| e-texts navigator |
| Wylie |
237b1 འབྱུང་། །དམིགས་པའི་རབ་ཏུ་དབྱེ་བ་ཡིས། །ཇི་ལྟར་སྤྲུལ་པ་འབྱུང་བ་བཞིན། །ཞབས་མཐིལ་ཞབས་སོར་འོག་འཁོར་ལོ། །དཔེ་བྱད་ལས་ནི་འབྱུང་བར་འགྱུར། །དཔེ་བྱད་བཟང་འབྱོར་འདི་འདྲ་བ། །དེ་ནི་བཤད་བྱས་དེ་ཉོན་ཅིག་།དེ་བཞིན
237b2 ང་ཡི་དཔེ་བྱད་རབ་ཏུ་གསལ། །ང་ཡི་སོར་མོ་དག་ལ་འཐུན་པར་གནས། །ཡང་དག་འཕགས་ཤིང་རྗེས་སུ་འཐུན་པར་གནས། །དེ་ཡི་ཡངས་པར་གནས་པ་ཡང་དག་འཕགས། །དེ་ཡི་འོད་ཟེར་གནས་པ་མངོན་དུ་འཕགས། །འོད་ཟེར་བྱེ་བ
237b3 ཇི་བཞིན་རབ་ཏུ་སྣང་། །ལྷུན་པོ་བཞིན་དུ་འོད་ཀྱིས་ཡང་དག་འབྱུང་། །དེ་ཡི་སྟེང་ན་འོད་ཟེར་དྲ་བ་ཅན། །སྙིང་པོ་བསགས་པའི་དཔེ་བྱད་དེ་དག་ལ། །དེ་ཚེ་འོད་ཟེར་གནས་པ་བྱེ་ཕྲག་བཅུ། །དེ་ཚེ་ཀུན་གྱི་མིང་ནི་གཞན་དང་གཞན། །དེ་ཚེ་འོད་དང་མདོག་ཀྱང
237b4 གཞན་དང་གཞན། །ང་ཡི་འོད་ཟེར་གཅིག་ལས་འོད་སྟོང་འབྱུང་། །དེ་ཚེ་ཐམས་ཅད་ཁ་དོག་དུ་མར་གནས། །སྟོང་གསུམ་གྱི་ནི་ས་དེ་བཤིག་ནས་སུ། །འོག་ཏུ་དེ་དག་སངས་རྒྱས་མཛད་པ་བྱེད། །ང་ནི་སངས་རྒྱས་འོད་ཀྱིས་བྱུང་བ་ཡིན། །ང་ནི་ལས་ཀྱི
237b5 འབྲས་བུས་འོངས་མ་ཡིན། །དེ་བཞིན་གཤེགས་པའི་འོད་དེ་མཐོང་ནས་སུ། །སྐྱེས་པ་བུད་མེད་དག་ནི་མྱོས་པར་འགྱུར། །བསྐལ་པ་བྱེ་བ་མང་པོར་མངོན་པར་སྤྲུལ། །ཡང་ན་སངས་རྒྱས་ཞིང་བཀོད་གཞན་དང་གཞན། །གང་དུ་སངས་རྒྱས་མཛད
237b6 པ་ངས་བྱས་པ། །དེ་བཞིན་རྒྱལ་བ་དག་ནི་ཆོ་འཕྲུལ་སྤྲུལ། །ང་ཡི་ཏིང་ངེ་འཛིན་ནི་ཀུན་ནས་སྣང་། །སངས་རྒྱས་ཞིང་ནི་ཀུན་ནས་སྣང་བར་བྱེད། །ལྷུན་པོའི་རྒྱལ་མཚན་འོད་ཟེར་ཞེས་བྱ་འཕགས། །དཔའ་བར་འགྲོ་བ་ཞེས་བྱའི་ཏིང་འཛིན་འཕགས། །
237b7 ཆོས་རྣམས་ཀུན་གྱིས་ཁྱབ་པར་མཐོང་ལྡན་པ། །རྣམ་དག་ཁ་ཅིག་སངས་རྒྱས་སྤྲུལ་འདིར་མཐོང་། །ཁ་ཅིག་ལྷུམས་ཞུགས་མཐོང་ཞིང་བཙས་པ་དང་། །འཇིགས་མེད་མི་སྐྲག་གོམ་བདུན་འདོར་འདིར་མཐོང་། །དེ་ནི་རྒྱལ་བ་བྱང་ཆུབ་འཚང་རྒྱ་སྙམ། །
237b8 ས་ཡི་སྙིང་པོར་བྱང་ཆུབ་བཞུགས་པར་མཐོང་། །ཆོས་ཀྱི་འཁོར་ལོ་བསྐོར་བར་འགྱུར་སྙམ་བྱེད། །ཁ་ཅིག་བྱང་ཆུབ་ཕྱིར་ནི་སྤྱོད་སྙམ་བྱེད། །ཏིང་འཛིན་གང་ལ་གནས་ནས་རྣམ་འཕྲུལ་བའི། །ཏིང་འཛིན་གཟི་བརྗིད་དེ་ནི་ཅི་འདྲ་ལྟོས། །ཁ་ཅིག་ང་ཡི་སྐུ་ཚེ
iiif viewer powered by OpenSeadragon
