| e-texts navigator |
| Wylie |
88a1 ངེས་པར་འབྱུང་བ་དང་བཅས་པ་ཞེས་བྱ་བ་ནི་སྟོན་པ་དང་བཅས་པའོ། །དགེ་འདུན་ལྷག་མའོ་ཞེས་བྱ་བ་ནི་ལྟུང་བ་དེ་གཉི་གའི་དགེ་འདུན་ལ་རག་ལུས་པ་དང་། གཉི་གའི་དགེ་འདུན་དང་འབྲེལ་བ་དང་། གཉི་གའི་དགེ་འདུན་ལ་རྟོན་པ་ཡིན་ཏེ།
88a2 ལྟུང་བ་དེ་གཉི་གའི་དགེ་འདུན་ལས་ལྡང་བར་འགྱུར་གྱི་གང་ཟག་ལས་ནི་མ་ཡིན་པའོ། །ཡང་ན་ཕམ་པར་གྱུར་པ་བརྒྱད་པོ་འདི་ནི་ལྷག་མ་མེད་པ་ཡིན་ལ། ལྟུང་བ་འདི་ནི་ལྷག་མ་དང་བཅས་པ་ཡིན་པ་དེའི་ཕྱིར་དགེ་འདུན་ལྷག་མ་ཞེས་བྱའོ། །དེ་ལ
88a3 ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། སྤྲིང་ཕྲིན་དགེ་སློང་མ་གཉིས་དང་། །སྤྱོད་ལམ་དང་ནི་སྔོན་འགྲོ་དང་། །བདག་དང་བདག་མིན་ཡུལ་ཕྱོགས་ཚིག་།སྤྲིན་ཡིག་ལག་ཡིག་ཆུང་མའོ། །དགེ་སློང་མས་བདག་ཉིད་ཀྱིས་སྤྲིང་པ་མནོས་ཏེ་བདག་ཉིད
88a4 ཀྱིས་ཕྲིན་ཕར་ཡང་སྐྱེལ། བདག་ཉིད་ཀྱིས་ཚུར་ཡང་སྐྱེལ་ན་དགེ་འདུན་ལྷག་མར་འགྱུར་རོ། །དགེ་སློང་མས་བདག་ཉིད་ཀྱིས་སྤྲིང་བ་མནོས་ཏེ་བདག་ཉིད་ཀྱིས་ཕྲིན་ཕར་སྐྱེལ་བར་བྱེད་ཅིང་། མངགས་པས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར
88a5 འགྱུར་རོ། །དགེ་སློང་མས་བདག་ཉིད་ཀྱིས་སྤྲིང་བ་མནོས་ཏེ་མངགས་པས་ཕྲིན་ཕར་སྐྱེལ་བར་བྱེད་ཅིང་། བདག་ཉིད་ཀྱིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་མས་བདག་ཉིད་ཀྱིས་སྤྲིང་བ་མནོས་ཏེ་མངགས་པས
88a6 ཕྲིན་ཕར་ཡང་སྐྱེལ་བར་བྱེད་ཅིང་། མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་མས་མངགས་པ་ལས་བདག་ཉིད་ཀྱིས་སྤྲིན་ཕར་ཡང་སྐྱེལ་བར་བྱེད་ཅིང་། བདག་ཉིད་ཀྱིས་ཕྲིན་ཚུར་ཡང་སྐྱེལ་བར་བྱེད་ན
88a7 དགེ་འདུན་ལྷག་མར་འགྱུར་རོ། །དགེ་སློང་མས་མངགས་པ་ལས་བདག་ཉིད་ཀྱིས་སྤྲིང་བ་མནོས་ཏེ། བདག་ཉིད་ཀྱིས་ཕྲིན་ཕར་ཡང་སྐྱེལ་བར་བྱེད་ཅིང་། མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །
88a8 དགེ་སློང་མས་མངགས་པ་ལས་བདག་ཉིད་ཀྱིས་ཕྲིན་སྤྲིང་བ་མནོས་ཏེ་མངགས་པས་ཕྲིན་ཕར་སྐྱེལ་བར་བྱེད་ཅིང་། བདག་ཉིད་ཀྱིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་མས་མངགས་པ་ལས་བདག
iiif viewer powered by OpenSeadragon
