད། །ལྷུང་བཟེད་རྣལ་འབྱོར་ཅན་གྱིས་བཅང་། །དགུ་པོ་གོས་དྲའི་གྲི་ཡང་ནི། །སོར་བཞི་པ་ཡི་ཚད་དུ་བྱ། །རྣལ་འབྱོར་གཞོལ་བའི་རྣལ་འབྱོར་པས། །བཟོ་ཡི་རིག་པ་མི་བསླབ་བོ། །རྣལ་འབྱོར
185a3 ཞུགས་པའི་རྣལ་འབྱོར་པས། །ཉོ་དང་བཙོང་བར་མི་བྱའོ། །ཀུན་དགའི་ཁྱིམ་པས་དེ་བྱས་ཏེ། །དེ་ནི་ཆོས་སུ་ངས་བཤད་དོ། །དབང་པོ་བསྡམས་ཤིང་དོན་ཤེས་པས། །མདོ་དང་འདུལ་ལ་དེ་བཞིན་ཏེ། །ཁྱིམ་པ་དང་ནི་མ་འདྲེས་པར། །
185a4 རྣལ་འབྱོར་ཅན་ལ་དེ་ངས་བཤད། །སྟོང་པའི་ཁྱིམ་འམ་དུར་ཁྲོད་དམ། །ཤིང་གི་དྲུང་དང་ཕུག་རྣམས་དང་། །བླ་གབ་མེད་པ་འམ་སོག་ཁྲོད་དུ། །རྣལ་འབྱོར་ཅན་གྱིས་གནས་བཅའོ། །དུར་ཁྲོད་དུ་འམ་གཞན་གང་དུའང་། །རྟག་པར་གོས
185a5 གསུམ་བགོ་བར་བྱ། །གང་ཡང་བདེ་བར་བྱིན་པ་དག་།གོས་ཀྱི་ཕྱིར་ནི་སྦྱར་བར་བྱ། །སློངས་མོའི་ཟས་ལ་གཞོལ་བྱས་ཏེ། །གཉའ་ཤིང་གང་དུ་བལྟ་བར་བྱ། །མེ་ཏོག་ལ་ནི་བུང་བ་ལྟར། །དེ་ལྟར་བསོད་སྙོམས་སྤྱད་པར
185a6 བྱ། །མང་པོའི་ཚོགས་དང་འདྲེས་པ་དང་། །དགེ་སློང་མ་དང་གང་འདྲེས་པ། །འདྲེས་པར་གྱུར་པའི་འཚོ་བ་དེ། །རྣལ་འབྱོར་ཅན་ལ་རུང་མ་ཡིན། །རྣལ་འབྱོར་གཞོལ་བའི་རྣལ་འབྱོར་པས། །རྒྱལ་པོ་དང་ནི་རྒྱལ་པོའི་བུ། །དེ་བཞིན་བློན་པོ
185a7 ཚོང་དཔོན་ལ། །ཟས་ཀྱི་ཕྱིར་ནི་བསྟེན་མི་བྱ། །ཤི་དང་བཙས་པའི་ཁྱིམ་ཟས་དང་། །དགའ་དང་མཛའ་དང་ལྡན་པ་དང་། །དགེ་སློང་དགེ་སློང་མ་དང་འདྲེས། །རྣལ་འབྱོར་ཅན་ལ་དེ་མི་རུང་། །དུ་བ་གར་འཐུལ་གཙུག་ལག་ཁང་། །ཆོ་ག
185a8 བཞིན་དུ་རྟག་འཚེད་དང་། །བདག་གི་ཕྱིར་ནི་གང་བྱས་པ། །རྣལ་འབྱོར་ཅན་ལ་དེ་མི་རུང་། །འཇིག་རྟེན་མཚན་གཞི་མཚན་ལྡན་ལ། །སྐྱེ་དང་འཇིག་ལས་གྲོལ་བ་དང་། །ཡོད་དང་མེད་ཀྱི་ཕྱོགས་སྤངས་པ། །རྣལ་འབྱོར་ཅན་གྱིས
iiif viewer powered by OpenSeadragon
