| e-texts navigator |
| Wylie |
78b1 གྲེ་སྐྱེས་གནས་ནས་དབྱུང་བའི་ལས་བྱས་ཤིང་། དགེ་སློང་མའི་དགེ་འདུན་རྣམས་ཀྱིས་ཀྱང་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་མཛད་པ་དེའི་ཚེ་དགེ་སློང་གྲེ་སྐྱེས་ཀྱིས་འདི་སྙམ་དུ་བདག་གིས་ཉེས་པ་བྱས་པས་དགེ་སློང་གི་དགེ
78b2 འདུན་གྱིས་གནས་ནས་དབྱུང་གྲང་ན། དགེ་སློང་མའི་དགེ་འདུན་ལ་བདག་གིས་ཉེས་པ་ཅི་ཞིག་བྱས་ནས་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་མཛད་པ་འདི་ལྟར་བདག་གིས་སྐྱེ་དགུའི་བདག་མོ་ཆེན་མོ་གཽ་ཏ་མི་གང་ན་བ་དེར་སོང་སྟེ་ཕྱིན་ནས
78b3 དོན་འདི་འདྲི་བར་བྱའོ་སྙམ་དུ་བསམས་ཏེ། དགེ་སློང་གྲེ་སྐྱེས་སྐྱེ་དགུའི་བདག་མོ་ཆེན་མོ་གཽ་ཏ་མི་གང་ན་བ་དེར་སོང་སྟེ་ཕྱིན་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་སྨྲས་སོ། །སྲིང་མོ་རེ་ཤིག་བདག་གིས་ཉེས་པ་བྱས་པས་དེའི་ཕྱིར
78b4 དགེ་སློང་གི་དགེ་འདུན་གྱིས་ནི་བདག་གནས་ནས་དབྱུང་གྲང་ན་དགེ་སློང་མའི་དགེ་འདུན་ལ་ཀོ་བདག་གིས་ཉེས་པ་ཅི་ཞིག་བྱས་ན། གང་གི་ཕྱིར་བདག་ལ་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་བྱས། དེ་ལྟ་མོད་ཀྱི་ཁ་ཅིག་དགེ་སློང་མ་ལ་ཁ་ཟེར་བ་ཡོད
78b5 པ་དེ་ལ་བདག་གིས་ཁྲོས་འཁྲུགས་རྔམ་པར་བྱས་ཏེ་ཞུམ་ཞུམ་པོར་གཞུག་པར་བྱ། ཁྲོ་བ་བསྐྱེད་པར་བྱའོ། །དེ་ལྟར་བདག་གིས་དགེ་སློང་མ་ཁྱེད་ཅག་གི་ཕྱོགས་བྱས་ན་ཁྱེད་ཅག་ཅིའི་ཕྱིར་བདག་ལ་ཕྱག་བྱ་བའི་འོས་མ་ཡིན་པའི་སྡོམ་པ་བསྐོ་བར་བྱེད། དེ་སྐད
78b6 ཅེས་སྨྲས་པ་དང་། སྐྱེ་དགུའི་བདག་མོ་ཆེན་མོ་གཽ་ཏ་མཱིས་དགེ་སློང་གྲེ་སྐྱེས་ལ་འདི་སྐད་ཅེས་སྨྲས་སོ། །བཙུན་པ་གྲེ་སྐྱེས་ཁྱོད་དགེ་སློང་མའི་ཕྱོགས་སུ་གནོད་པ་བྱེད་དུ་ལྟ་ཡོད་ཡང་སུས་བཅུག་།དེའི་སྟེང་དུ་དགེ་སློང་གིས་དགེ་འདུན་གྱིས་ཁྱོད
78b7 གནས་ནས་དབྱུང་བའི་ལས་བྱས་ལ། བཅོམ་ལྡན་འདས་ཀྱིས་ཀྱང་དགེ་སློང་མ་རྣམས་ལ་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་ཤིག་ཅེས་བཀའ་སྩལ་ཏོ། །དེའི་ཕྱིར་བདག་ཅག་གིས་ཕྱག་བྱ་བའི་འོས་མ་ཡིན་པའི་སྡོམ་པ་བསྒོའོ། །གཞན
78b8 ཡང་གྲེ་སྐྱེས་གསོན་ཅིག་། རེ་ཤིག་ཁྱོད་ཤཱཀྱའི་བུ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྨྲ་བར་བྱེད་པ་འདི་ལྟར་ཡང་ཁྱོད་ནི་མང་དུ་ཐོས་པ་ཡིན་ན་དགེ་འདུན་ལ་བཟོད་པར་མི་གསོལ་བར་ཕྱི་ལང་བྱེད་དམ་དེ་ནས་དགེ
iiif viewer powered by OpenSeadragon
