| e-texts navigator |
| Wylie |
284b1 དང་ནི། །འདུལ་བའི་སྦྱོར་བས་ལེགས་པར་བསླབ། །གང་གིས་ལེགས་པར་བཤད་པའི་ཚིག་།འདི་ནི་མཆོག་གི་བཀྲ་ཤིས་སོ། །ཕ་དང་མ་ལ་བསྙེན་བཀུར་བྱ། །བུ་དང་ཆུང་མ་རྗེས་སུ་བཟུང་། །མི་མཐུན་པ་ཡི་ལས་མི་བྱ། །འདི་ནི
284b2 མཆོག་གི་བཀྲ་ཤིས་སོ། །སྦྱིན་པ་ཆོས་ཀྱི་སྤྱོད་པ་དང་། །གཉེན་འདུན་རྣམས་ནི་རྗེས་སུ་གཟུང་། །ཁ་ན་མ་ཐོའི་ལས་མི་བྱེད། །འདི་ནི་མཆོག་གི་བཀྲ་ཤིས་སོ། །སྡིག་ལ་དགའ་བ་སྤང་བར་བྱ། །ཆང་གི་བཏུང་བ་རྣམ་པར་སྤང་། །
284b3 གང་ཞིག་ཆོས་ལ་བག་ཡོད་པ། །འདི་ནི་མཆོག་གི་བཀྲ་ཤིས་སོ། །གློ་བུར་བླ་མ་གུས་པར་བྱ། །བྱས་པ་ཤེས་ཤིང་གུས་པར་བྱ། །དུས་སུ་ཆོས་ནི་མཉན་པར་བྱ། །འདི་ནི་མཆོག་གི་བཀྲ་ཤིས་སོ། །ཚིག་ངན་པ་ནི་བཟོད་པར་བྱ། །
284b4 དགེ་སྦྱོང་རྣམས་ནི་མཐོང་བར་བྱ། །དུས་སུ་ཆོས་ཀྱི་འབྲེལ་གཏམ་བྱ། །འདི་ནི་མཆོག་གི་བཀྲ་ཤིས་སོ། །དཀའ་ཐུབ་དང་ནི་ཚངས་སྤྱོད་བྱ། །འཕགས་པའི་བདེན་པ་མཐོང་བར་བྱ། །མྱ་ངན་འདས་པ་མངོན་སུམ་བྱ། །
284b5 འདི་ནི་མཆོག་གི་བཀྲ་ཤིས་སོ། །འཇིག་རྟེན་ཆོས་ལ་དྲིས་པ་ན། །གང་ཞིག་སེམས་ནི་གཡོ་མི་བྱ། །མྱ་ངན་མི་དགའ་མེད་བཟོད་བྱ། །འདི་ནི་མཆོག་གི་བཀྲ་ཤིས་སོ། །དེ་ལྟར་བཤད་པར་བྱས་པ་རྣམས། །ཐམས
284b6 ཅད་དུ་ནི་རྒྱལ་བ་དང་། །ཐམས་ཅད་དུ་ནི་ཞི་བར་འགྲོ། །དེ་རྣམས་དེ་ལ་མཆོག་བཀྲ་ཤིས། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་དེ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།
284b7 བཀྲ་ཤིས་ཆེན་པོའི་མདོ་རྫོགས་སྷོ།། །།འདི་ཡི་བསོད་ནམས་ལས་ཀྱིས་ནི། །སངས་རྒྱས་མ་ཐོབ་བར་དུ་བདག་།སྨན་ཆེན་པོ་ཡི་ཤེས་རབ་དང་། །འོད་གཙོ་ཕྱུག་པོའི་ལོངས་སྤྱོད་དང་། །ཐམས་ཅད་སྒྲོལ་གྱི་སྦྱིན་པ་དང་། །སྐྱེ་བ
284b8 སྐྱེ་བར་བདག་ལ་གྱུར། །འཕགས་པ་ཆོས་ཀྱི་འཁོར་ལོ་བསྐོར་བའི་མདོ། སྐྱེས་པ་རབས་ཀྱི་གླེང་གཞིའི་བཤད་པ། ལྕང་ལོ་ཅན་གྱི་ཕོ་བྲང་གི་མདོ། འདུས་པ་ཆེན་པོའི་མདོ། བྱམས་པའི་མདོ། བྱམས་པ་བསྒོམ་པའི་མདོ།
iiif viewer powered by OpenSeadragon
