| e-texts navigator |
| Wylie |
67a1 དགུ་བཅུ་རྩ་གཅིག་ན་སྐྱེ་དགུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཤེས་བྱ་བ་ནས། སངས་རྒྱས་བཅོམ་ལྡན་འདས་ཤེས་བྱ་བའི་བར་བྱུང་ངོ་། །དེ་གང་གི་ཚེ་བླ་ན་མེད་པ་ཡང་དག་པར་རྫོགས
67a2 པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་རྒྱལ་པོའི་ཕོ་བྲང་གཉེན་ལྡན་དུ་བྱོན་ནས་ཞེས་བྱ་བ་ནས། རྒྱལ་པོའི་ཕོ་བྲང་དུ་ཞལ་ཟས་ཡོངས་སུ་ལོངས་སྤྱོད་པར་ཞུགས་སོ་ཞེས་བྱ་བའི་བར་དུའོ། །དེ་དེར་བྱོན་པ་དང་རེ་ཤིག་ན་བུ་མོ་ཞིག་རྔ
67a3 ཡབ་འཛམ་བུའི་ཆུ་བོའི་གསེར་གྱི་ཡུ་བ་ཅན་ཞིག་ཐོགས་ནས། སྣམ་ལོགས་སུ་འདུག་སྟེ་གཡོབ་པ་ན། སངས་རྒྱས་ཀྱི་འོད་ཀྱིས་འཛམ་བུའི་ཆུ་བོའི་གསེར་མོག་མོག་པོར་བྱས་སོ། །ཇི་ཙམ་ན་བུ་མོ་དེ་འདི་སྙམ་དུ་བདག་ལྕགས་ལས་བྱས་པའི་ཡུ
67a4 བ་ཅན་ཐོགས་སམ་ཇི་སྙམ་དུ་ཐེ་ཚོམ་སྐྱེས་སོ། །དེ་ནས་རྣམ་པར་གཟིགས་བཤོས་གསོལ་ནས་ཕྱིར་གཤེགས་པར་གྱུར་པ་དང་། དེས་ཡང་འཛམ་བུའི་ཆུ་བོའི་གསེར་མཆོག་ལས་བྱས་པའི་ཡུ་བར་མཐོང་ངོ་། །དེ་ནས་ཟླ་བ་གསུམ་འདས
67a5 ནས་ཞེས་བྱ་བ་ནས་ལྗོངས་རྒྱུར་གཤེགས་སོ་ཞེས་བྱ་བའི་བར་དུའོ། །དེ་ནས་རྒྱལ་པོ་གཉེན་ལྡན་གྱིས་འཛམ་བུའི་ཆུ་བོའི་གསེར་ལས་སྐུ་གཟུགས་ཤིག་བྱས་སོ། །རེ་ཤིག་ན་བུ་མོ་དེས་གསེར་ལས་བྱས་པའི་སྐུ་གཟུགས་དེ་ཁྱེར་ཏེ་འོངས
67a6 པ་དང་། རྣམ་པར་གཟིགས་ཀྱི་འོད་ཀྱིས་མོག་མོག་པོར་བྱས། ཁ་དོག་མི་འདྲ་བར་མཐོང་ནས་ཞེས་བྱ་བའི་བར་ནས་སྨོན་ལམ་བཏབ་པ། བདག་གིས་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས་ཤེས་བྱ་བ་ནས།
67a7 འདི་ལྟ་བུའི་ལུས་ཀྱི་འོད་ཅན་དུ་འགྱུར་བ་དང་ཞེས་བྱ་བར་ནས། རང་གི་འོད་ཀྱིས་མོག་མོག་པོར་བྱེད་པར་གྱུར་ཅིག་ཅེས་བྱ་བའི་བར་དུའོ། །འདིས་ཀྱང་སྨོན་ལམ་གྱི་དབང་གིས་ང་མཉེས་པར་བྱས་ཏེ་མི་མཉེས་པར་མ་བྱས
67a8 སོ། །དགེ་སློང་དག་དེ་ལྟ་བས་ན་སངས་རྒྱས་དང་། ཆོས་དང་། དགེ་འདུན་ལ་བྱ་བ་བྱས་པ་དང་། ཡང་དག་པའི་སྨོན་ལམ་ཡང་གདབ་པར་བྱ་སྟེ་ཞེས་བྱ་བ་ནས། སེར་སྐྱའི་བུ་མོ་བཟང་མོ་ལྟ་བུའོ་ཞེས་བྱ་བའི་བར་དུའོ།། །།
iiif viewer powered by OpenSeadragon
