| e-texts navigator |
| Wylie |
183b1 ང་ཡི་ཤེས་རབ་རྣམ་གསུམ་སྟེ། །གང་གིས་འཕགས་པ་རབ་ཕྱེ་བ། །གང་གིས་ཡང་དག་མཚན་ཉིད་རྟོག་།གང་གིས་དངོས་པོ་འབྱེད་པའོ། །ཉན་ཐོས་ཤེས་རབ་སྣང་སྤངས་པ། །ཐེག་པ་གཉིས་དང་བྲལ་བ་ནི། །དངོས་པོ་ཡོད་པར་ཆགས་པས་ན། །ཤིན་ཏུ་འཇུག
183b2 པར་འགྱུར་བ་ཡིན། །སེམས་ཙམ་ལ་ནི་འཇུག་པ་ཡིས། །བདེ་གཤེགས་ཤེས་རབ་དྲི་མ་མེད། །ཡོད་པ་དང་ནི་མེད་པ་ལས། །རྐྱེན་ཀྱིས་གལ་ཏེ་སྐྱེར་ཟིན་ན། །གཅིག་དང་ཐ་དད་ལྟ་བ་ལ། །གདོན་མི་ཟ་བར་དེ་དག་གནས། །
183b3 ཡན་ལག་མང་པོས་བསྒྲུབས་པ་ཡི། །སྒྱུ་མ་གྲུབ་པར་མི་འགྱུར་བར། །དེ་བཞིན་མཚན་མ་སྣ་ཚོགས་ཀྱང་། །བརྟགས་ན་འགྲུབ་པར་མི་འགྱུར་རོ། །མཚན་མ་གནས་ངན་ལེན་པ་ཡི། །འཆིང་བ་སེམས་ལས་བྱུང་བ་སྟེ། །ཀུན་ཏུ་བརྟགས
183b4 པ་མི་ཤེས་པས། །གཞན་གྱི་དབང་ཞེས་རྟོག་པར་འགྱུར། །གང་བརྟགས་པ་ཡི་དངོས་པོ་འདི། །གཞན་གྱི་དབང་ཡང་དེ་ཉིད་དེ། །བརྟགས་པ་སྣ་ཚོགས་སྣང་བ་ཡང་། །གཞན་གྱི་དབང་གིས་རྟོག་པར་བྱེད། །ཀུན་རྫོབ་དང་ནི་དམ་པའི
183b5 དོན། །རྒྱུ་ལས་སྐྱེས་པ་གསུམ་དུ་མེད། །བརྟགས་པ་ཀུན་རྫོབ་ཅེས་བྱ་སྟེ། །དེ་ཆད་འཕགས་པའི་སྤྱོད་ཡུལ་ལོ། །རྣལ་འབྱོར་ཅན་གྱི་དངོས་པོ་ལྟར། །སྣ་ཚོགས་གཅིག་ཏུ་རྣམ་པར་མཛེས། །དེ་ལ་རྣམ་པ་སྣ་ཚོགས་མེད། །
183b6 བརྟགས་པའི་མཚན་ཀྱང་དེ་བཞིན་ནོ། །ཇི་ལྟར་རབ་རིབ་ཅན་དག་གིས། །གཟུགས་མཐོང་བ་ལ་སྣ་ཚོགས་རྟག་།རབ་རིབ་གཟུགས་མིན་གཟུགས་མེད་མིན། །མཁས་པས་གཞན་དབང་དེ་བཞིན་ནོ། །ཇི་ལྟར་གསེར
183b7 ནི་དག་པ་དང་། །ཆུ་ཡང་རྙོག་པ་སྤངས་པ་དང་། །ནམ་མཁའ་ལ་ནི་སྤྲིན་མེད་ལྟར། །རྣམ་རྟོག་དག་པ་དེ་བཞིན་ནོ། །ང་ཡི་ཉན་ཐོས་རྣམ་གསུམ་སྟེ། །སྤྲུལ་དང་སྨོན་ལམ་ལས་སྐྱེས་པ། །འདོད་ཆགས་ཞེ་སྡང་སྤངས་པ་ཡི།
183b8 ཆོས་ལས་བྱུང་བའི་ཉན་ཐོས་སོ། །བྱུང་ཆུབ་སེམས་དཔའང་རྣམ་གསུམ་སྟེ། །སངས་རྒྱས་ལ་ནི་མཚན་ཉིད་མེད། །སེམས་ཅན་དག་གི་སེམས་སེམས་ལ། །སངས་རྒྱས་གཟུགས་ནི་རབ་ཏུ་སྣང་། །བརྟགས་པ་ཡི་ནི
iiif viewer powered by OpenSeadragon
