| e-texts navigator |
| Wylie |
25a1 ཞེས་བྱའོ། །འདའ་བར་བྱ་བ་ནི་འཇིག་རྟེན་ལས་འདས་པ་མ་ཡིན་གྱི། འདའ་བར་མི་བྱ་བ་ནི་འཇིག་རྟེན་ལས་འདས་པའོ། །དེ་ཅིའི་ཕྱིར་ཞེ་ན། དེ་ལ་གང་འདའ་བར་བྱ་བ་འམ་གང་གིས་འདའ་བར་བྱ་བའི་ཆོས་ཕྲ་རབ་ཙམ་ཡང་མེད
25a2 པས་དེའི་ཕྱིར་འདས་པ་ཞེས་བྱ་སྟེ། འཇིག་རྟེན་ལས་འདས་པ་ལ་ནི་འཇིག་རྟེན་ཡང་མེད་འཇིག་རྟེན་ལས་འདས་པ་ཡང་མེད་དོ། །བླ་ན་མེད་པ་ལ་ནི་བསྒྲལ་བ་མེད་དེ། དེའི་ཕྱིར་འཇིག་རྟེན་ལས་འདས་པ་ཞེས་བྱའོ། །རབ་ཀྱི་རྩལ
25a3 གྱིས་རྣམ་པར་གནོན་པ་འདི་ནི་འཇིག་རྟེན་ལས་འདས་པའི་ཤེས་རབ་བསྟན་པ་ཞེས་བྱ་སྟེ། འཇིག་རྟེན་ལས་འདས་པའི་ཤེས་རབ་ཅེས་ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ལས་འདས་པ་ནི
25a4 བརྗོད་པར་བྱ་བ་མ་ཡིན་གྱི་དེ་ནི་རྒལ་བ་སྟེ། དེ་ལ་ནི་འདའ་བར་བྱ་བ་ཅི་ཡང་མེད་པས་དེའི་ཕྱིར་འཇིག་རྟེན་ལས་འདས་པའི་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལ་གང་ངེས་པར་རྟོགས་པའི་ཤེས་རབ
25a5 དེས་ཅི་ངེས་པར་རྟོགས། འདི་ལ་ནི་ངེས་པར་རྟོགས་པར་བྱ་བ་ཅི་ཡང་མེད་དོ། །གལ་ཏེ་ངེས་པར་རྟོགས་པར་བྱ་བ་འགའ་ཞིག་ཡོད་དུ་ཟིན་ན་ནི་དེ་ཤེས་རབ་ཀྱིས་ངེས་པར་རྟོགས་པ་ཞེས་གདགས་ན། གང་གིས་ཀྱང་མི་རྟོགས
25a6 ཤིང་ཀུན་རྟོགས་པ་མ་ཡིན་ལ་གང་གིས་རྟོགས་པར་འགྱུར་བའི་བྱེ་བྲག་གང་ཡང་མི་དམིགས་སོ། །ངེས་པར་རྟོགས་པ་ཞེས་བྱ་བ་ནི་འདི་ལ་རྟོགས་པར་བྱེད་པ་ཅི་ཡང་མེད་ཅིང་ཀུན་རྟོགས་པར་བྱ་བ་ཡང་མེད་དེ། དེ་ལ་རྟོགས་པར
25a7 བྱེད་པ་ཅི་ཡང་མེད་ཅིང་ཀུན་རྟོགས་པར་བྱ་བ་ཡང་མེད་པས་དེའི་ཕྱིར་ངེས་པར་རྟོགས་པ་ཞེས་བྱའོ། །འདི་ལ་ནི་གང་ཡང་མཐར་འགྲོ་བ་མེད་ཅིང་དབུས་སུ་ཡང་མ་ཡིན་ཏེ་དེའི་ཕྱིར་ངེས་པར་རྟོགས་པ་ཞེས་བྱའོ། །ངེས་པར་རྟོགས་པའི་ཤེས་རབ་ཀྱིས
25a8 རྟོགས་པ་ནི་སྟེང་མ་རྟོགས་ཏེ། གང་དུ་ཡང་མི་རྒྱུག་།རྣམ་པར་མི་རྒྱུག་།ཀུན་དུ་མི་རྒྱུག་སྟེ་དེའི་ཕྱིར་ངེས་པར་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་ངེས་པར་རྟོགས་ཤེས་བྱ་བའི་ཤེས་རབ་ཀྱིས་ཅི་ངེས་པར་རྟོགས་ཤེ་ན། གང་ཅི་སྣང
iiif viewer powered by OpenSeadragon
