| e-texts navigator |
| Wylie |
267b1 བཟུང་ནས་འབུད་དོ། །དེ་ལྟར་དཔལ་དང་སྐལ་པ་བཟང་པོ་དང་ལྡན་པའི་ལྷ་དང་མིའི་ཚོགས་ཀྱིས་བསྐོར་ནས་ཁང་བཟང་གི་ཀླུ་ཤིང་བྱང་ཆུབ་ཤིང་དྲུང་དུ་གཤེགས་སོ། །དེའི་ཚད་ནི་ཁྲུ་བརྒྱ་ཉི་ཤུ་ཡལ་གའི་བར། །ཡལ་གའི་མཐོ
267b2 ཚད་དེ་དང་མཉམ། །འཁྲིལ་ནས་སྟེང་ནས་འོག་ཏུ་འཕྱང་། །རྨ་བྱའི་གདུགས་བཞིན་མཛེས་པའོ། །རྟག་ཏུ་རྩེ་མོར་མེ་ཏོག་གསལ། །ལྷ་ཡི་དྲི་བཟང་བསུང་ལྡན་ཞིང་། །གེ་སར་ཕུལ་ལུ་གང་ཙམ་མོ། །མེ་ཏོག་བཟང་པོ་འཁོར
267b3 ལོ་ཙམ། །ཕྱོགས་ཕྱོགས་རླུང་གིས་འཁྱེར་བར་བྱེད། །དཔག་ཚད་བཅུ་རུ་ཁྱབ་པའོ། །སྟེང་གི་མེ་ཏོག་འོག་ཏུ་ལྷུང་། །བྱང་ཆུབ་སྙིང་པོར་མེ་ཏོག་བརྩེགས། །དེའི་དུས་སུ་ནམ་མཁའ་ལ་འགྲོ་བའི་བྱ་རྣམ་པ་སྣ་ཚོགས་པའི་ཚོགས
267b4 ཀྱིས་སྒྲ་སྙན་པས་མཆོད་དེ། དེ་ལྟར་ཀླུ་ཤིང་གི་བྱང་ཆུབ་ཀྱི་ཤིང་དྲུང་དུ་གཤེགས་ཏེ་ནམ་མཁའ་ལ་འཕྱང་ཞིང་སའི་ཆ་ཐམས་ཅད་ཉམས་དགའ་བའི་གནས་སུ་སྡོད་དོ། །དེ་ལ་ཞག་བདུན་དུ་དཔལ་གྱི་སྙིང་པོར་དཀའ་བ་སྤྱོད་དོ། །
267b5 ཚངས་པ་ཆེན་པོས་བླངས་ནས་དངོས་པོ་རྣམས་བཟུང་ནས་རབ་ཏུ་བྱུང་ངོ་། །ཇི་སྙེད་པའི་འཁོར་ཐམས་ཅད་ཀྱང་རབ་ཏུ་བྱུང་ངོ་། །དེ་ནས་གཞན་ཡང་སྟོང་ཕྲག་བརྒྱད་བཅུ་རྩ་བཞི་ཡིས། །བྲམ་ཟེའི་རིག་བྱེད་མཆོག་ཤེས
267b6 ཤིང་། །བྱམས་པ་རབ་ཏུ་བྱུང་བར་གྱུར། །དེ་དང་དེ་ནི་རབ་ཏུ་བྱུང་། །དེ་ལ་རབ་ཏུ་བྱུང་ནས་ཟླ་བའི་གདོང་ཅན་གྱི་ལྷ་མོས་ཤིན་དུ་མངར་བའི་འོ་ཐུག་ཕུལ་ལོ། །ཡོངས་སུ་ལོངས་སྤྱད་ནས་སྲོད་ཀྱི་ཐུན་ལ་བྱང་ཆུབ་ཀྱི་ཤིང་དྲུང་དུ
267b7 ས་མཉམས་ནས་སྐྱིལ་དཀྲུང་གིས་མ་ཕམ་པ་བཞུགས་སོ། །ཤར་གྱི་འཇིག་རྟེན་གྱི་ཁམས་ཀྱི་ཕྱོགས་སུ་གཟིགས་ཤིང་བཞུགས་སོ། །རིམ་པ་བཞིན་དུ་དུས་ལ་ཐམས་ཅད་མཁྱེན་པའི་ཡེ་ཤེས་སོ་སོར་རྟོགས་སོ། །འདི་སྐད
267b8 གསུངས་པ། འཁོར་བའི་སྐྱེ་བོ་མ་ལུས་པ། །དུག་མེད་པ་ནི་བཙལ་བའི་ཕྱིར། །དུག་མེད་པ་ནི་བྱེད་པ་ནི། །ཡང་ཡང་སྐྱེ་བ་སྡུག་བསྔལ་བ། །ཁྱིམ་ནི་བྱེད་པ་མཐོང་བར་འགྱུར། །ཁྱིམ་ནི་གཞན་ནི་བྱེད་པ་མེད། །སྡུག
iiif viewer powered by OpenSeadragon
