| e-texts navigator |
| Wylie |
291a1 རྔ་དང་། སྒྲ་སྙན་དག་ནི་མ་བརྡུངས་པར་སྒྲ་འབྱུང་ངོ་། །ངང་པ་དང་། ངུར་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། ཁུ་བྱུག་དག་ཀྱང་ཡིད་དུ་འོང་བའི་སྒྲ་འབྱིན་ཏོ། །གང་དག་གཏེར་སྟོར་བ་དེ་དག་གིས་ནི་གཏེར་རྣམས་རྙེད་པར་གྱུར་ཏོ། །
291a2 གསེར་དང་དངུལ་ལས་བྱས་པའི་སྣོད་རྣམས་ཀྱང་མ་དཀྲོལ་བར་སྒྲ་བྱུང་ངོ་། །ས་ཡང་རྣམ་པ་དྲུག་ཏུ་གཡོས་ཤིང་འགུལ་ཏེ། སེམས་ཅན་རྣམས་སྐྱབས་མེད་པར་ཡང་མ་གྱུར་ཅིག་།ཡིད་དང་བ་རབ་ཏུ་ཐོབ་པོ། །སྨྲ་བའི་མཆོག་དམ་པ་སངས་རྒྱས
291a3 ཀྱིས་གང་དང་གང་དུ་ཞབས་ཀྱིས་གོམ་པ་བོར་བ་དེ་དང་དེར་པད་མ་དྲི་མ་མེད་ཅིང་། ལེགས་པར་གནས་པ་རྣམས་བྱུང་ངོ་། །དུད་འགྲོའི་སྐྱེ་གནས་སུ་སོང་བའི་སེམས་ཅན་གང་དག་གིས་མཐོང་བ་དེ་དག་ཐམས་ཅད་ཀྱང་བདེ་བ་རྙེད་ནས་མཐོ་རིས་སུ་སྐྱེ་བར
291a4 འགྱུར་རོ། །བུད་མེད་གང་དག་སྦྲུམ་པ་དེ་དག་ཀྱང་མི་བདེ་བ་མེད་པ་ཉིད་དུ་གཟུགས་བཟང་ཞིང་བལྟ་ན་སྡུག་པ་དག་བཙས་སོ། །སེམས་ཅན་རྣམས་ལ་ཡང་འདོད་ཆགས་དང་། ཞེ་སྡང་དང་། གཏི་མུག་རྣམས་ཀྱིས་གནོད་པར་གྱུར་པ་མེད་དོ། །རབ་ཏུ་སྡང་བའི
291a5 སེམས་མེད་པར་ཕན་ཚུན་དུ་སྨྲ་སྟེ། དཔེར་ན་ཕའམ་མ་ཞིག་བུ་གཅིག་པ་ལ་སྨྲ་བ་བཞིན་ནོ། །སྲང་གི་གཡས་གཡོན་རྣམས་ཀྱང་ལེགས་པར་བརྒྱན་པར་གྱུར་ཏོ། །ནམ་མཁའ་ལ་གནས་པའི་ལྷའི་ཚོགས་ཐམས་ཅད་ཀྱིས་ཀྱང་མེ་ཏོག་སིལ་མ་དག
291a6 མངོན་པར་གཏོར་ཏོ། །སེམས་ཅན་སྡུག་བསྔལ་བར་གྱུར་པ་གང་ཡང་མེད་དོ། །སེམས་ཅན་གང་དག་ན་བར་གྱུར་པ་དེ་དག་ཀྱང་ནད་མེད་པར་གྱུར་ཏེ། བདེ་བ་ཐོབ་པོ། །བདེ་བར་གཤེགས་པ་གཤེགས་པ་ན་སེམས་ཅན་སོ་སོ་ནས་དེ་བཞིན་གཤེགས
291a7 པ་ནི་བདག་ཁོ་ན་ལ་གཟིགས་སོ་སྙམ་དུ་སེམས་སོ། །སོ་སོ་ནས་བདག་ཉིད་བསོད་སྙོམས་འབུལ་ཞིང་། མིའི་འདྲེན་པ་ལ་བརྟེན་ནས་བདག་ཁོ་ན་བསོད་སྙོམས་ཀྱི་འབྲས་བུ་ལ་སྦྱོར་རོ་སྙམ་དུ་སེམས་ཏེ། དེ་གཤེགས་པ་ཙམ་ཡང་གཞལ
291a8 བར་སླ་བ་མ་ཡིན་ནོ། །དེ་ནས་བཅོམ་ལྡན་འདས་གྲོང་ཁྱེར་ཆེན་པོ་མཉན་ཡོད་དུ་མཐར་ཆགས་སུ་བསོད་སྙོམས་བཞེས་ཤིང་གཤེགས་ནས། བཅོམ་ལྡན་འདས་གྲོང་བར་གྱི་དབུས་ཞིག་ཏུ་གཤེགས་པ་དང་། དེའི་ཚེ་ཁང་སྟོང་ཞིག་ཏུ་ཁྱེའུ་གཟུགས་བཟང་བ།
iiif viewer powered by OpenSeadragon
