| e-texts navigator |
| Wylie |
77a1 བཅུ་ཡང་དག་པར་གཟིགས་ནས་ཉན་ཐོས་མའི་འདུལ་བ་ལ་བསླབ་པའི་གཞི་བཅའ་བར་མཛད་དོ་ཞེས་བྱ་བ་ནས། བསླབ་པ་བཅས་པ་རྒྱས་པར་བརྗོད་པར་བྱའོ། །ཡང་དགེ་སློང་མ་གང་དགེ་སློང་མའི་ལྟུང་བ་ཤེས་བཞིན་དུ་འཆབ་པར་བྱེད
77a2 ཅིང་གང་གི་ཚེ་དགེ་སློང་མ་དེ་ཤི་བར་གྱུར་ཏམ། ཉམས་སམ། འཁྱམས་སམ། འཕོས་པར་གྱུར་པ་དེའི་ཚེ་དགེ་སློང་མ་དེས་འདི་སྐད་ཅེས་དགེ་སློང་མ་དེ་ལ་ལྟུང་བ་འདི་ལྟ་བུ་དང་འདི་ལྟ་བུ་དག་བྱུང་བར་སྔ་ནས་ཤེས་སོ་ཞེས་དེ་སྐད་ཟེར་ན་དགེ་སློང
77a3 མ་དེ་ཡང་ཁ་ན་མ་ཐོ་བ་བཅབས་པས་ཕས་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཡང་དགེ་སློང་མ་གང་ཞེས་བྱ་བ་ནི་མཛའ་ཅན་མ་འམ། དེ་ལྟ་བུ་དང་འཐུན་པ་དག་གོ། །དགེ་སློང་མ་ཞེས་བྱ་བ་ནི་མཛའ་མོ་འོ། །ལྟུང་བ་ཞེས་བྱ་བ
77a4 ནི་བརྒྱད་པོ་དག་ལས་གང་ཡང་རུང་བའོ། །ཤེས་བཞིན་དུ་ཞེས་བྱ་བ་ནི་བདག་ཉིད་ཀྱིས་མཐོང་བ་འམ། དེ་ལས་གཞན་གྱིས་སྨྲས་པར་གྱུར་ནས་སོ། །བཅབས་ན་ཞེས་བྱ་བ་ནི་ཁྱུད་ནས་སོ། །གང་གི་ཚེ་དགེ་སློང་མ་དེ་ཤི་བར་གྱུར་ཏམ་ཞེས་བྱ་བ་ནི་དེའི་སྲོག
77a5 གི་དབང་པོ་འགགས་པར་གྱུར་པའོ། །ཉམས་སམ་ཞེས་བྱ་བ་ནི་བསླབ་པ་ཕུལ་བའོ། །འཁྱམས་སམ་ཞེས་བྱ་བ་ནི་ཡུལ་བཏང་བར་གྱུར་ནའོ། །འཕོས་པར་གྱུར་ཅེས་བྱ་བ་ནི་གཞན་མུ་སྟེགས་ཅན་གྱི་གནས་ལ་རྟེན་པའོ། །དེའི་ཚེ་དགེ་སློང་མ
77a6 དེ་ཞེས་བྱ་བ་ནི་མཛའ་ཅན་མའོ། །དགེ་སློང་མ་འདི་ཞེས་བྱ་བ་ནི་ཆོས་འདི་པ་རྣམས་ཀྱིའོ། །འདི་ལ་ལྟུང་བ་འདི་ལྟ་བུ་དང་འདི་ལྟ་བུ་དག་བྱུང་བར་སྔ་ནས་ཤེས་སོ། །ཞེས་བྱ་བ་ནི་བརྒྱད་པོ་དག་ལས་གང་ཡང་རུང་བ་དག་གོ། །དེ་སྐད་ཟེར་ན་ཞེས
77a7 བྱ་བ་ནི་སྨྲས་ནའོ། །དགེ་སློང་མ་ཞེས་བྱ་བ་ནི་གང་ལ་དགེ་སློང་མའི་དངོས་པོ་ཡོད་པ་དེའོ། །དགེ་སློང་མའི་དངོས་པོ་གང་ཞེ་ན། བསྙེན་པར་རྫོགས་པའོ། །བསྙེན་པར་རྫོགས་པ་གང་ཞེ་ན། གཞན་ཐམས་ཅད་རྒྱས་པར་བརྗོད་པར་བྱའོ། །
77a8 དེ་ཞེས་བྱ་བ་ནི་བསྟན་པ་དང་། ཉེ་བར་བསྟན་པའི་ཚིག་བླ་དགས་སོ། །དགེ་སློང་མ་བཅུ་གཉིས་པོ་དག་ཏུ་དེ་བསྐོ་བར་མི་བྱའོ་ཞེས་བྱ་བའི་བར་དུའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་དགེ་སློང་མའི་ཁ་ན་མ་ཐོ་བ་ཤེས་བཞིན
iiif viewer powered by OpenSeadragon
