| e-texts navigator |
| Wylie |
295b1 བརྙེས་པ་ལེགས་པར་བརྙེས། །ལུས་ཀྱི་དགེ་བའི་ལས་རྣམས་ཀྱང་། །རྣམ་པར་འདྲེན་ལ་ཞུ་བ་མཛོད། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་ལྷའི་མེ་ཏོག་མན་དཱ་ར་བ་དག་དང་། ལྷའི
295b2 སྤོས་དག་དང་། ལྷའི་གོས་དག་བདག་ལ་སྩོལ་ཅིག་།དེ་དག་བདག་གི་སྐྱེད་པའི་མ་འདི་ལ་སྩོལ་ཏོ། །འདིས་དེ་དག་གིས་བཅོམ་ལྡན་འདས་ལ་མཆོད་པ་བགྱིས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་འགྱུར་རོ། །
295b3 དེ་ནས་ལྷའི་དབང་པོ་བརྒྱ་བྱིན་གྱིས། ཁྱེའུ་དེ་ལ་ལྷའི་མེ་ཏོག་མན་དྷ་ར་བ་དག་དང་། ལྷའི་སྤོས་དག་དང་། ལྷའི་གོས་དག་བྱིན་ནོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས་མ་ལ་ཚིགས་སུ་བཅད་དེ་སྨྲས་པ། ཡུམ་ཅིག་ལྷའི་མེ་ཏོག
295b4 མན་དཱ་ར། །བལྟ་སྡུག་མཛེས་ཤིང་ཡིད་དུ་འོང་བ་དང་། །སྤོས་དང་ན་བཟའ་འདི་དག་བླང་མཛོད་ལ། །མི་མཆོག་སངས་རྒྱས་དེ་ལ་དབུལ་བ་མཛོད། །འཇིག་རྟེན་དག་ན་ཕ་མ་ཟས་སྐོམ་དང་། །ནོར་དང་གོས་ཀྱིས་མཆོད་པ་མཆོད་མ་ལགས། །གཞན
295b5 དུ་གང་དག་ཆོས་ལ་སྦྱོར་བགྱིད་པ། །དེས་ན་དེ་དག་མཆོད་པ་བགྱིས་པར་འགྱུར། །རྐང་གཉིས་དམ་པ་དེ་ལ་མཆོད་མཛོད་ལ། །བྱང་ཆུབ་མཆོག་ཏུ་སྨོན་ལམ་བརྟན་པར་མཛོད། །བདག་ནི་དུས་དུས་ཁྱོད་ཀྱི་དྲུང་མཆིས་ཏེ། །ཡུན་རིང་དུས་ནས་སྐུལ་བ
295b6 བགྱིད་པ་ལགས། །གནོང་ཞིང་ཞུམ་པའི་སེམས་སུ་མ་མཛད་པར། །རངས་པའི་སེམས་དང་དགའ་བ་ཐོབ་མཛོད་ལ། །རང་བྱུང་རྒྱལ་བ་བཞུགས་པ་དེར་བཞུད་དེ། །སྐྱེས་བུ་མཆོག་གི་ཞབས་ལ་ཕྱག་མཛོད་ལ། །མགོན་པོ་དེ་ལ་མེ་ཏོག་སྤོས་རྣམས
295b7 དང་། །དེ་བཞིན་ན་བཟའ་རྣམས་ཀྱང་གཏོར་ནས་སུ། །རྒྱལ་བ་དེ་ལས་དགེ་བའི་རྩ་བསྐྱེད་དེ། །བྱང་ཆུབ་མཆོག་ཏུ་སེམས་ཀྱང་བསྐྱེད་པ་མཛོད། །བྱང་ཆུབ་མཆོག་ཏུ་སེམས་ནི་བརྟན་གྱུར་ནས། །གང་དག་དད་པས་རྒྱལ་ལ་གུས་བགྱིས་པ། །དེ་དག
295b8 རྣམ་སྨིན་འཇིག་མགོན་བཀའ་སྩལ་ཅེས། །རང་བྱུང་རྒྱལ་བ་དེ་ལ་ཞུ་བ་མཛོད། །དེ་ནས་བུད་མེད་དེས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ
iiif viewer powered by OpenSeadragon
