| e-texts navigator |
| Wylie |
22b1 ཐོབ་ཀྱིས་འཇལ་བ་རྣམས་ཀྱི་སླད་དུ་མ་ལགས། རྙེད་པ་ལས་རྙེད་པ་སྒྲུབ་པ་རྣམས་ཀྱི་སླད་དུ་མ་ལགས་ཏེ། བཅོམ་ལྡན་འདས་སེམས་ཅན་དེ་ལྟ་བུ་རྣམས་ཀྱི་སླད་དུ་བདག་དེ་བཞིན་གཤེགས་པ་ལ་ཞུ་བ་མ་ལགས་སོ། །བཅོམ་ལྡན་འདས
22b2 སེམས་ཅན་གང་དག་ཐམས་ཅད་མཁྱེན་པའི་ཡེ་ཤེས་ཚོལ་བ་དང་། ཆགས་པ་མ་མཆིས་པའི་ཡེ་ཤེས་དང་། རང་བྱུང་གི་ཡེ་ཤེས་དང་། མི་མཉམ་པ་དང་མཉམ་པའི་ཡེ་ཤེས་དང་། བླ་ན་མེད་པའི་ཡེ་ཤེས་ཚོལ་བ་དེ་དག་དང་། གང་དག
22b3 བདག་དང་ཕ་རོལ་ཀྱང་མི་དམིགས་ན། བདག་ལ་སྟོད་པ་དང་། གཞན་ལ་སྨོད་པ་ལྟ་ག་ལ་མཆིས་ཏེ། བཅོམ་ལྡན་འདས་རྭ་བཅད་པ་ལྟ་བུར་ང་རྒྱལ་མ་མཆིས་པ། ཟུག་རྔུ་ཕྱུང་བ། གདོལ་ལྟ་བུར་སེམས་དམའ་བ། སེམས་ས་དང་ཆུ་དང
22b4 མེ་དང་རླུང་དང་ནམ་མཁའ་དང་མཚུངས་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སླད་དུ་བདག་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས་གང་དག་ཆོས་ཀྱང་མི་དམིགས
22b5 ཤིང་། རློམ་སེམས་སུ་མི་བགྱིད་ལ་མངོན་པར་ཞེན་པ་མ་མཆིས་ན། ཆོས་མ་ལགས་པ་ལྟ་ག་ལ་མཆིས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སླད་དུ་བདག་དེ་བཞིན་གཤེགས་པ་ལ་ཞུ་ལགས་སོ། །བཅོམ
22b6 ལྡན་འདས་བསམ་པ་དག་པ། གཡོ་མ་མཆིས་པ། སྒྱུ་མ་མཆིས་པ། དྲང་བ་སེམས་མཉམ་པ། སེམས་ཅན་ཐམས་ཅད་ལ་སྨན་པ་དང་། སྙིང་བརྩེ་བ་ཅན་ཡང་དག་པར་འཛིན་དུ་སྩོལ་བ། ཡང་དག་པར་གཟེང་བསྟོད་པ། ཡང་དག་པར་དགའ
22b7 བར་བགྱིད་པ། ཁུར་ཆེན་པོ་ཁྱེར་བ། ཐེག་པ་ཆེན་པོ་ལ་མངོན་པར་ཞུགས་པ། བགྱི་བ་ཆེན་པོས་སོ་སོར་ཉེ་བར་གནས་པ། སྙིང་རྗེ་ཆེན་པོ་དང་ལྡན་པ། སེམས་ཅན་ཐམས་ཅད་བདེ་བ་ཐོབ་པར་བགྱིད་པ་འདྲེན་པ། རྣམ་པར་འདྲེན་པ། ཡོངས་སུ་འདྲེན་པ།
22b8 ཆོས་ཐམས་ཅད་ལ་མི་རྟེན་པར་གནས་པ། སྐྱེ་བའི་གནས་ཐམས་ཅད་མི་ཚོལ་བ། བདུད་ཀྱི་ཞགས་པ་ཐམས་ཅད་ལས་རྣམ་པར་གྲོལ་བ། འདུན་པ་ཅན་བརྩོན་འགྲུས་དང་ལྡན་པ། བག་མཆིས་པ། ཆོས་ཐམས་ཅད་ཀྱི་དམ་པའི་ཕ་རོལ་དུ་ཕྱིན་པ།
iiif viewer powered by OpenSeadragon
