| e-texts navigator |
| Wylie |
268a1 བསྔལ་ཐམས་ཅད་གཞིག་པ་དང་། །དུག་ལྡན་ཁྱིམ་ནི་གཞིག་པའོ། །སེམས་ཀྱི་དུག་ནི་སྤོང་བ་དང་། །སྲེད་པ་ཟད་ནས་གྲོལ་བར་འགྱུར། །ཆེད་དུ་བརྗོད་པ་གསུངས་པའོ། །བྱང་ཆུབ་ཀྱི་ཤིང་གི་དྲུང་དུ་ཞག་བཞི
268a2 བཅུ་རྩ་དགུ་བཞུགས་ནས་ཚངས་པས་གསོལ་བ་འདེབས་པའི་ཕྱིར། ཆོས་ཀྱི་འཁོར་ལོ་བསྐོར་བའི་ཆེད་དུ་དྲང་སྲོང་ལྷུང་བའི་གནས་སུ་གཤེགས་པ་དང་། དེ་ནས་དེར་གཤེགས་པ་ན། ཞབས་ནི་བཏེག་དང་བཞག་པ་ན། །མེ་ཏོག
268a3 པད་མ་སྐྱེས་པར་གྱུར། །འདབ་མཉམ་ཁྲུ་ནི་སུམ་བཅུ་པ། །འདབ་ཆུང་ཁྲུ་ནི་ཉི་ཤུ་ལྔ། །གེ་སར་ཁྲུ་ནི་ཉི་ཤུ་པ། །ལྟེ་བ་ཁྲུ་ནི་བཅུ་དྲུག་པ། །གེ་སར་རྣམས་ནི་ཁྱབ་པར་གནས། །པད་མ་མཛོད་སྤུ་ཐམས་ཅད་དུའོ། །སྟོབས་བཅུ
268a4 པའི་འོད་ཀྱིས་ཉིན་མོར་བྱེད་པའི་འོད་ཟིལ་གྱིས་མནན་ནོ། །ཉིན་མོ་དང་མཚན་མོ་མི་ཕྱེད་པར་གྱུར་ཏོ། །དེ་ལ་སྲོད་དང་ཐོ་རངས་བྱ་རྣམས་སྐད་སྒྲོགས་སོ། །མེ་ཏོག་ཁ་ཟུམ་པ་དང་བྱེ་བས་མཚན་མོ་དང་ཉིན་མོར་ཤེས་པར་བྱེད་དོ། །
268a5 གང་དང་གང་དུ་ཆོས་སྟོན་པར་བྱེད་པ་དེ་དང་དེ་རུ་ཆོས་ཀྱི་སྒྲ་སྒྲོགས་སོ། །དེའི་ཕྱིར་གསུངས་པ། འོད་དང་འོད་ཟེར་ཚད་རྣམས་ནི། །དབྱངས་དང་དབྱངས་ཀྱི་ཚད་ཙམ་མོ། །གཟི་བརྗིད་གཟི་ཡི་ཚད་རྣམས་ནི། །བསོད་ནམས་བསོད
268a6 ནམས་ཀྱི་ནི་ཚད། །ཤེས་རབ་ཤེས་རབ་ཀྱི་ནི་ཚད། །གྲགས་པ་གྲགས་པ་ཡི་ནི་ཚད། །ཁ་དོག་ཁ་དོག་གི་ནི་ཚད། །ཆོས་ནི་ཆོས་རྣམས་ཀྱི་ནི་ཚད། །དེ་ནས་སྟོང་ཕྲག་བརྒྱད་བཅུ་རྩ་བཞིའི་བྲམ་ཟེ་དང་། བྱེ་བ་ཕྲག་བཅཝ་བརྒྱད་ཀྱི
268a7 ཚངས་པ་རྣམས་ཀྱིས་བདུད་རྩིའི་བཏུང་བ་མཐུངས་ནས། ཇི་ལྟར་བཅོམ་ལྡན་འདས་བསོད་ནམས་ཀྱི་མཐུ་ཡིས་རྣམ་པ་བརྒྱ་ཕྲག་དུ་མའི་འོད་ཟེར་འཕྲོ་ཞིང་། རྣམ་པ་བརྒྱ་ཕྲག་དུ་མའི་མཚན་རྫོགས་པ་མཚན་སུམ་བཅུ་རྩ
268a8 གཉིས་མཆོག་དང་ལྡན་པ་དཔེ་བྱད་བཟང་པོ་བརྒྱད་བཅུ་དང་ལྡན་པ་བརྒྱ་ཕྲག་དུ་མའི་སྐུ་མདོག་རྣམ་པ་དུ་མའི་ཡ་མཚན་དང་ལྡན་པར་གྱུར་པ་བརྒྱ་ཕྲག་དུ་མའི་འོད་ཟེར་དེའི་སྐུ་ལས་འཐོན་པར་གྱུར་ཏོ། །དེ་ནི་ཁ་དོག་སྔོན་པོ
iiif viewer powered by OpenSeadragon
