| e-texts navigator |
| Wylie |
266b1 བག་མར་ལེན། །གཏན་དུ་གཉིས་ཀ་བདེ་བ་ཡིན། །རྩོད་པ་མེད་པར་འགྱུར་བ་ཡིན། །འབྲས་བུ་ལོ་ཏོག་ཕུན་སུམ་ཚོགས། །འཁྲིལ་ཤིང་གེལ་པ་ཤིང་གི་ཚལ། །རྩཝ་ནི་སོར་བཞི་པ་རུ་སྐྱེ། །ཤིན་དུ་འཇམ་པའི་ཤིང་བལ
266b2 འདྲ། །ཧ་ཅང་མི་གྲང་མི་དྲོ་ཞིང་། །ཆར་ནི་མཉམ་པར་འབབ་པ་དང་། །རླུང་ནི་ཤིན་དུ་ཆུང་བ་དང་། །དུས་ཚོད་མཉམ་པར་ལྡན་པ་དང་། །ཆུ་ཀླུང་ཏཱ་ལ་མི་དམན་ཞིང་། །དེ་དང་དེ་ཡི་ས་ཡི་ཆ། །ས་ལ་རྡོ་ནི་ཆུང་ལྡན་ལ། །སྲན་ནག་སྲན་ཆུང
266b3 ཚད་ཙམ་མོ། །མུ་ཏིག་འདྲ་བས་ཡོངས་སུ་གང་། །རྒྱན་རྣམས་བསྐྱེད་མོས་ཚལ་དང་འདྲ། །དགའ་ཞིང་ཡིད་དུ་འོང་བར་འགྱུར། །གྲོང་དང་གྲོང་རྡལ་མང་པོས་གང་། །དེ་དང་དེ་ནི་ཉེ་བ་རུ། །འོད་མ་སྨྱུག་ཕྲན་ཚལ་བཞིན་ནོ། །བྱ་གག
266b4 འཕུར་བ་ཙམ་ཉིད་དོ། །དགེ་ཞིང་རྒྱས་ལ་རྫུ་འཕྲུལ་ལྡན། །ལུགས་ལ་ཉེ་བར་འཚེ་བ་མེད། །རྟག་ཏུ་རྩེ་ཞིང་དགའ་བ་དང་། །གཅིག་ཏུ་བདེ་བས་ཚིམ་པ་དང་། །རྒྱུ་སྐར་བདེ་བས་བསྐོར་བ་དང་། །དགའ་ཞིང་ཚིམ་ལ་རབ་ཏུ་དགའ། །བཟའ
266b5 དང་བཏུང་བ་མང་པོ་ཟ། །ཤ་ཆང་ཆུ་བཞིན་མང་བ་ནི། །ལྷ་ཡི་ཕོ་བྲང་ཅང་ལོ་བཞིན། །ཁང་བཟང་རྒྱལ་པོའི་ཕོ་བྲང་ནི། །ཉམས་དགའ་སྒྲ་མི་སྙན་བཞིན་ནོ། །འཛམ་བུའི་གླིང་ཡང་དེ་བཞིན་གྱུར། །དེའི་དུས་སུ་བྱང་ཆུབ་སེམས་དཔའ
266b6 བྱམས་པ་འདི་ནི་བསྐལ་པ་གྲངས་མེད་པ་བཅུ་དྲུག་དང་བསྐལ་པ་འབུམ་ཕྲག་གཅིག་ལྷག་ཙམ་དུ་སྦྱིན་པའི་ཕ་རོལ་དུ་ཕྱིན་པ་དང་། ཕ་རོལ་དུ་ཕྱིན་པ་སུམ་བཅུ་རྫོགས་པར་བྱས་ནས་ཐམས་ཅད་སྒྲོལ་བཞིན་དུ་སྐྱེ་བ་ལྷག་མའི་ལུས
266b7 སྦྱིན་པ་ཆེན་པོར་བྱས་ཤིང་། ཕ་རོལ་དུ་ཕྱིན་པ་ཡོངས་སུ་རྫོགས་པར་བྱས་ཏེ། དེའི་ལུས་ཞིག་ནས་དགའ་ལྡན་དུ་སྐྱེ་བ་རྫོགས་པར་བྱས་ནས། སངས་རྒྱས་བྱོན་པར་འགྱུར་རོ་ཞེས་སྒྲོགས་སོ། །སྟོང་ཕྲག་བཅུའི་འཁོར་ཡུག་གི་ལྷ་རྣམས
266b8 ནི་སངས་རྒྱས་བྱོན་པར་འགྱུར་རོ་ཞེས་དམ་འཆའོ། །ཕྱོགས་ལྔར་གཟིགས་ཏེ་དགའ་ལྡན་གྱི་ལྷའི་ཚོགས་རྣམས་ཀྱི་འཁོར་གྱིས་བསྐོར་ལ། དགའ་ལྡན་ནས་བྱོན་ཏེ། ཏོག་ལྡན་ཞེས་བྱ་བའི་རྒྱལ་པོའི་ཕོ་བྲང་དུ། དུང་གི་རྒྱལ་པོའི
iiif viewer powered by OpenSeadragon
