| e-texts navigator |
| Wylie |
237a1 དེ་ནི་ཐོས་པས་འཕགས་པར་འགྱུར། །གང་གིས་ཏིང་འཛིན་འདི་བསྒོམས་དང་། །གང་དག་བསྒོམ་པར་འགྱུར་རྣམས་ཀྱི། །བསོད་ནམས་ཕུང་པོ་དེ་ལ་ནི། །ཚད་ཡོད་དོ་ཞེས་ང་མི་སྨྲ། །ཏིང་ངེ་འཛིན་འདི
237a2 བསྒོམས་པ་ཡི། །བསོད་ནམས་དེ་ནི་རབ་ཏུ་མང་། །ཤེས་པ་དེ་ནི་རྣམ་པར་འཕེལ། །སངས་རྒྱས་མཆོད་པས་དེ་ལྟ་མིན། །མེ་ཏོག་སྤོས་དང་ཕྲེང་བ་དང་། །བཟའ་བ་དག་དང་བཏུང་བ་དང་། །ཡོ་བྱད་རྣམས
237a3 ཀྱིས་བསྙེན་བཀུར་བ། །དེ་ནི་སངས་རྒྱས་བསྙེན་བཀུར་མིན། །བརྟན་པའི་བློ་གྲོས་ང་ཡིས་སུ། །བྱང་ཆུབ་སྙིང་པོར་ཆོས་གང་རྟོགས། །ཆོས་དེར་གང་དག་སྦྱོར་བྱེད་པ། །དེ་ཡིས་སངས་རྒྱས་སྟི་སྟང་བྱས། །
237a4 གང་ཡང་ཆོས་དེ་ཚོལ་བྱེད་ཅིང་། །སངས་རྒྱས་མཐོང་བར་འདོད་བྱེད་པ། །དེ་ཡིས་མྱུར་བར་འདི་འདྲའི་ཆོས། །ཏིང་ངེ་འཛིན་འདི་བཙལ་བར་བྱ། །གང་དག་ཏིང་འཛིན་དེ་ཐོབ་ནས། །དགའ་བ་བཟང་པོ་བསྐྱེད་བྱེད་པ། །
237a5 སངས་རྒྱས་སྟོང་ཕྲག་མང་པོ་དག་།དེ་དག་གིས་ནི་སྔོན་ཆད་ཤེས། །ཏིང་ངེ་འཛིན་གྱི་ལས་ཀྱི་ལེའུ་སྟེ་བཅུ་བཞི་པའོ།། །། བརྟན་པའི་བློ་གྲོས་གཞན་ཡང་མངོན་པར་ཤེས་པ་མྱུར་བ་ཉིད་དུ་བྱ་བའི་ཕྱིར་དེ
237a6 བཞིན་གཤེགས་པའི་མཆོད་རྟེན་མཆོད་པ་དང་། ཕྱིར་བཅོས་པ་དང་། བྱི་དོར་བྱ་བ་ལྷུར་བླང་བར་བྱ་སྟེ། བརྟན་པའི་བློ་གྲོས་དེ་ལ་རིགས་ཀྱི་བུའམ། རིགས་ཀྱི་བུ་མོ་གང་ཞིག་དེ་བཞིན་གཤེགས་པའི་མཆོད་རྟེན་བྱི་དོར་བྱེད
237a7 པ་དེ་ནི་སྨོན་ལམ་གྱི་མཆོག་རྣམ་པར་དག་པ་བཞི་རྗེས་སུ་འཐོབ་པོ། །བཞི་གང་ཞེ་ན། གཟུགས་ཀྱི་སྨོན་ལམ་གྱི་མཆོག་རྣམ་པར་དག་པ་དང་། དལ་བ་ཕུན་སུམ་ཚོགས་པའི་སྨོན་ལམ་གྱི་མཆོག་རྣམ་པར་དག་པ་དང་།
237a8 ཡང་དག་པར་བླང་བ་བརྟན་པའི་སྨོན་ལམ་གྱི་མཆོག་རྣམ་པར་དག་པ་དང་། དེ་བཞིན་གཤེགས་པ་བལྟ་བའི་སྨོན་ལམ་གྱི་མཆོག་རྣམ་པར་དག་པའོ། །སྨོན་ལམ་དགེ་བས་བསྐྱེད་པ་ཡིས། །མངོན་གྲུབ་དེ་བཞིན་གཤེགས་རྣམས
iiif viewer powered by OpenSeadragon
