| e-texts navigator |
| Wylie |
255a1 སྐྱེས་བུ་བླུན་པོ་མ་འགྲོ་ཤིག་།གནོད་པར་བྱེད་པའི་སེམས་ཀྱིས་སུ། །ཁྱོད་ཀྱིས་སྡིག་པ་མང་བྱས་ཀྱིས། །སྡིག་པའི་ལས་ནི་མ་བྱེད་ཅིག་།གང་དག་བདག་ལ་གནོད་བྱེད་རྣམས། །སྡུག
255a2 བསྔལ་སེམས་ཅན་དམྱལ་བར་འགྲོ། །མྱ་ངན་བྱེད་ཅིང་ངུ་བས་ན། །དེ་ཕྱིར་ས་ལ་འགྱེལ་བར་འགྱུར། །བརྩོན་འགྲུས་དེས་ནི་སངས་རྒྱས་མི་འགྱུར་ཏེ། །བྱང་ཆུབ་སེམས་དཔར་འགྱུར་བའང་མ་ཡིན་ནོ། །ཉན་ཐོས
255a3 ཐར་པའི་ཐེག་པའང་མི་འཐོབ་ཀྱིས། །བརྩོན་འགྲུས་གཞན་གྱིས་རབ་ཏུ་འབད་པར་གྱིས། །དྲང་སྲོང་ག་ལ་ཡོད་པའི་རི་དེར་སོང་། །སོང་སྟེ་དྲང་སྲོང་ཆེ་བ་ཉིད་མཐོང་ནས། །དེ་ཡི་རྐང་ལ་མགོ་བོས་ཕྱག་འཚལ་ཏེ། །སེམས་ཅན་དམ
255a4 པ་བདག་ལ་སྐྱབས་མཛོད་ཅིག་། བདག་ནི་འཇིགས་སྐྱེད་སྡུག་བསྔལ་རབ་ཏུ་གཟིར། །སེམས་ཅན་སྙིང་པོ་དྲང་སྲོང་ཚིག་གསོན་ཅིག་།བཞུགས་ལ་སེམས་ཀྱི་སྐབས་ནི་དབྱེ་མཛོད་དེ། །སྐད་ཅིག་ཙམ་ཞིག་དགེ་བའི་ཆོས་ཀྱང་ཤོད། །
255a5 འཇིགས་སྐྲག་སྡུག་བསྔལ་རབ་ཏུ་གཟིར་བས་ན། །དེ་ཕྱིར་སྐད་ཅིག་ཡིད་ཙམ་བཞུགས་སུ་གསོལ། །བདག་གིས་སྡིག་མང་གང་བགྱིས་བཤགས་པར་འཚལ། །དྲང་སྲོང་གིས་ནི་བདག་ལ་བཀའ་སྩོལ་ཅིག་།དྲང་སྲོང་གིས་སྨྲས
255a6 པ། སྡུག་བསྔལ་ངུ་ཞིང་མྱ་ངན་བྱེད་པས་གཟིར། །ཁྱོད་ནི་བཀྲེས་ཤིང་སྐོམ་པས་ཉེན་པ་སྟེ། །རེ་ཆད་སྲིད་པ་གསུམ་དུ་འགྲོ་བས་ན། །ཁ་ཟས་གང་དག་བྱིན་པ་དེ་དག་ཟོ། །ལུས་ནི་ཚིམ་པར་བྱ་བའི་ཕྱིར། །དྲང་སྲོང་གིས་ནི
255a7 ཟས་བྱིན་ཏེ། །ཡིད་དུ་འོང་བ་ཞིམ་ཟོས་ནས། །སེམས་ཅན་རབ་ཏུ་དགའ་བར་གྱུར། །སྡིག་པ་ཐམས་ཅད་བྱང་བྱེད་པའི། །ཆོས་ནི་ཁྱོད་ལ་ཕྱིས་བཤད་དོ། །དེ་ཡི་ཁ་ཟས་ཞིམ་པོ་དེ། །སྐད་ཅིག་གཅིག་ལ་ཟོས་པར་གྱུར། །
255a8 ཟས་ཟོས་ནས་ཀྱང་ལག་དཀྲུས་ཏེ། །དྲང་སྲོང་ལ་ནི་བསྐོར་བྱས་ནས། །སྐྱིལ་མོ་དཀྲུང་དུ་འདུག་ནས་སུ། །སྡིག་པ་གང་དང་གང་བྱས་སྨྲས། །ཕ་བསད་དང་ནི་མ་བསད་དང་། །མཆོད་རྟེན་བཤིག་པ་བདག་གིས་བགྱིས། །
iiif viewer powered by OpenSeadragon
