| e-texts navigator |
| Wylie |
269a1 ཕྱུང་བ་དང་། དགེ་འདུན་གྱི་དབྱེན་བྱས་པ་དང་། མཚམས་མེད་པ་ལྔའི་ལས་བྱས་པ་དང་། མཆོད་རྟེན་བཤིག་པ་དང་། བྱང་ཆུབ་ཀྱི་ཤིང་བཅད་པ་དང་། བྱང་ཆུབ་སེམས་དཔའ་བསད་པ་དང་། དགེ་འདུན་གྱི་ཁ་ཟས
269a2 བརླག་པར་བྱས་པ་དང་། ཤིན་དུ་སེར་སྣ་ཆེ་བ་དང་། ལོག་པར་ལྟ་བར་ངེས་པ་དང་། འཕགས་པའི་གང་ཟག་ལ་སྐུར་པ་འདེབས་པ་དང་། གཅེར་བུ་པའི་རིགས་ཏེ་དེ་རྣམས་ཀྱིས་མི་མཐོང་ངོ་། །ཚིགས་བཅད་སྟོང་ཕྲག་གཅིག་གིས
269a3 སོ་སོར་བརྒྱན་པ་འདི་ཐམས་ཅད་སྒྲོལ་གྱི་སྐྱེས་རབས་ཆེན་པོ་ཉི་མ་གཅིག་ལ་སྐྱེ་བོ་རྣམས་ཀྱིས་བཤད་པ་དང་མཉན་པ་དང་། མར་མེ་སྟོང་ཕྲག་གཅིག་གམ། སྟོང་ཕྲག་གཅིག་གི་མེ་ཏོག་ཕལ་པ་འམ། སྟོང་ཕྲག་གཅིག་གི་ཨུ
269a4 པ་ལ་སྔོན་པོའི་མེ་ཏོག་གམ། མཆོད་རྟེན་བྱེད་པ་འམ། སངས་རྒྱས་ཀྱི་སྐུ་གཟུགས་བྱེད་པ་འམ། དེ་ལ་མཆོད་པ་བྱེད་པས་ནི་བྱམས་པ་སངས་རྒྱས་པའི་དུས་སུ། དེའི་དྲུང་དུ་དང་པོའི་ཆོས་ཐོབ་ཅིང་སྐྱེ་བར་འགྱུར་རོ། །སེམས
269a5 ཅན་ལྷག་མ་རྣམས་ཀྱིས་སྦྱིན་པ་བྱིན་པ་དང་། ཚུལ་ཁྲིམས་བསྲུངས་པ་དང་། གཙུག་ལག་ཁང་སྦྱངས་པ་དང་། བྱང་ཆུབ་ཀྱི་ཤིང་བསྐྲུན་པ་དང་། མཆོད་རྟེན་བྱས་པ་དང་། མཆོད་རྟེན་དང་བྱང་ཆུབ་ཀྱི་ཤིང་ལ་རིམ་གྲོ་བྱས་པ་དང་།
269a6 བསྐྱེད་མོས་ཚལ་བསྐྲུན་པ་དང་། ཟམ་པ་བཙུགས་པ་དང་། ལམ་བཅོས་པ་དང་། འགྲོན་ཁང་བྱས་པ་དང་། ཁྲོན་པ་བྱས་པ་དང་། བསྟན་པའི་བྱ་བ་བྱས་པ་དང་། ཆོས་ཀྱི་གནས་ལ་བྱི་དོར་བྱས་པ་དང་། དྲི་དང་ཕྲེང་བ
269a7 ལ་སྩོགས་པས་མཆོད་པར་བྱེད་པ་དང་། གུས་པར་བྱས་ནས་ཆོས་མཉན་པ་དང་། ཁ་ཟས་ཙམ་གྱི་སྦྱིན་པ་དགེ་འདུན་ལ་གཏོང་བ་དང་། ཕ་དང་མ་ལ་རྙེད་བཀུར་བྱེད་པ་དང་། རིགས་ཀྱི་གཙོ་བོ་ལ་རྙེད་བཀུར་བྱེད་པ་དང་། གསོ་སྦྱོང
269a8 ལ་གནས་པ་ལ་ཁ་ཟས་སྟེར་བ་དང་། གློ་བུར་བའི་བཙུན་པ་ལ་སྦྱིན་པ་སྟེར་བ་དང་། བསོད་སྙོམས་པ་ལ་སྟེར་བ་དང་། སྟན་འབུལ་བའི་སྐྱེ་བོས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །
iiif viewer powered by OpenSeadragon
