| e-texts navigator |
| Wylie |
79b1 པ་ལས་དགེ་འདུན་ལ་སྤུ་སྙོལ་བར་འདོད། འབྱུང་བར་སྐྱོད་པར་བྱེད། འཐུན་པར་བྱེད་པ་སྟོན་པར་བྱེད་འདོད། མཚམས་ཀྱིས་ནང་དུ་འདུག་སྟེ་བཟོད་པ་གསོལ་བར་བྱེད་འདོད་ལ། དེའི་ཕྱིར་འཐབ་མོ་དང་མཚང་འདྲུ་བ་སྤོང་བར་འདོད་པར་ཤེས་བཞིན་དུ་ཁྱེད
79b2 ཅག་དེའི་གན་དུ་སོང་སྟེ་འདི་སྐད་ཅེས་འཕགས་པ་ཁྱོད་དགེ་འདུན་ལ་སྤུ་སྙོལ་བར་མ་བྱེད་ཅིག་། འབྱུང་བར་མ་སྐྱོད་ཅིག་།འཐུན་པར་བྱེད་པ་མ་སྟོན་ཅིག་།མཚམས་ཀྱི་ནང་དུ་འདུག་སྟེ་བཟོད་པ་གསོལ་བར་མ་བྱེད་ཅིག་།བདག་ཅག་གིས་ཁྱོད་ལ
79b3 ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། དྲན་པར་བྱ་བ་དང་། དྲི་བར་བྱ་བ་དང་། རྩ་བའི་སྨན་དང་། སྡོང་བུའི་སྨན་དང་། ལོ་མའི་སྨན་དང་། མེ་ཏོག་གི་སྨན་དང་། འབྲས་བུའི་སྨན་དུས་སུ་རུང་བ་དང་། ཐུན་ཚོད་དུ་རུང་བ་དང་།
79b4 ཞག་བདུན་དུ་རུང་བ་དང་། ཇི་སྲིད་འཚོའི་བར་དུ་རུང་བ་རྣམས་དང་། ཅི་དང་ཅིས་བྲེལ་བ་དེ་དང་དེས་མི་བྲེལ་བར་བགྱིའོ་ཞེས་མ་ཟེར་ཅིག་ཅེས་བྱའོ། །དེ་སྐད་ཅེས་བསྒོ་བ་དང་། དེ་དག་དགེ་སློང་མ་དེ་རྣམས་ལ་འདི་སྐད་ཅེས་ཕུ་ནུ་མོ་དག་དགེ་ཡང་རུང་སྡིག
79b5 ཀྱང་རུང་དགེ་སློང་འདི་ལ་ཅུང་ཟད་ཀྱང་མ་ཟེར་ཅིག་ཅེས་གཞི་དེ་ཉིད་ལ་ཕྱིར་ཞིང་ནན་གྱིས་མཆོག་ཏུ་བཟུང་སྟེ་ཞེན་ནས་འདི་ནི་བདེན་གྱི་གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་སོ། །དེ་ནས་དགེ་སློང་མ་རབ་ཏུ་མང་པོ་བཅོམ་ལྡན་འདས་ག
79b6 ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་མ་རབ་ཏུ་མང་པོས་སྐབས་དེ་རྒྱས་པར་གསོལ་པ་དང་། བཅོམ་ལྡན་འདས་ཀྱིས
79b7 དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་བཅུ་གཉིས་སྡེ་ལ་གསོལ་བ་དང་བཞིའི་ལས་ཀྱི་བསྒོ་ཤིག་།བསྒོ་བ་ཡང་འདི་ལྟར་བྱ་སྟེ། དགེ་སློང་མ་དེ་ལ་དགེ་སློང་མ་མང་པོས་བཞམས་ཏེ་བསྒོ་ཞིང་། དགེ་སློང་མ་མང་པོས་དེ་ལ་བཞམས་ཏེ
79b8 བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ནི་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་མ་རྣམས་ཀྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་།
iiif viewer powered by OpenSeadragon
