| e-texts navigator |
| Wylie |
294a1 གྱིས་མི་ཁྱབ་པ། སྣང་བ་བསམ་གྱིས་མི་ཁྱབ་པ་ཞེས་བྱ་བར་བཏགས་སོ། །བཅོམ་ལྡན་འདས་ཀྱིས་ཀྱང་ཁྱེའུ་འདི་སྣང་བ་བསམ་གྱིས་མི་ཁྱབ་པ་ཞེས་བྱ་བར་གྱུར་ཅིག་ཅེས། ཁྱེའུ་དེའི་མིང་ལ་རྗེས་སུ་ཡིད་རང་བ་མཛད་དོ། །དེ་ནས་ཁྱེའུ
294a2 སྣང་བ་བསམ་གྱིས་མི་ཁྱབ་པ་བར་སྣང་དེ་ལས་བབས་ཏེ། ས་ལ་འདུག་པ་དང་། དེ་སངས་རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས་འདི་ལྟ་སྟེ་དཔེར་ན། གྲོགས་པོ་ལོ་བརྒྱད་ལོན་པའི་ལུས་གཟུགས་ཡོངས་སུ་གྲུབ་པར་གྱུར་པ་དེ་འདྲ་བར
294a3 འདུག་གོ། །དེ་ནས་ལྷའི་དབང་པོ་བརྒྱ་བྱིན་གྱིས་ཁྱེའུ་དེ་ལ་ལྷའི་རས་བཅོས་བུ་ཟུང་ཅིག་བྱིན་ཏེ། ཀྱེ་ཁྱེའུ་ང་ལ་སྙིང་བརྩེ་བའི་ཕྱིར་རས་བཅོས་བུའི་ཟུང་འདི་གྱོན་ལ་གཅེར་བུར་མ་འདུག་ཤིག་།དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས་ལྷའི
294a4 དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་བྱང་ཆུབ་སེམས་དཔའ་རྣམས་ནི་གོས་གྱི་རྒྱན་བགོས་པས་མཛེས་པ་མ་ཡིན་གྱི། བྱང་ཆུབ་སེམས་དཔའ་རྣམས་ནི་ཆོས་ཀྱི་རྒྱན་ཐོགས་ན་མཛེས་སོ། །ཀཽ་ཤི་ཀ་དེ་ལྟ་མོད་ཀྱི་འོན
294a5 ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གོས་ཀྱི་རྒྱན་གང་དག་ཡིན་པ་དེ་དག་ཉོན་ཅིག་། བྱང་ཆུབ་ཀྱི་སེམས་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བྱང་ཆུབ་ཀྱི་སྙིང་པོར་བརྒྱན་པར་འགྱུར་རོ། །ངོ་ཚ་ཤེས་པ
294a6 དང་། ཁྲེལ་ཡོད་པའི་རྒྱན་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། སེམས་ཅན་ཐམས་ཅད་མངོན་དུ་འཛིན་པར་འགྱུར་རོ། །དམ་བཅས་པ་བརྟེན་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཤེས་རབ་ཡོངས་སུ
294a7 རྫོགས་པར་འགྱུར་རོ། །བསམ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། སྒྱུ་དང་གཡོ་སེལ་བར་འགྱུར་རོ། །སྦྱོར་བ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། དགེ་བའི་ཆོས་ཐམས་ཅད་ཡོངས་སུ་རྫོགས་པར
294a8 འགྱུར་རོ། །ལྷག་པའི་བསམ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཐམས་ཅད་ལས་ཁྱད་པར་དུ་འགྲོ་བར་འགྱུར་རོ། །ང་རྒྱལ་མེད་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཡེ་ཤེས་ཡོངས་སུ་རྫོགས
iiif viewer powered by OpenSeadragon
