| e-texts navigator |
| Wylie |
326b1 དེ་བཞིན་ལུས་ངག་ཡིད་ཀྱིས་བགྱིས་པ་རྣམས། །དེ་དག་ཐམས་ཅད་བདག་གིས་སོ་སོར་བཤགས། །ཤཱཀྱ་ཐུབ་དང་མི་འཁྲུགས་འོད་དཔག་མེད། །དེ་དག་གིས་ནི་ཕྲིན་ལས་ཡོངས་སྦྱངས་དང་། །འཆགས་དང
326b2 བཤགས་པ་མཁྱེན་ཅིང་རྟོགས་གྱུར་ལྟར། །དེ་བཞིན་བདག་གིས་སྡིག་པ་བཤགས་པར་བགྱི། །ཐམས་ཅད་དགའ་མཛད་སྐྱེས་བུ་དམ་པ་གང་། །བྱང་ཆུབ་ཞུགས་པ་ཀུན་ལ་གསོལ་བ་དང་། །ངན་སོང་བཞི
326b3 པོ་མྱུར་དུ་ཞི་གྱུར་ཅིག་། མི་ཁོམ་འཇོམས་པར་བགྱིད་ཅིང་རྒྱུ་བར་ཤོག་།སངས་རྒྱས་བཟང་སྤྱོད་དྲི་མེད་མངའ་བདག་དང་། །དེ་བཞིན་ལྷུན་པོའི་དཔལ་དང་ཉི་མའི་སྒྲོན། །དེ་དག་བསོད་ནམས
326b4 ཡི་རང་མཁྱེན་པ་ལྟར། །དེ་བཞིན་བདག་ཀྱང་བསོད་ནམས་རྗེས་ཡི་རང་། །ཕྱོགས་བཅུ་དག་ན་སྦྱིན་པ་སྤྱོད་པ་གང་། །དེ་བཞིན་ཚུལ་ཁྲིམས་ཏིང་འཛིན་སྤྱོད་རྣམས་དང་། །ཤེས་རབ་སྒོམ་དང་བསོད
326b5 ནམས་སྟོབས་ཀུན་ལ། །བྱང་ཆུབ་ཡོན་ཏན་དོན་དུ་ཡི་རང་ངོ་། །རྒྱལ་བ་ཀུན་གྱི་ཡོན་ཏན་མཐའ་ཡས་དང་། །ཆོས་བསྟན་བྱང་ཆུབ་འཇོག་བགྱིད་ཐམས་ཅད་ལ། །བྱང་ཆུབ་ཡོན་ཏན་དོན་དུ་ཡི་རང་ངོ་། །
326b6 འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག་།འཇིག་རྟེན་རྒྱལ་བ་གང་བཞུགས་ཀུན་ལ་བསྐུལ། །ཕྱོགས་བཅུ་དག་ན་བྱང་ཆུབ་རྙེད་པ་གང་། །དེ་དག་ཚངས་བརྒྱས་ཇི་ལྟར་གསོལ་པ་ལྟར། །རྒྱལ
326b7 རྣམས་བཞུགས་ཤིང་ཆོས་མཆོག་སྟོན་གྱུར་ཅིག་། རྒྱལ་ཀུན་བསྐལ་པ་མང་པོར་བཞུགས་པར་ཤོག་།འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག་།མི་རྣམས་ཐམས་ཅད་མཆོག་དང་བླ་མེད་པ། །
326b8 འཇིག་རྟེན་སྒྲོན་མ་བདེ་གཤེགས་མྱུར་གྱུར་ཅིག་།སངས་རྒྱས་རྣམས་ལ་ཕྱག་འཚལ་མཆོད་གང་དང་། །ལས་དགེ་རྣམས་ལ་ཡིད་རང་གང་ལགས་དང་། །སྡིག་པའི་ལས་རྣམས་བཤགས་པ་གང་ལགས་དང་། །
iiif viewer powered by OpenSeadragon
