| e-texts navigator |
| Wylie |
281b1 བདག་གི་ལུས་ནི་སྤྱང་ཀི་དང་། །ཁྱི་དང་བྱ་རོག་རྣམས་དང་ནི། །བྱ་རྣམས་ཀྱིས་ཀྱང་བཟའ་བར་འགྱུར། །ལུས་འདི་དགོས་པ་མེད་པར་གསོས། །འཆི་བའི་སྦྲུལ་དང་ལྡན་གྱུར་ནས། །མི་ནི་རྟག་ཏུ་སྐྱེ་བར་འགྱུར། །འཇིགས་པ་འདི་ལས
281b2 གྲོལ་འགྱུར་བ། །དེ་ལྟ་བུ་ཡི་སྨན་རྣམས་བསྟེན། །བདག་ལ་སྨན་པས་གང་བྱིན་པའི། །སྨན་དེ་དགོས་པ་མ་ཡིན་ན། །ཉོན་མོངས་སྦྲུལ་ལས་ཐར་བྱེད་པ། །ད་ལྟར་ཆོས་ཀྱི་སྨན་རྣམས་ནི། །འཆི་ཀར་བདག་ལ་སྦྱིན་པར་བྱོས། །ཤ་ནི
281b3 ང་ལ་མ་སྦྱིན་ཅིག་། ལུས་འདི་གསོ་བ་བྱས་ཀྱང་ནི། །གདོན་མི་ཟ་བར་འཇིག་པར་འགྱུར། །གང་ཕྱིར་སྡུག་བསྔལ་སྦྱིན་གྱུར་པ། །སྡིག་གི་ཕུང་པོ་ཅི་ཕྱིར་བླངས། །ལུས་འདི་ཤིན་ཏུ་གསོས་བྱས་ཀྱང་། །བྱ་བ་མ་རུངས་བྱེད་པར་འགྱུར། །
281b4 བུ་དང་བུ་མོ་ཅི་ཞིག་ཕྱིར། །ང་ལ་མིག་གིས་ལྟ་བར་བྱེད། །ན་བ་འདི་ལས་ང་སྐྱོབས་ཤིག་།དོན་མེད་པར་ནི་ཅི་ཕྱིར་ངུ་། །བུ་དང་བུ་མོ་ཁྱེད་ཅག་ད། །ད་ནི་མ་རུང་མ་བྱེད་ཅིག་།ཁྱེད་ཅག་གསོ་བར་བྱ་བའི་ཕྱིར། །ངས་ནི་གཞན་གྱི་ནོར་ཡང
281b5 ཕྲོགས། །ད་ནི་འཆི་དུས་བབ་པ་ན། །རེ་ཐག་ཆད་ཀྱིས་ཅི་ཞིག་བྱེད། །སྐྱེ་དང་ངན་འགྲོས་རབ་ཏུ་འཇིགས། །འཆི་བས་ཀྱང་ནི་ཡོངས་སུ་གཟིར། །ཚོར་བ་འདུ་ཤེས་འདུ་བྱེད་དང་། །རེག་པ་ཤིན་ཏུ་ཚོར་བའོ། །སྲེད་པས་བྱིས་པ
281b6 རྣམས་ཀྱང་འཁྱམ། །མི་བཟད་འབྲས་བུ་རྣམས་ཀྱང་ཐོབ། །ངན་པའི་རིགས་སུ་སྐྱེ་བ་ནི། །དེར་ཡང་མྱ་ངན་བཅིངས་པར་འགྱུར། །བདག་ལ་བསོད་ནམས་ཆུང་ཤེས་ནས། །སྐྱེ་བོ་གཞན་དག་མྱ་ངན་བྱེད། །སྦྱིན་དང་ཚུལ་ཁྲིམས
281b7 ཡོངས་སུ་ཉམས། །ཆོས་ལ་ཡང་ནི་རྒྱབ་ཀྱིས་ཕྱོགས། །ཡང་སྐྱེ་བ་ནི་མི་ཤེས་པས། །ཉོན་མོངས་སྦྲུལ་གྱིས་ཉོན་མོངས་པ། །མ་རིགས་པས་ནི་བྱིས་པ་རྣམས། །གང་ན་ཐར་པ་མེད་པར་འཁྱམ། །ཐར་པའི་དོན་ནི་མི་ཤེས
281b8 ནས། །འཁྲུལ་པས་སྡིག་པ་རྣམས་ཀྱང་བྱེད། །ཉོན་མོངས་རྣམས་ཀྱིས་བྱིས་པ་འཁྱམ། །ཡིད་ནི་རྟག་ཏུ་རྣམ་པར་འཁྲུགས། །བཅིང་བ་སྣ་ཚོགས་ལྡན་ལུས་ལ། །མེས་ནི་ཀུན་དུ་འབར་ཞིང་ཚིག་།གང་ན་བདེ་བ་མེད་པ་དེར། །
iiif viewer powered by OpenSeadragon
