| e-texts navigator |
| Wylie |
272b1 རྩ་བ་ཟུག་ནས་ལོ་མ་དང་མེ་ཏོག་དང་འབྲས་བུ་འབྱུང་བ་དེ་ཁྱེད་ཀྱིས་གང་ན་ཡང་མཐོང་ངམ། ཐོས་སམ་ཁྱེད་ཀྱིས་ཞག་བདུན་ནམ་ཟླ་ཕྱེད་ཀྱིས་འདི་བྱེ་བྲག་ཕྱེད་པར་གྱིས་ཤིག་།དེ་ནས་བློན་པོ་དེ་དག་སྟན་ལས་ལངས་ཏེ་རྒྱལ་པོ་ལ་འདི་སྐད
272b2 ཅེས་གསོལ་ཏོ། །རྒྱལ་པོ་ཆེན་པོ་བདག་ཅག་གིས་འདི་བྱེ་བྲག་ཕྱེད་པར་བགྱིར་མི་རུང་ངོ་། །འདི་བྱེ་བྲག་ཕྱེད་པར་རྔོ་མི་ཐོག་གོ། །རྒྱལ་པོ་ཆེན་པོ་འདི་ནི་ངོ་མཚར་ཏེ། རེ་ཤིག་མི་འདི་ཉིད་ལ་རྨ་བར་བགྱིའོ། །ཀྱེ་སྐྱེས་བུ་གང་སྨྲས་པའི་དོན་བདེན་ནམ
272b3 སྨྲོས་ཤིག་། སྨྲས་པ་རྒྱལ་པོ་ཆེན་པོ་དོན་དེ་མད་དོ། །རྒྱལ་པོས་སྨྲས་པ། གང་གི་ཉིན་མོ་ཤིང་བསྐྱེད་པ། །དེ་ཡི་ཉིན་མོ་རྩ་ཟུག་ཅིང་། །འདབ་མ་མེ་ཏོག་འབྲས་བྱུང་ཞེས། །དེ་ཉིད་ཉིན་མོ་སྨྲ་བ་ནི། །ཁྱོད་ཀྱི་ཚིག་འདི་འཐད་པར་དཀའ། །
272b4 འདི་འདྲ་མཐོང་བ་འམ་ཐོས་པ་མེད། །དེ་ནས་མི་དེས་ཐལ་སྦྱར་ཏེ། རྒྱལ་པོ་དེ་ལ་འདི་སྐད་སྨྲས། །གཤེགས་ལ་ཉིད་ཀྱིས་ཤིང་བསྐྱེད་དེ། །རྩ་བ་ཟུག་ལ་གཟིགས་སུ་གསོལ། །དེ་ནས་རྒྱལ་པོ་དེ་བློན་པོ་བྱེ་བ་ཕྲག་སུམ་བཅུ་དང་ལྷན
272b5 ཅིག་ཕྱི་རོལ་དུ་བྱུང་ནས་མི་དེ་གཉིས་ཀྱང་བཙོན་རར་བཅུག་གོ། །དེ་ནས་རྒྱལ་པོ་དེ་ཉིད་ཀྱིས་ཤིང་བསྐྱེད་པ་དང་། ཤིང་དེ་རྩ་བ་ཡང་མ་ཟུག་།ལོ་མ་དང་། མེ་ཏོག་དང་། འབྲས་བུ་ཡང་མ་བྱུང་ནས་དེ་ནས་རྒྱལ་པོ་དེ་ཁྲོས་ཏེ་འདི་སྐད་ཅེས
272b6 ཁྱེད་མྱུར་དུ་དེང་ལ་ཤིང་གཤེགས་པའི་སྟ་རེ་རྣམས་ལོང་ཤིག་། ཅེས་སྨྲས་ནས་བླངས་པ་དང་། དེ་ནས་གང་མི་དེས་བསྐྱེད་པའི་ཤིང་དེ་ལ་ཁྲོས་ནས་ཤིང་དེའི་ལོ་མ་དང་། མེ་ཏོག་དང་། འབྲས་བུ་བྱུང་བ་རྣམས་བཅད་དེ་ཤིང་གཅིག་པོ
272b7 དེ་བཅད་པ་དང་ཤིང་བཅུ་གཉིས་བྱུང་ངོ་། །ཤིང་བཅུ་གཉིས་པོ་བཅད་པ་དང་། རིན་པོ་ཆེ་སྣ་བདུན་གྱི་ཤིང་རྩ་བ་དང་བཅས། ལོ་མ་དང་བཅས། མྱུ་གུ་དང་བཅས་པ་ཉི་ཤུ་རྩ་བཞི་བྱུང་ངོ་། །དེ་ནས་ཤིང་ཉི་ཤུ་རྩ་བཞི་པོ་དེ་དག་ལས་བྱ་གསེར་གྱི
272b8 ཟེ་བ་ཅན། གསེར་གྱི་མཆུ་ཅན། རིན་པོ་ཆེ་སྣ་བདུན་གྱི་འདབ་མ་ཅན་ཉི་ཤུ་རྩ་བཞི་བྱུང་ངོ་། །དེ་ནས་རྒྱལ་པོ་དེ་ཁྲོ་བའི་ཟིལ་གྱིས་ནོན་ནས་རང་གི་ལག་གིས་སྟ་རེ་བླངས་ཏེ་ཤིང་དེ་ལ་གཙབས་པ་དང་། ཤིང་གཙབས་པ་དེ་ལས་བདུད་རྩིའི་ཆུ་བྱུང་ངོ་། །
iiif viewer powered by OpenSeadragon
