| e-texts navigator |
| Wylie |
76a1 ཉི་མའི་གུང་དང་། ཕྱི་དྲོ་གང་ཡིན་པ་དེའི་ཚེ་ཤོག་ཤིག་ཅེས་ཟེར་བའོ། །མཚན་མ་སྟོན་ཏམ་ཞེས་བྱ་བ་ནི་གང་གི་ཚེ་བདག་སྐྲ་བྲེགས་ནས་རིང་པོ་མ་ལོན་ཞིང་སྣམ་སྦྱར་དམར་སེར་གྱོན་པར་མཐོང་བ་དེའི་ཚེ་ནའོ། །
76a2 འཕྱར་གཡེང་དང་ཞེས་བྱ་བ་ནི་ཕྱས་འདོགས་པའོ། །གཞོག་སྟེགས་ཞེས་བྱ་བ་ནི་ཀུན་དུ་རྩེ་བའོ། །ཙབ་ཧྲལ་ཞེས་བྱ་བ་ནི་ཀུན་དུ་ཅ་ཅོ་འདོན་པའོ། །སྐྱེས་པ་འོངས་པ་བདག་གིར་བྱེད་ཅེས་བྱ་བ་ནི་ཉམས་སུ་མྱོང་བར་བྱེད་པའོ། །གང
76a3 དུ་བུད་མེད་སྐྱེས་པས་བགྲོད་པར་བྱར་རུང་བ་ཕྱིར་བཟློག་ཏུ་མེད་པའི་གནས་སུ་ཞེས་བྱ་བ་ནི་དབང་དུ་འགྱུར་བའོ། །ལུས་བཀན་པ་ཞེས་བྱ་བ་ནི་ཁོག་པའོ། །གནས་བརྒྱད་པོ་འདི་དག་ཏུ་ཞེས་བྱ་བ་ནི་བསྟེན་པ་གང་ཡིན་པ་དེ་དག་ཏུའོ། །དགེ་སློང་མ་ཞེས
76a4 བྱ་བ་ནི་གང་ལ་དགེ་སློང་མའི་དངོས་པོ་ཡོད་པའོ། །དགེ་སློང་མའི་དངོས་པོ་གང་ཞེ་ན། བསྙེན་པར་རྫོགས་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས་ཀྱི་བྱ་བ་བྱེད་པ་ཉིད་དང་། རྟོག་པ་ཉིད་དང་། ཡང་དག་པར
76a5 རྟོག་པ་ཉིད་དང་། མཐར་ཕྱིན་པར་བྱེད་པ་ཉིད་དང་། ཡང་དག་པར་མཐར་ཕྱིན་པར་བྱེད་པ་ཉིད་དང་། དེའི་ཁས་ལེན་པ་ཉིད་དང་། ཉེ་བར་ཁས་ལེན་པ་དང་། མངོན་པར་ཁས་ལེན་པ་ཞེས་བྱ་བ་སྔ་མ་བཞིན་ནོ། །ལྟུང་བ་བྱས་ན་ཞེས་བྱ་བ
76a6 ནི་ལྷག་པར་སྤྱད་ནའོ། །བྱས་མ་ཐག་ཏུ་ཞེས་བྱ་བ་ནི་དེའི་མོད་ཉིད་ལའོ། །དེ་ཞེས་བྱ་བ་ནི་ཉེ་བར་བསྟན་པ་དང་། ཀུན་དུ་བསྟན་པའི་ཚིག་བླ་དགས་སོ་ཞེས་བྱ་བ་ནས། དགེ་སློང་མ་བཅུ་གཉིས་པོ་དག་ཏུ་བསྐོ་བར་མི་བྱའོ་ཞེས་བྱ་བའི་བར
76a7 དུའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་གང་ཆགས་པས་སྐྱེས་པ་ཆགས་པ་དང་ལྷན་ཅིག་བརྡ་བྱེད་ན་ལྟུང་བ་སྦོམ་པོར་འགྱུར་རོ། །དུས་འདེབས་ནའང་སྦོམ་པོར་འགྱུར་རོ། །མཚན་མ་སྟོན་ན་སྦོམ་པོར་འགྱུར་རོ། །འཕྱར
76a8 གཡེང་བྱེད་ན་སྦོམ་པོར་འགྱུར་རོ། །གཞོག་སྟེགས་བྱེད་ན་སྦོམ་པོར་འགྱུར་རོ། །ཙབ་ཧྲལ་བྱེད་ན་སྦོམ་པོར་འགྱུར་རོ། །སྐྱེས་པ་འོངས་པ་བདག་གིར་བྱེད་ན་སྦོམ་པོར་འགྱུར་རོ། །གང་དུ་བུད་མེད་སྐྱེས་པས་བགྲོད་པར་བྱར་མི་རུང་བ
iiif viewer powered by OpenSeadragon
