| e-texts navigator |
| Wylie |
327a1 རྒྱལ་བ་རྐང་གཉིས་དབང་རྣམས་མཐོང་གང་དང་། །བདག་གིས་དགེ་བ་ཅུང་ཟད་ཅི་བགྱིས་པ། །ལུས་དང་ངག་དང་སེམས་ལས་བྱུང་ཡང་རུང་། །བདག་གིས་བགྱིས་དང་བགྱིད་དང་བགྱིད་འགྱུར་གང་། །
327a2 ཐམས་ཅད་སྐྱེ་དགུ་སྨན་སླད་སྩལ་བར་བགྱི། །ཇི་ལྟར་ཕྱོགས་བཅུའི་སངས་རྒྱས་རྣམས་མཁྱེན་ནས། །སྩལ་པ་ལེགས་པར་སྩལ་ཅིང་ལེགས་རྒྱས་པ། །དེ་བཞིན་བདག་གིས་སྐྱེ་དགུ་སྨན་སླད་སྩལ། །འགྲོ་ཀུན
327a3 བྱང་ཆུབ་མཆོག་ལ་རེག་གྱུར་ཅིག་། བདག་གིས་འགྲོ་ལ་སྩལ་བ་གང་ལགས་པའི། །བསོད་ནམས་འབྲས་བུ་བླ་མེད་ཅི་མཆིས་པ། །ཐེག་པ་ཆེན་པོར་ཡོངས་སུ་བསྔོ་བར་བགྱི། །བདག་ལ་བྱང་ཆུབ་འབྲས་བུ་གྲུབ་པར
327a4 ཤོག་། མཚུངས་པ་མ་མཆིས་ཀུན་ནས་སྒོ་མོ་རྣམས། །འགྲོ་བའི་དོན་དུ་བདག་ལ་མངོན་སུམ་ཤོག་།འཇམ་དཔལ་གྱི་ནི་རྗེས་སུ་སློབ་བགྱིད་ཅིང་། །བྱང་ཆུབ་སྤྱོད་པའི་སྨོན་ལམ་གདབ་པར་བགྱི། །
327a5 མི་གཅིག་ཙམ་གྱི་ཆེད་དུའང་མནར་མེད་པའི། །ཚོར་བ་ཐམས་ཅད་བདག་གིས་མྱོང་བར་གྱུར། །བསྐལ་པ་དུ་མར་བདག་ནི་སྤྲོ་བར་བགྱི། །འགྲོ་བ་ཐམས་ཅད་མྱ་ངན་མེད་པར་ཤོག་།སེམས་དམྱལ་གཤིན་རྗེའི
327a6 འཇིག་རྟེན་སྡུག་བསྔལ་དང་། །དུད་འགྲོའི་གནས་རྣམས་མིའི་སྡུག་བསྔལ་དང་། །འགྲོ་བའི་སྡུག་བསྔལ་ཕུང་པོ་མཐའ་ཡས་དང་། །བདག་ལ་བབ་གྱུར་འགྲོ་བ་བདེ་བར་ཤོག་།རྒྱལ་བ་རྣམས་ཀྱི་ཞིང་ནི་རྣམ་དག
327a7 དང་། །སེམས་ཅན་རྣམ་དག་ཡེ་ཤེས་རྣམ་དག་དང་། །རྒྱལ་བ་རྣམས་ཀྱི་སྨོན་ལམ་མཐའ་ཡས་གང་། །སྨོན་ལམ་དེ་ཀུན་བདག་ལ་གྲུབ་པར་ཤོག་།བདག་གི་སྨོན་ལམ་ཉམས་པར་མ་གྱུར་ཅིག་།བདག་ནི་ནམས
327a8 ཀྱང་སྐྱོ་བར་མི་འགྱུར་ཤོག་། བྱང་ཆུབ་མཆོག་ནི་བདག་གིས་ཐོབ་བར་དུ། །བསྐལ་པ་དུ་མར་བདག་ནི་སྤྲོ་བར་ཤོག་།མཆོག་གི་སྤྱོད་པའི་སྨོན་ལམ། རྫོགས་སྷོ།། །།
iiif viewer powered by OpenSeadragon
