| e-texts navigator |
| Wylie |
268b1 དང་ཁ་དོག་སེར་པོ་དང་། ཁ་དོག་དམར་པོ་དང་། ཁ་དོག་དཀར་པོ་དང་། བཙོད་ཀྱི་མདོག་ལྟ་བུའི་འོད་ཟེར་དང་ལྡན་པའི་སྐུ་མདོག་ཅན་ནོ། །དེའི་སྐུ་ལུས་ལ་བྱུང་བ་ནི་ཤིང་ཏ་ལའི་ཚད་ཙམ་གྱི་འོད་ཟེར་འཕྲོའོ། །དུས་དང་དུས་མ་ཡིན
268b2 པ་དང་། ཟུང་དང་ཟུང་མ་ཡིན་པ་དང་། ཕུང་པོ་དང་ཕུང་པོ་མ་ཡིན་པ་ནི། བཅོམ་ལྡན་འདས་ཀྱི་སྐུ་ལུས་ལ་ལན་གསུམ་བསྐོར་བ་བྱས་ནས་རྒྱང་རིང་དུ་འགྲོ་བ་དང་ཐུང་དུ་འགྲོ་བའོ། །བཅོམ་ལྡན་འདས་དེའི་སྐུ་ལུས་ནི་མཐོ་ཚད་དུ་ཁྲུ་བརྒྱད
268b3 བཅུ་རྩ་བརྒྱད་པར་འགྱུར་རོ། །ཞབས་ཀྱི་འོག་ནས་དཔུས་མོའི་བར་དུ་ཁྲུ་ཉི་ཤུ་རྩ་གཉིས་སོ། །པུས་མོ་ནས་ལྟེ་བའི་བར་དུ་ཁྲུ་ཉི་ཤུ་རྩ་གཉིས་སོ། །ལྟེ་བ་ནས་སྒྲོག་རུས་ཀྱི་བར་དུ་ཁྲུ་ཉི་ཤུ་རྩ་གཉིས་སོ། །སྒྲོག་རུས་ནས་སྤྱི་གཙུག་གི
268b4 བར་དུ་ཁྲུ་ཉི་ཤུ་རྩ་གཉིས་སོ། །དཔུང་པ་གཉིས་ཀྱི་བར་དུ་ཁྲུ་ཉི་ཤུ་རྩ་ལྔའི་ཚད་དོ། །སྒྲོག་རུས་རེ་རེའི་དཀྱུས་ནི་ཁྲུ་ལྔ་ལྔའོ། །སྙན་གཉིས་ཀྱི་རྩེ་མོ་ནས་རྩ་བའི་བར་ལ་ཁྲུ་བདུན་བདུན་ནོ། །སྤྱན་རེ་རེའི་མཆུ་རུ་ཁྲུ་ལྔ་ལྔའོ། །སྨིན་མ་གཉིས
268b5 ཀྱི་ཀྱུས་སུ་ཁྲུ་ལྔ་ལྔའོ། །སྨིན་མ་གཉིས་ཀྱི་དབུས་ཀྱི་བར་ཞེང་ལ་ཁྲུ་ལྔའོ། །ཤངས་ལ་ཁྲུ་བདུན་ནོ། །ཡ་མཆུ་མ་མཆུ་གཉིས་ཀྱི་མཆུ་རུ་ཁྲུ་བཅུ་བཅུའོ། །ལྗགས་ཀྱི་ཟླུམས་སུ་ཁྲུ་ལྔའོ། །གཙུག་ཏོར་ལ་ཁྲུ་ལྔའོ། །གསེར་གྱི་མེ་ལོང་དང་འདྲ
268b6 བའི་ཞལ་གྱི་དཀྱིལ་འཁོར་ལ་ཁྲུ་ཉི་ཤུ་རྩ་ལྔའོ། །མགུལ་པ་ལ་ཁྲུ་ལྔའོ། །ཕྱག་གཉིས་ཀྱི་རིང་དུ་ཁྲུ་བཞི་བཅུ་རྩ་བཞི་པ་ཡིན་ནོ། །དེ་ནི་འདི་བཞིན་དུ་དཔེ་མེད་པའི་སངས་རྒྱས་ཀྱི་དཔལ་མཐའ་ཡས་པའི་སངས་རྒྱས་ཀྱི་རོལ་པའོ། །སྟོང
268b7 ཕྲག་བཅུའི་འཇིག་རྟེན་གྱི་ཁོར་ཡུག་ཐམས་ཅད་ཀྱི་ལྷ་རྣམས་དང་། དེའི་རྗེས་སུ་མི་རྣམས་ཀྱི་ནང་དུ་གནས་སུ་ཆོས་ཀྱི་འཁོར་ལོ་བསྐོར་རོ། །ཆོས་སྟོན་པའི་གནས་དང་བྱེ་བ་འབུམ་ཕྲག་གཅིག་གི་ལྷ་དང་། མིའི་འཆིང་བ་གྲོལ་བ
268b8 དང་། ཆོས་ཀྱི་དང་པོ་ཐོབ་པ་དང་། ཆོས་ཀྱི་དང་པོ་མ་ཐོབ་པ་རྣམས་མཐོ་རིས་སུ་སྐྱེ་བར་འགྱུར་རོ། །དེ་ལྟར་མཆོག་དང་ལྡན་པའི་བྱམས་པ་སུ་ཞིག་གིས་མི་མཐོང་། ང་ནི་མ་བསད་པ་དང་། ཕ་བསད་པ་དང་། དགེ་སློང་མ་སུན
iiif viewer powered by OpenSeadragon
