| e-texts navigator |
| Wylie |
75b1 བདུད་ཇི་ལྟ་བུ་ཞིག་བཅོམ། དེས་སྐབས་དེ་དག་ཕལ་མོ་ཆེའི་ནང་དུ་སྨྲས་སོ། །དེ་ནས་དགེ་སློང་མ་དེ་དག་གིས་སྦོམ་དགའ་མོ་ལ་འདི་སྐད་ཅེས་སྨྲས་སོ། །ཁྱོད་རེམ་པ་ཞིག་དང་མ་ཕྲད་དུ་ཟད་ཀྱི་དེ་ལྟ་བུ་ཞིག་ན་ཁྱོད་ཐག་བཅུག་པར་འགྱུར་རོ། །
75b2 དེ་ནས་དགེ་སློང་མ་མང་པོ་རྣམས་ཀྱིས་སྦོམ་དགའ་མོས་སྨྲས་ཀྱང་དགའ་བར་ཡང་མི་བྱེད། ཁྲོ་བར་ཡང་མི་བྱེད་དོ། །དགའ་བར་ཡང་མི་བྱེད། ཁྲོ་བར་ཡང་མི་བྱེད་པ་དང་སྟན་ལས་ལངས་ཏེ་དོང་ངོ་། །དེ་ནས་དགེ་སློང་མ་མང་པོས་སྐབས་དེ་དགེ་སློང
75b3 དག་ལ་སྨྲས་སོ། །དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། དངོས་པོ་འདི་དང་། སྐབས་འདི་ལ་ཞེས་བྱ་བ་ནས་སྐྱེ་བོ་མང་པོ་ལ་ཕན་པ་ལྷ་དང་མིའི
75b4 བར་དག་ལ་ཡང་དག་པར་རབ་ཏུ་བསྟན་པ་ཞེས་བྱ་བའི་བར་དུ་སྔ་མ་ཇི་ལྟ་བ་དེ་བཞིན་དུ་བརྗོད་པར་བྱའོ། །ཡང་ཉན་ཐོས་མ་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་མ་གང་ཆགས་པར་གྱུར་པས་སྐྱེས་པ
75b5 ཆགས་པ་དང་ལྷན་ཅིག་བརྡའ་བྱེད་དམ། དུས་འདེབས་སམ། མཚན་མ་སྟོན་ཏམ། འཕྱར་གཡེང་དང་། གཞོག་སྟེགས་དང་། ཙབ་ཧྲལ་བྱས་པས་སྐྱེས་པ་འོངས་པ་བདག་གིར་བྱེད་ཅིང་། གང་དུ་བུད་མེད་སྐྱེས་པས་བགྲོད་པར་བྱར་རུང་བ་ཕྱིར
75b6 བཟློག་ཏུ་མེད་པའི་གནས་སུ་ལུས་བཀན་ཏེ་གནས་བརྒྱད་པོ་འདི་དག་ཏུ་དགེ་སློང་མས་ལྟུང་བ་བྱས་ན་བྱས་མ་ཐག་ཏུ་དགེ་སློང་མར་མི་རུང་བ་ཡིན་གྱིས་གནས་པར་མི་བྱའོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །
75b7 ཆགས་པར་གྱུར་པས་ཤེས་བྱ་བ་ནི་ཆགས་པས་དང་། ཡང་དག་པར་ཞེན་པས་དང་། ཀུན་ནས་དཀྲིས་པས་སོ། །སྐྱེས་པ་ཞེས་བྱ་བ་ནི་སྤོས་འཚོང་གི་ཁྱེའུ་འམ། དེ་ལས་གཞན་པ་གང་ཡང་རུང་བའོ། །ཆགས་པ་ཞེས་བྱ
75b8 བ་ནི་ཆགས་པ་དང་། ཡང་དག་པར་ཞེན་པ་དང་། ཀུན་ནས་དཀྲིས་པའོ། །བརྡ་བྱེད་པ་ཞེས་བྱ་བ་ནི་གང་གི་ཚེ་བདག་དཔོང་ས་འམ། ལྷ་ཁང་ལ་སོགས་པ་ཆེ་གེ་མོ་ཞིག་ན་མཐོང་བ་ནའོ། །དུས་འདེབས་པ་ཞེས་བྱ་བ་ནི་སྔ་དྲོ་དང་།
iiif viewer powered by OpenSeadragon
