| e-texts navigator |
| Wylie |
87a1 ཞེས་བྱའོ། །མིང་པོས་བསྲུངས་པའི་མཛའ་ན་མོ་གང་ཞེ་ན། འདི་ལྟ་སྟེ། བུད་མེད་དམ། གཞོན་ནུ་མ་གང་ཞིག་གང་གི་ཚེ་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པ་འམ་ཞེས་བྱ་བ་ནས། ཕ་མ་ཤི་བར་གྱུར་པ་ན་དེ་ལ
87a2 མིང་པོས་བདག་གིས་འདི་ལ་འགའ་ཞིག་གིས་ཞེས་བྱ་བ་ནས། འདོད་པའི་ཕྱིར་སྤྱོད་པར་མི་འགྱུར་བར་བྱའོ་སྙམ་ནས་བསྲུངས་ཤེས་བྱ་བའི་བར་འདི་ནི་མིང་པོས་བསྲུངས་པའི་མཛའ་ན་མོ་ཡིན་ནོ། །མིང་པོས་བསྲུངས་པ་ཇི་ལྟ་བ་བཞིན་དུ་ཕུ
87a3 ནུ་མོས་བསྲུངས་པ་ཡང་བརྗོད་པར་བྱའོ། །སྒྱུག་མོས་བསྲུངས་པའི་མཛའ་ན་མོ་གང་ཞེ་ན། འདི་ལྟ་སྟེ། བུད་མེད་དམ་གཞོན་ནུ་མ་གང་ཞིག་གང་གི་ཚེ་ཁྱིམ་ཐབ་སྨྱོས་པར་གྱུར་ཏམ། སེམས་འཁྲུགས་པར་གྱུར་ཅེས་བྱ་བ་ནས། ཕ་མ
87a4 ཤི་བར་གྱུར་ཏམ། མིང་པོ་དང་ཕུ་ནུ་མོ་ཤི་བར་གྱུར་པ་ན་དེ་ལ་སྒྱུག་མོས་འདི་སྐད་ཅེས་བདག་གི་བུ་ལ་ལྟ་བ་ཇི་ལྟ་བར་ཁྱོད་ལ་ཡང་དེ་ལྟ་བུ་ཡིན་པས་ཁྱོད་ཀྱི་བཟའ་བ་དང་བགོ་བ་བདག་གིས་སྦྱར་གྱིས་མནའ་མ་དགའ་བར་གྱིས་ཤིག་།
87a5 མནའ་མ་འདུག་པར་གྱིས་ཤིག་ཅེས་སྨྲས་ནས། བདག་གིས་འདི་ལ་འགའ་ཞིག་གིས་མ་བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར་སྤྱོད་པར་མི་འགྱུར་བར་བྱའོ། །སྙམ་ནས་བསྲུངས་ཤིན་དུ་བསྲུངས། སྦས་ཤིན་དུ་སྦས་པར་གྱུར་པ་འདི་ནི
87a6 སྒྱུག་མོས་བསྲུངས་པ་ཞེས་བྱའོ། །སྒྱུག་མོས་བསྲུངས་པ་ཇི་ལྟ་བ་བཞིན་དུ་གྱོས་པོས་བསྲུངས་པ་ཡང་བརྗོད་པར་བྱའོ། །ཉེ་དུས་བསྲུངས་པའི་མཛའ་ན་མོ་གང་ཞེ་ན། འདི་ལྟ་སྟེ། བུད་མེད་དམ་གཞོན་ནུ་མ་གང་ཞིག་གང་གི་ཚེ་ཁྱིམ་ཐབ་སྨྱོས་པར་གྱུར
87a7 ཏམ། སེམས་འཁྲུགས་པར་གྱུར་ཅེས་བྱ་བ་ནས་ཕ་མ་ཤི་བར་གྱུར་ཏམ། མིང་པོ་དང་། ཕུ་ནུ་མོ་དང་། སྒྱུག་མོ་དང་། གྱོས་པོ་ཤི་བར་གྱུར་པ་ན་དེ་ཉེ་དུའི་དྲུང་དུ་གནས་ཤིང་། དེ་ལ་ཉེ་དུ་རྣམས་ཀྱིས་བདག་ཅག་གིས་འདི་ལ་འགའ་ཞིག་གིས་མ
87a8 བརྟགས་པར་ནན་གྱིས་བཙན་ཐབས་སུ་འདོད་པའི་ཕྱིར་སྤྱོད་པར་མི་འགྱུར་བར་བྱའོ་སྙམ་ནས་བསྲུངས། ཤིན་དུ་བསྲུངས། སྦས་ཤིན་དུ་སྦས་པར་གྱུར་པ་འདི་ནི་ཉེ་དུས་བསྲུངས་པའི་མཛའ་ན་མོ་ཞེས་བྱའོ། །ཉེ་དུ་ཞེས་བྱ་བ་ནི་ཕ་མེས་དང་མ་མེས་གཉི
iiif viewer powered by OpenSeadragon
