| e-texts navigator |
| Wylie |
184b1 རྣམ་པར་གྲོལ་བ་དེ་བཞིན་གསུམ། །སེམས་ཀྱི་རྒྱུད་ནི་རྣམ་པ་བཞི། །ང་ཡི་བདག་མེད་རྣམ་པ་དྲུག་།ཤེས་པར་བྱ་བའང་རྣམ་པ་བཞི། །རྒྱུ་རྣམས་དང་ནི་བྲལ་གྱུར་པ། །ལྟ་བའི་ཉེས་པ་རྣམ་པར་སྤངས། །སོ་སོ་རང་རིག་མི་གཡོ་བ། །
184b2 ཐེག་པ་ཆེན་པོ་བླ་ན་མེད། །སྐྱེ་བ་དང་ནི་མི་སྐྱེ་བ། །རྣམ་པ་བརྒྱད་དང་རྣམ་དགུར་འགྱུར། །གཅིག་དང་རིམ་གྱིས་རྟོགས་པ་སྟེ། །གྲུབ་པའི་མཐའང་གཅིག་ཉིད་དོ། །གཟུགས་མེད་ཁམས་ནི་རྣམ་པ་བརྒྱད། །བསམ་གཏན
184b3 ཐ་དད་རྣམ་པ་དྲུག་། རང་རྒྱལ་སྲས་པོ་རྣམས་ཀྱིས་ནི། །འབྱུང་བ་རྣམ་པ་བདུན་དུ་འགྱུར། །དུས་གསུམ་པོ་ཡང་ཡོད་མ་ཡིན། །རྟག་པ་དང་ནི་མི་རྟག་མེད། །བྱེད་དང་ལས་དང་འབྲས་བུ་རྣམས། །རྨི་ལམ་གྱི་ནི་བྱ་བ་བཞིན། །
184b4 སངས་རྒྱས་ཉན་ཐོས་རྒྱལ་བའི་སྲས། །ཐོག་མ་ཐ་མར་འབྱུང་བ་མེད། །སེམས་ཀྱི་སྣང་དང་བྲལ་བ་སྟེ། །རྟག་ཏུ་སྒྱུ་མའི་ཆོས་དང་འདྲ། །རུམ་དང་འཁོར་ལོ་སྐྱེ་དེ་བཞིན། །འབྱུང་དང་དགའ་ལྡན་གྱི་གནས་དང་། །ཞིང
184b5 ཀུན་ཏུ་ནི་གཤེགས་པར་ཡང་། །སྣང་ཡང་མངལ་ནས་སྐྱེ་བ་མིན། །འཕོ་དང་རྒྱུ་དང་སེམས་ཅན་དང་། །དེ་བཞིན་སྟོན་དང་མྱ་ངན་འདས། །བདེན་པ་དང་ནི་ཞིང་རྟོགས་པ། །རྐྱེན་རྣམས་ཀྱིས་ནི་འཕངས་པ་ཡིན། །འཇིག་རྟེན་དང
184b6 ནི་ནགས་ཚལ་གླིང་། །མུ་སྟེགས་འཕོ་དང་བདག་མེད་དང་། །བསམ་གཏན་ཐེག་གནས་ཐོབ་པ་དང་། །འབྲས་བུའི་སྤྱོད་ཡུལ་བསམ་མི་ཁྱབ། །ཟླ་བ་སྐར་མའི་རིགས་རྣམས་དང་། །རྒྱལ་པོའི་རིགས་དང་ལྷ་ཡི་རྣམས། །
184b7 གནོད་སྦྱིན་དྲི་ཟའི་རིགས་རྣམས་ནི། །ལས་ལས་སྐྱེས་ཤིང་སྲིད་ལས་བྱུང་། །བསམ་གྱིས་མི་ཁྱབ་འགྱུར་བ་ན། །ཤི་འཕོ་བག་ཆགས་ལྡན་པ་སྟེ། །ཤི་འཕོར་སྣང་བ་ཆད་ན་ནི། །ཉོན་མོངས་དྲ་བ་འགག་པར་འགྱུར། །
184b8 བ་ལང་ལུག་དང་བྲན་རྣམས་དང་། །དེ་བཞིན་གླང་པོ་རྟ་ལ་སོགས། །ནོར་དང་འབྲུ་དང་གསེར་རྣམས་དང་། །ཞིང་གི་དངོས་པོར་རྣམ་པར་རྟོག་།ཁྲི་དག་ལའང་ཉལ་མི་བྱ། །ས་ལ་ཡང་ནི་མི་བསྐུའོ། །གསེར་དང་དངུལ་དང
iiif viewer powered by OpenSeadragon
