| e-texts navigator |
| Wylie |
238b1 འཁོད་པ། །དེ་བཞིན་འདས་པའི་དུས་ནའང་ངས་ཤེས་ཏེ། །དེ་དག་གང་གཱའི་ཀླུང་གི་བྱེ་སྙེད་ཀྱི། །རྒྱལ་བ་དེ་དག་རྣམས་ཀྱི་སྤྱན་སྔར་འཁོད། །དེ་ཡི་འོག་ཏུ་ལྔ་བརྒྱ་འཁོད་པ་ཡིན། །བྱང་ཆུབ་མཆོག་དེ་ངས་ཀྱང་གཟུང་བར་བྱ། །ཕྱི་དུས་རྒྱལ
238b2 བའི་ཡེ་ཤེས་དེ་དག་ཡིན། །བརྟན་པའི་བློ་གྲོས་ཁྱོད་ཀྱང་དེ་ལ་དཔའ། །གང་དག་ཆོས་ཀུན་གཟུང་ཕྱིར་ཞུགས་པ་ནི། །གཞན་ཡང་དཔའ་བོ་དུང་ཕྱུར་ཕྲག་བརྒྱད་དོ། །ངས་ཀྱང་དེར་ནི་ཆོས་མཉན་བྱ་བ་ཡིན། །ཐོས་པར་གྱུར་ནས་ཀྱང་ནི་ཆོས
238b3 དེ་ལ། །གནས་པར་བྱ་སྟེ་སྤྱོད་པ་མི་ཞན་པ། །དེ་ཡི་ཚེ་ན་བསྟན་པར་བྱ་བ་ཡིན། །དེ་ཚེ་སྟོན་པས་བྱང་ཆུབ་མཆོག་ལུང་བསྟན། །རང་རང་ལུང་བསྟན་པ་ནི་ཐོས་ནས་སུ། །དུང་ཕྱུར་ཕྲག་བརྒྱད་དགའ་བས་ཁྱབ་གྱུར་ནས། །ཏ་ལ་བདུན་སྲིད་མངོན
238b4 པར་འཕགས་པར་གྱུར། །འཇིག་རྟེན་མགོན་པོས་ཀུན་དགའ་བཀའ་སྩལ་པ། །ཕྱི་མའི་དུས་ཚེ་སྡིག་པ་ཅན་དེར་ནི། །ཆོས་འདི་འཛིན་པར་སྤྲོ་ཞིང་ནུས་གྱུར་ཏམ། །མི་སྤྲོ་ཞེས་ནི་བཅོམ་ལྡན་འདས་ལ་གསོལ། །མཁྱེན་བཞིན་རྒྱལ་བ
238b5 འོད་སྲུང་བཀའ་སྩལ་པ། །འོད་སྲུང་ཆོས་འདི་འཛིན་པར་བྱེད་འགྱུར་རམ། །ཡོངས་སུ་མྱ་ངན་འདས་ནས་ཆོས་ཟུང་ཤིག་།མི་སྤྲོ་ལགས་སོ་ཞེས་ཏེ་འོད་སྲུང་སོང་། །སྟོང་གསུམ་འཇིག་རྟེན་ཁམས་འདི་སྐྱེ་བོ་དང་། །རྒྱ་མཚོ་རི་དང་ནགས
238b6 ཚལ་བཅས་གཟུང་ཞིང་། །ཁུར་གཞན་མང་པོ་བསྐུར་བར་སྤྲོ་ལགས་ཀྱི། །ཁུར་འདི་བསྐུར་བར་བདག་ནི་མི་སྤྲོ་ལགས། །སླད་མའི་དུས་ན་སུ་ཞིག་ཆོས་འཛིན་ལགས། །དེ་ཉིད་དགེ་སློང་ཤིན་ཏུ་དབང་བགྱི་དཀའ། །རྗེས་སུ་བསྟན་པ
238b7 འདི་ལ་གནས་མི་བགྱིད། །འཇིག་རྟེན་འདྲེན་པ་མྱ་ངན་འདས་ཅི་སྨོས། །འོད་སྲུང་ཁྱོད་ནི་རྒས་འཁོགས་གྱུར་ཏོ་ཞེས། །སླད་དུས་བདག་གི་ཚིག་བཞིན་ཡོང་མི་བགྱིད། །བདག་གི་རྗེས་སུ་བསྟན་ལ་གནས་མི་འགྱུར། །བདག་ཅག་འདི་ནི
238b8 མཁས་ཤིང་དོན་སེམས་སྙམ། །སྙན་དངགས་འཇིག་རྟེན་རྒྱང་པན་སེམས་པ་ལགས། །དེ་བཞིན་འཇིག་རྟེན་སྒྲ་ཡིས་གནས་པ་ལགས། །བསམ་གཏན་དེ་བཞིན་ཏིང་ངེ་འཛིན་སྤངས་ནས། །དེ་དག་འཇིག་རྟེན་པ་ལ་སྤྱོད་པར་འགྱུར། །
iiif viewer powered by OpenSeadragon
