| e-texts navigator |
| Wylie |
280b1 སྐྱེ་བར་འགྱུར། །སེམས་དམྱལ་སེམས་ཅན་བསད་ནས་སུ། །ཕྱིས་ཀྱང་འཇིགས་པ་དེ་མཐོང་སྟེ། །དཔག་ཚད་བརྒྱར་ནི་ཡང་དང་ཡང་། །འཇིགས་པ་ཆེན་པོར་ལྟུང་བར་འགྱུར། །དེ་དག་སྒོ་རྙེད་མི་འགྱུར་ཏེ། །ཕྱིས་ཀྱང་མུན་པར་རབ་ཏུ་ལྟུང་། །
280b2 སྤུ་གྲི་ཞེས་བྱ་སེམས་དམྱལ་དུ། །སྤུ་གྲི་སྟོང་ཡང་འབྱུང་བར་འགྱུར། །བྱེ་བ་སྟོང་ཕྲག་བརྒྱ་རྣམས་ཀྱིས། །སྤུ་གྲི་མདུན་དུ་འབྱུང་འགྱུར་ཏེ། །བདག་གིས་ཉེས་པའི་ལས་བྱས་པས། །དེ་དག་གིས་ནི་དེ་ལུས་གཏུབས། །རླུང་འཁྲུགས
280b3 ཆེན་པོ་མི་བཟད་པས། །ལུས་དེ་ཐམས་ཅད་འཇིག་པར་བྱེད། །རྟག་ཏུ་འདི་འདྲའི་སེམས་དམྱལ་དུ། །བདག་གིས་སྡུག་བསྔལ་མྱོང་བར་འགྱུར། །ལུས་ནི་རབ་ཏུ་སྡུག་བསྔལ་བར། །སེམས་ཅན་ཀུན་གྱིས་བདག་མཐོང་ངོ་། །
280b4 ཁྱིམ་སོ་བྱ་ཕྱིར་གཞན་དག་གི། །ནོར་ཡང་རབ་ཏུ་བདག་གིས་བླངས། །བདག་གི་བུ་ཕོ་བུ་མོ་དང་། །དེ་བཞིན་ཕུ་ནུ་སྲིང་མོ་དང་། །བདག་གི་ཕ་མའང་དེ་བཞིན་ཏེ། །མཛའ་བོ་གཉེན་བཤེས་མང་པོ་དང་། །བྲན་དང་ལས་བྱེད་རྣམས
280b5 དང་ནི། །དེ་བཞིན་བ་དང་ཕྱུགས་དང་གཡོག་།དགོས་པ་ངན་ལ་བདག་འཁྲུལ་ཏེ། །གསེར་དང་དངུལ་གྱི་སྣོད་རྣམས་དང་། །དེ་བཞིན་ཕྲ་རབ་གོས་རྣམས་དང་། །ཁྱིམ་བྱེད་བཅུག་པས་འཁྲུལ་པ་སྟེ། །ཁྱིམ་ཡང་ཤིན་དུ་བཀྲ་བྱས་ནས། །སྐྱེས
280b6 པ་བུད་མེད་ལང་ལོང་དང་། །པི་བང་སིལ་སྙན་འཁྲོལ་བ་ལ། །བདག་ཡིད་མ་དུལ་དགའ་བར་འགྱུར། །སྤོས་ཆུ་དག་གིས་ལུས་བཀྲུས་ཀྱང་། །ད་དུང་བྱས་པ་གཟོ་བ་མེད། །ལུས་ཁྱོད་སེམས་པ་མེད་པ་སྟེ། །ང་ནི་ཁྱོད་ཀྱི་ཆེད་ལ་འཁྲུལ། །
280b7 ཕྱིན་ཆད་སེམས་ཅན་འགའ་ཙམ་ཡང་། །བདག་ལ་སྐྱོབ་པར་འགྱུར་བ་མེད། །རླུང་འཁྲུལ་ཆེན་པོ་མི་བཟད་པར། །ལུས་ནི་ཡོངས་སུ་གདུང་བ་ན། །རོ་དང་ལྡན་པ་ཞིམ་ཟོས་ཏེ། །ལྕེས་ཀྱང་སྣ་ཚོགས་དེ་བཞིན་ནོ། །ཕྲེང་བ་སྣ་ཚོགས
280b8 བཟང་མཛེས་པ། །རབ་ཏུ་མང་པོ་མགོ་ལ་བཅིངས། །མིག་ནི་གཟུགས་ཀྱིས་འཁྲུལ་བྱས་ཏེ། །མིག་གི་སྐྱབས་ནི་ཡོད་མ་ཡིན། །བདག་གིས་མཐོང་ནས་གང་བྱས་པ། །སྡིག་པ་རྣམས་ནི་མིག་གི་རྒྱུ། །ལག་པ་རྡོ་རྗེས་བཅད་པ་ནི། །བདག་གི
iiif viewer powered by OpenSeadragon
