| e-texts navigator |
| Wylie |
270b1 སྙན་དང་གྲགས་པ་ཐོབ་པར་འགྱུར། །གང་གིས་བྱམས་པ་མ་སྤངས་ནའོ། །བཀུར་སྟི་བྱས་ན་བཀུར་སྟི་ཐོབ། །གུས་པར་བྱས་ན་གུས་པ་འཐོབ། །ཁ་དོག་གཟི་བརྗིད་ལྡན་པར་འགྱུར། །གང་གིས་བྱམས་པ་མ་སྤངས་ནའོ། །
270b2 མེ་ལྟར་རབ་ཏུ་འབར་བ་ཡི། །ལྷ་ཡི་ལུས་དང་འདྲ་བར་འགྱུར། །དཔལ་དང་བྲལ་བར་མི་འགྱུར་རོ། །གང་གིས་བྱམས་པ་མ་སྤངས་ནའོ། །ཕྱུགས་རྣམས་མང་པོ་ཐོབ་པ་དང་། །ཞིང་ལ་འབྲུ་མང་སྐྱེ་བ་དང་། །བུ་དང་བུ་མོ་མང
270b3 བར་འགྱུར། །གང་གིས་བྱམས་པ་མ་སྤངས་ནའོ། །རི་ལས་ཐུར་དུ་ལྷུང་བ་དང་། །ཤིང་ལས་འོག་ཏུ་ལྷུང་བ་ན། །ལྟུང་བར་མི་འགྱུར་གནས་ས་ཐོབ། །གང་གིས་བྱམས་པ་མ་སྤངས་ནའོ། །བ་ཊའི་ཤིང་སྟེང་འཛེགས
270b4 གྱུར་ན། །རླུང་གིས་བསྐྱོད་པར་མི་ནུས་བཞིན། །དགྲ་བོས་ཅུང་ཟད་བྱ་མི་ནུས། །གང་གིས་བྱམས་པ་མ་སྤངས་ནའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ
270b5 ལ་མངོན་པར་བསྟོད་དོ། །བྱམས་པ་བསྒོམ་པའི་མདོ་རྫོགས་སྷོ།། །། @#། །རྒྱ་གར་སྐད་དུ། པཉྩ་ཤིཀྟྱཱ་ནུ་ས~ཾ་ས་སཱུ་ཏྲ། བོད་སྐད་དུ། བསླབ་པ་ལྔའི་ཕན་ཡོན་གྱི་མདོ། འཕགས་པ་དཀོན་མཆོག་གསུམ་ལ་གུས
270b6 པས་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གརྒ་ར་དང་། ཆུ་སྲིན་བྱིས་པ་གསོད་ཀྱི་རི་དང་། སྨན་གྱི་ནགས་རི་དགས་རྒྱུ་བའི་གནས་ན་བཞུགས་སོ། །དེ་ནས་བཅོམ་ལྡན་འདས་སྔ
270b7 དྲོའི་དུས་སུ་ཆོས་གོས་གྱོན་ལྷུང་བཟེད་ཐོགས་ཏེ། ཕ་ན་ཀུ་ལའི་ཁྱིམ་བདག་གང་ན་ཡོད་པའི་གནས་དེར་གཤེགས་ཤིང་ཉེ་བར་གཤེགས་ཏེ། གདན་བཤམས་པ་ལ་བཞུགས་སོ། །དེ་ནས་ཡང་ཕ་ན་ཀུ་ལའི་ཁྱིམ་བདག་དང་། མ
270b8 ན་ཀུ་ལའི་ཁྱིམ་བདག་མོས། བཅོམ་ལྡན་འདས་ག་ལ་བ་དེར་སོང་ཞིང་ཉེ་བར་སོང་ནས། བཅོམ་ལྡན་འདས་ལ་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། ཕ་ན་ཀུ་ལའི་ཁྱིམ་བདག་དེས
iiif viewer powered by OpenSeadragon
