| e-texts navigator |
| Wylie |
76b1 སླར་བཟློག་ཏུ་རུང་བའི་གནས་སུ་ལུས་བཀན་ན་སྦོམ་པོར་འགྱུར་རོ། །གང་དུ་བུད་མེད་སྐྱེས་པས་བགྲོད་པར་བྱར་རུང་བ་ཕྱིར་བཟློག་ཏུ་མེད་པའི་གནས་སུ་ལུས་བཀན་ན་ཕས་ཕམ་པའི་ལྟུང་བར་འགྱུར་རོ། །ལས་དང་པོ་པ་ལ་སོགས་པ་ལ་ཉེས་པ
76b2 མེད་དོ། །དགེ་སློང་མའི་རྣམ་པར་འབྱེད་པ་ལས། ཕས་ཕམ་པར་གྱུར་པ་དྲུག་པ་རྫོགས་སྷོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །གང་གི་ཚེ
76b3 དགེ་སློང་མ་མཛའ་མོ་རང་གི་དམ་བཅས་པ་ལས་ཉམས་པར་གྱུར་པ་དེའི་ཚེ་དེ་ཉམས་པས་ཕུ་ནུ་མོ་མཛའ་ཅན་མ་ངུས་པར་གྱུར་ཏོ། །དགེ་སློང་མ་རྣམས་ཀྱིས་དེ་ལ་སྨྲས་པ། མཛའ་ཅན་མ་ཅི་བཅོམ་ལྡན་འདས་ཀྱིས་ཚོགས་པའི་མཐའ་འབྲལ
76b4 བར་འགྱུར་བའོ། །ཞེས་མ་གསུངས་སམ་ཅི་ན་ངུ་བར་བྱེད། དེས་འདི་སྐད་ཅེས་སྨྲས་སོ། །བདག་མཛའ་མོ་འདི་ཆོས་འདུལ་བ་འདི་ལས་ཉམས་པ་དེའི་ཕྱིར་ནི་མི་ངུ་མོད་ཀྱི། འོན་ཀྱང་གང་གི་ཕྱིར་སྔོན་ཅད་ཀྱང་དེ་འདི་ལྟ་བུ་དང་འདི་ལྟ་བུ་དག་བྱེད་པ
76b5 དེའི་ཕྱིར་ངུའོ། །དེ་དག་གིས་འདི་སྐད་ཅེས་སྨྲས་སོ། །དེ་ཁྱོད་ཀྱིས་ཤེས་སམ། དེས་འདི་སྐད་ཅེས་སྨྲས་སོ། །བདག་གིས་ཤེས་སོ། །ཅིའི་ཕྱིར་ཁྱོད་ཀྱིས་ངེད་ཅག་ལ་སྔར་མ་སྨྲས། དེས་འདི་སྐད་ཅེས་སྨྲས་སོ། །ཕུ་ནུ་མོ་སྡུག་པའི་ཕྱིར་མོད
76b6 དེ་ནས་དགེ་སློང་མ་མང་པོས་དགེ་སློང་མ་མཛའ་ཅན་མ་ལ་འདི་སྐད་ཅེས་སྨྲས་སོ། །ཕུ་ནུ་མོ་ཁྱོད་ཀྱིས་ནི་ཁ་ན་མ་ཐོ་བ་བཅབ་པ་ཡིན་ནོ་ཞེས་བྱ་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་ཀྱང
76b7 བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཁྱོད་ཀྱིས་འདི་ལྟར་ཚུལ་མ་ཡིན་པ་མི་མཛེས་པ་དེ་ལྟ་བུ་བྱས་པ་བདེན་ནམ། བཅོམ་ལྡན་འདས་མད་དོ། །སངས་རྒྱས་བཅོམ་ལྡན་འདས་ཀྱིས་དགེ
76b8 སྦྱོང་གི་ཚུལ་མ་ཡིན་པ། རུང་བ་མ་ཡིན་པ། ཚུལ་དང་འཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །རྣམ་གྲངས་དུ་མས་རྣམ་པར་སྨད་ནས། དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་ངས་ཕན་ཡོན
iiif viewer powered by OpenSeadragon
