| e-texts navigator |
| Wylie |
293a1 ཉིད་དེ་ཆོས་ཉིད་དོ། །མ་ནོར་དེ་བཞིན་ཉིད་ཆོས་ལ། །ནོར་བའི་དེ་བཞིན་ཉིད་མི་དམིགས། །བཅོམ་ལྡན་འདས་ཀྱིས་བཀའ་སྩལ་པ། །བྱིས་པ་འདུ་ཤེས་ལྡན་རྣམས་ཀྱིས། །ལོག་པར་རྣམ་པར་གང་བརྟགས་པ། །བློ་དེ་རྟོགས་པར་བྱ
293a2 བའི་ཕྱིར། །དེ་བཞིན་གཤེགས་རྣམས་འབྱུང་བ་ཡིན། །ཁྱེའུས་གསོལ་པ། སྐྱེ་མ་མཆིས་པས་རབ་ཕྱེ་བ། །རྫོགས་པའི་སངས་རྒྱས་གང་ཞིག་བྱུང་། །སྐྱེ་བ་མ་མཆིས་ཆོས་རྣམས་ལ། །སངས་རྒྱས་འབྱུང་བ་འཐད་མ་ལགས། །བཅོམ
293a3 ལྡན་འདས་ཀྱིས་བཀའ་སྩལ་པ། །སྐྱེ་བ་མེད་པར་སྐྱེ་བ་ནི། །སངས་རྒྱས་འབྱུང་བ་རབ་ཏུ་བསྟན། །ཀུན་རྫོབ་ཐ་སྙེད་བཏགས་པ་སྟེ། །དམ་པའི་དོན་དུ་ཡོད་མ་ཡིན། །ཁྱེའུས་གསོལ་པ། ད་དུང་ཁྱོད་ལ་དོན་དམ་དང་། །ཀུན་རྫོབ་འདུ་ཤེས
293a4 གཉིས་མངའ་སྟེ། །ཐེག་པ་གཅིག་ལམ་འགལ་འགྱུར་བ། །གཽ་ཏམ་ཁྱོད་ཀྱིས་བཀའ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། །ང་ནི་ལམ་དང་འགལ་མི་བྱེད། །འགལ་བ་མེད་པར་ང་གནས་ཏེ། །མི་འཐུན་སེམས་ཅན
293a5 སྡུམས་ཀྱང་བྱེད། །ཁྱེའུ་ཁྱོད་དེ་ལྟར་ཤེས་པར་གྱིས། །ཁྱེའུས་གསོལ་པ། སེམས་ཅན་དེ་ནི་མི་དམིགས་ན། །གཽ་ཏ་མ་ཁྱོད་ཅི་སྡུམས་མཛད། །ཆོས་རྣམས་སྔོན་གྱི་མཐའ་ལ་གཟིགས། །གང་གི་ཀུན་ནས་ཉོན་མོངས་སྐྱེ། །བཅོམ་ལྡན
293a6 འདས་ཀྱིས་བཀའ་སྩལ་པ། །སྔོན་གྱི་མཐའ་དང་ཕྱི་མཐའ་དང་། །དེ་བཞིན་ད་ལྟར་བྱུང་བ་དང་། །བྱང་ཆུབ་དམ་པ་རྟོགས་གྱུར་ནས། །སྲོག་ཆགས་རྣམས་ལ་ཆོས་སྟོན་ཏོ། །ཁྱེའུས་གསོལ་པ། རྫོགས་སངས་རྒྱས་ཤེས་སྒྲོགས་མཛད་ཅིང་། །ཉིད་ཀྱི
293a7 མཁྱེན་པ་སྒྲོགས་མཛད་དེ། །འདི་ལྟར་བདག་ཏུ་སྒྲོ་འདོགས་པས། །ཁྱོད་ནི་ལྷག་པའི་ང་རྒྱལ་ཆེ། །བཅོམ་ལྡན་འདས་ཀྱིས་བཀའ་སྩལ་པ། །ང་ནི་བདག་ལ་མི་བསྟོད་དེ། །དེ་བཞིན་གཞན་ལ་བརྙས་མི་བྱེད། །དེ་བཞིན་ཉིད་ནི་རབ་ཏུ་སྟོན། །དེས་ན་དེ་བཞིན
293a8 གཤེགས་ཤེས་བྱ། །ཁྱེའུས་གསོལ་པ། བརྗོད་དུ་མ་མཆིས་དེ་བཞིན་ཉིད། །དེ་ན་དེ་ཉིད་མ་མཆིས་ན། །སྒྲ་སྐད་མ་མཆིས་སྒྲ་བཤད་པ། །མཁྱེན་བཞིན་ལོག་པར་བཀའ་མ་སྩལ། །བཅོམ་ལྡན་འདས་ཀྱིས་བཀའ་སྩལ་པ། །ཆོས་དེ་ཐམས་ཅད་ལོག་པ་སྟེ། །དེ་བཞིན
iiif viewer powered by OpenSeadragon
