| e-texts navigator |
| Wylie |
79a1 སློང་གྲེ་སྐྱེས་འདི་སྙམ་དུ་སྐྱེ་དགུའི་བདག་མོ་ཆེན་མོ་འདིས་ནི་ཕན་པར་སྨྲས་ཀྱི་མི་ཕན་པ་མ་ཡིན་པའི་སྟེང་དུ་མི་གང་ཞིག་སའི་སྟེང་དུ་འགྱེལ་ན་དེས་ས་དེ་ཉིད་ལ་བརྟེན་ནས་ལྡང་བ་དེ་བཞིན་དུ། བདག་གིས་ཀྱང་དགེ་འདུན་ལ
79a2 ཉེས་པ་བྱས་པས་དེ་ཉིད་དུ་སོང་ལ་དགེ་འདུན་ལ་སྤུ་བསྙལ་བར་བྱའོ། །འཐུན་པར་བྱེད་པ་བསྟན་པར་བྱའོ། །མཚམས་ཀྱི་ནང་དུ་འདུག་སྟེ་བཟོད་པ་གསོལ་བར་བྱའོ་སྙམ་དུ་བསམས་སོ། །ཡང་གྲེ་སྐྱེས་འདི་སྙམ་དུ་མ་ལ་བདག་སྲིང་མོ་དག་གང་ན་བར
79a3 སོང་ལ་ཕྱིན་ནས་སྲིང་མོ་དག་ལ་ཡང་དྲིའོ། །སྙམ་དུ་བསམས་ནས། གྲེ་སྐྱེས་བཅུ་གཉིས་སྡེ་གང་ན་བ་དེར་སོང་སྟེ་ཕྱིན་ནས་སྐབས་དེ་དག་རྒྱས་པར་སྨྲས་སོ། །རེ་ཤིག་ན་བཅུ་གཉིས་སྡེ་དག་གིས་གྲེ་སྐྱེས་ལ་འདི་སྐད་ཅེས་སྨྲས་སོ། །འཕགས
79a4 པ་གྲེ་སྐྱེས་ཁྱོད་རིགས་སྣ་ཚོགས་དང་། རུས་སྣ་ཚོགས་དང་། ཁྱིམ་སྣ་ཚོགས་ནས་རབ་ཏུ་བྱུང་བ་རྣམས་ཀྱི་དྲུང་དུ་སྤུ་སྙོལ་བར་མ་བྱེད་ཅིག་།འཐུན་པར་བྱེད་པ་མ་སྟོན་ཅིག་།མཚམས་ཀྱི་ནང་དུ་འདུག་སྟེ་བཟོད་པ་གསོལ་བར་མ་བྱེད་ཅིག་།དེ་ཅིའི
79a5 ཕྱིར་ཞེ་ན། བདག་ཅག་གིས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། ནད་གསོས་ཀྱི་སྨན་དུས་སུ་རུང་བ་དང་། ཐུན་ཚོད་དུ་རུང་བ་དང་། ཞག་བདུན་དུ་རུང་བ་དང་། ཇི་སྲིད་འཚོའི་བར་དུ་རུང་བ་རྣམས་དང་། དྲན་པར་བྱ་བ་དང་།
79a6 དྲི་བར་བྱ་བ་ཅི་དང་ཅིས་བྲེལ་བ་དེ་དང་དེས་མི་བྲེལ་བར་བསྙེན་བཀུར་བགྱིའོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ།། །།
79a7 དགེ་སློང་མའི་འདུལ་བ་རྣམ་པར་འབྱེད་པ། བམ་པོ་དྲུག་པ། དེ་ནས་བཅོམ་ལྡན་འདས་ཀྱིས་དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་བཅུ་གཉིས་སྡེ་ལ་བཞམས་ཏེ་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། དགེ་སློང་མ་ཁྱེད
79a8 ཅག་དགེ་སློང་གང་ཞིག་དགེ་སློང་གི་དགེ་འདུན་གྱིས་གནས་ནས་དབྱུང་བའི་ལས་བྱས་པ་དང་། དགེ་སློང་མའི་དགེ་འདུན་རྣམས་ཀྱིས་ཀྱང་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་ལ། དགེ་སློང་དེ་ཡང་སྐྲ་འགྲེང་བར་གྱུར་སྤུ་ལངས་པར་གྱུར
iiif viewer powered by OpenSeadragon
