| e-texts navigator |
| Wylie |
271a1 སྐྱིན་པ་ནི་ཞག་བཅུ་ནས་སླར་འབུལ་ནུས་ན་ནི་ལེགས། ཇི་སྟེ་འབུལ་མ་ནུས་ན་ཡང་ངེད་ཁྱེད་ཀྱི་བྲན་དུ་ཁས་བླངས་ཏེ་ལས་བྱའོ་ཞེས་དེ་སྐད་སྨྲས་ནས་དེ་གཉིས་ཀྱིས་གསེར་དེ་ཁྱེར་ཏེ་མི་ཉོར་དོང་ངོ་། །དེ་གཉིས
271a2 ཀྱིས་མི་ཉོས་ནས་མི་དེས་ཀྱང་བདག་བསད་པར་ནི་མ་ཤེས་སོ། །དེ་ནས་ཕ་མ་རྨོངས་པར་གྱུར་པ་དེ་གཉིས་སླར་རང་གི་ཁྱིམ་དུ་མ་དོང་གི་ལྷ་རྟེན་གྱི་དྲུང་དུ་སོང་སྟེ། ལྷ་བོན་པོ་ལ་ད་མྱུར་དུ་མཆོད་སྦྱིན་མཛོད་ཅིག་ཅེས་སྨྲས་སོ། །
271a3 དེ་ནས་ཕ་མ་དེ་གཉིས་བདག་ཉིད་ཀྱིས་ཕྱུགས་ཀྱང་བསད་མི་དེ་ཡང་བསད་དོ། །དེ་ནས་ལྷ་བོན་པོ་དེས་མཆོད་སྦྱིན་བྱ་བར་བསམས་ཏེ་མེ་བུས་པ་དང་། དེ་ནས་ལྷ་དེ་བབས་ཏེ་ཁྱོད་ཀྱི་བུ་ནི་ངས་ཁྱེར་རོ་ཞེས་སྨྲས་སོ། །དེ་ནས
271a4 ཕ་མ་དེ་གཉིས་དགའ་ཞིང་མགུ་བས་ཁྱབ་ནས་བུ་འདི་སོས་ན་བདག་ཅག་བྲན་དུ་གྱུར་ཀྱང་བླ་ཞེས་སྨྲས་ཏེ། ཕ་མས་ལྷ་ལ་མཆོད་སྦྱིན་བྱས་ནས་སླར་ལོག་སྟེ་རང་གི་ཁྱིམ་དུ་ཕྱིན་ནས་བུ་འཆི་བའི་དུས་བྱས་པ་མཐོང་ངོ་། །དེ་ནས
271a5 ཕ་མ་དེ་གཉིས་སྡུག་བསྔལ་ཞིང་ཡི་མུག་པ་ཆེན་པོས་སྙིང་ལ་མྱ་ངན་གྱི་ཟུག་རྔུ་ཟུག་སྟེ་ཡི་ཆད་པར་གྱུར་ནས་དེ་ཉིད་དུ་འཆི་བའི་དུས་བྱས་པ་དེ་བཞིན་དུ། སྨན་གྱི་སྡེ་མི་དགེ་བའི་གྲོགས་པོ་དང་བསྟེན་པར་བལྟའོ། །གསོལ་པ།
271a6 བཅོམ་ལྡན་འདས་སེམས་ཅན་དེ་དག་གང་དུ་སྐྱེ་བ་ཞུའོ། །བཅོམ་ལྡན་འདས་ཀྱིས་བཀའ་སྩལ་པ། སྨན་གྱི་སྡེ་ཁ་རོག་ང་ལ་མ་འདྲི་ཤིག་།གསོལ་པ། བཅོམ་ལྡན་འདས་ཞུའོ། །བདེ་བར་གཤེགས་པ་ཞུའོ། །
271a7 བཅོམ་ལྡན་འདས་ཀྱིས་བཀའ་སྩལ་པ། སྨན་གྱི་སྡེ་དེ་ལ་མ་ནི་སེམས་ཅན་དམྱལ་བ་ཆེན་པོ་ངུ་འབོད་དུ་སྐྱེས་སོ། །ཕ་ནི་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སྐྱེས་སོ། །བུ་ནི་སེམས་ཅན་དམྱལ་བ་ཆེན་པོ་ཚ་བར་སྐྱེས
271a8 སོ། །ལྷ་བོན་པོ་ནི་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་སོ། །གསོལ་པ། བཅོམ་ལྡན་འདས་མི་མ་ནོངས་པ་དེ་གང་དུ་སྐྱེས་དེའི་ཚེ་སླད་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྨན་གྱི་སྡེ་འདི་ལ་མི་མ་ཉེས་པ་དེ་ནི
iiif viewer powered by OpenSeadragon
