| e-texts navigator |
| Wylie |
287a1 ཆགས། །འདོད་པས་ཟིན་པའི་སེམས་ཀྱིས་སུ། །བདག་གིས་ཡིད་བརྟན་རུང་བར་ཤེས། །ཞི་བའི་ཆོས་ནི་མི་དམིགས་ཏེ། །འཆི་བ་ལ་ནི་མངོན་དགའ་མེད། །དེ་ཕྱིར་འདོད་པས་བསྒྲིབས་སེམས་ཀྱིས། །བདག་གིས་སྦྱིན་པ་མ་བྱིན་ནོ། །
287a2 དེ་བས་འདོད་དང་མཉམ་སྡིག་མེད། །དེ་ནི་ད་དུང་མི་ལྡོག་གོ། །ཀུན་དུ་ནོར་བས་བདག་ཅག་སྐྱེས། །འགྲོ་བ་མཐའ་དག་ཀུན་དུ་ནོར། །ཀུན་དུ་ནོར་བའི་སྒྲ་ཡང་ཉན། །དམ་ཆོས་མ་ཡིན་ཡོངས་སུ་འཛིན། །ཐར་པ་དང་ནི་བསམ་གཏན་བཙལ། །ལུས
287a3 ནི་ཀུན་དུ་བཀུར་མི་བྱ། །འཇིག་རྟེན་དོན་དུ་འགྲོ་བའི་གཙོ། །སངས་རྒྱས་སྟོན་པ་རྣམས་སུ་ཤོག་།སངས་རྒྱས་འཇིག་རྟེན་ཕ་དང་མ། །སངས་རྒྱས་ལམ་ནི་རབ་སྟོན་པ། །འཛམ་བུའི་གླིང་ནི་ཀུན་དུ་ཡང་། །རིན་ཆེན་ཆར་པ་རབ་ཏུ་འབེབས། །
287a4 ཆོས་ཀྱི་བསྡུ་བ་ཅི་འདྲ་བ། །སེམས་ཅན་བླུན་པོས་མི་ཤེས་ཏེ། །བྱང་ཆུབ་ཏུ་ནི་སེམས་བསྔོས་ན། །ཆོས་ཀྱི་བསྡུ་བ་ཐོབ་པར་འགྱུར། །འདུ་བྱེད་ཐམས་ཅད་སྟོང་པ་སྟེ། །དེ་བཞིན་ལོངས་སྤྱོད་ནོར་ཡང་སྟོང་། །བདག་ཀྱང་སྟོང་པར་མཐོང
287a5 བས་ན། །མཐོང་ནས་རེ་བ་མེད་པར་གྱུར། །གནས་བརྟན་སྨན་གྱི་སྡེ་ཁྱོད་ཀྱིས། །བདག་ཅག་རྣམས་ཀྱི་ཚིག་གསོན་ཅིག་།བྱང་ཆུབ་སེམས་དཔའ་རྣམས་ཀྱི་ཕྱིར། །ཁྱོད་ནི་ཕོ་ཉར་བཞུད་འཚལ་ལོ། །འཁོར་བའི་ཉེས་པ་རྣམས་དྲན
287a6 ནས། །བྱང་ཆུབ་སེམས་དཔའ་སྐྱོ་བ་མེད། །བརྩོན་འགྲུས་ལྡན་ཞིང་དཀའ་ཐུབ་ཆེ། །ཡོན་ཏན་ཀུན་དུ་སྡུད་པར་བྱེད། །སྟོན་དེ་ག་ལ་བཞུགས་པར་བཞུད། །སྟོན་པ་བདེ་བར་རབ་སད་ནས། །རྒྱལ་བ་ཅུང་ཟད་མི་སྐྱོ་བར། །བདག
287a7 ཅག་སླད་དུ་ཞུ་བ་མཛོད། །ཁྱོད་ཀྱིས་བདུད་ནི་གཞོམ་པ་དང་། སྟོབས་དང་བཅས་པ་ཕམ་པར་བྱས། །སེམས་ཅན་ཐམས་ཅད་ཡོངས་འཛིན་པའི། །ཆོས་ཀྱང་མྱུར་དུ་འབར་བར་བྱས། །གང་གིས་སངས་རྒྱས་འགྱུར་བ་ཡི། །ཆོས་ནི
287a8 བདག་ཅག་མ་ཐོས་ཀྱིས། །བདག་ཅག་རྣམས་ལ་ཕན་པའི་ཕྱིར། །གནས་བརྟན་མྱུར་དུ་བཞུད་དུ་གསོལ། །སུམ་བཅུ་རྩ་གཉིས་མཚན་མངའ་བའི། །དེ་བཞིན་གཤེགས་པ་མ་མཐོང་བ། །དེ་སྲིད་བདག་ཅག་མི་རྒལ་ཞེས། །ཐམས་ཅད་གུས་དང་བཅས
iiif viewer powered by OpenSeadragon
