| e-texts navigator |
| Wylie |
66a1 མཆོག་ཏུ་བཀྲབས་པས་སྨྲས་པ། ཁྱེད་ཅག་ལྷགས་པས་དོ་སོང་ལ། །ཁོ་བོ་མྱ་ངན་མི་བྱེད་ཀྱི། །ནྱ་གྲོ་དྷཱ་ནི་ཉེས་མེད་པར། །བཅག་པ་ལ་ནི་མྱ་ངན་བྱེད། །རེ་ཤིག་ན་ཤིང་ལ་གནས་པའི་ལྷས་དེ་དག་བསླུས་པ་མཐོང་ནས་སྔར་སྤྱོས
66a2 ཏེ་འདི་སྐད་ཅེས་སྨྲས་སོ། །བདག་ཉིད་དང་ནི་དེ་བཞིན་དུ། །མི་འདི་བཞི་ལ་མྱ་ངན་བྱོས། །དཔྱིད་ཟླ་ཐ་ཆུངས་བྱུང་བ་ན། །གང་དག་བཅད་པ་སྐྱེ་བར་འགྱུར། །དེ་དག་བུད་མེད་ལ་རེ་ཐག་ཆད་ནས་ཤོད་དུ་བབས་ཏེ་རང་རང་གི་ཁྱིམ་དུ་དོང་ངོ་། །བུད་མེད་དེ་ཡང་ཁྱིམ
66a3 ཐབ་ཀྱིས་བཀྲོལ་བ་དང་། དེ་མི་མངོན་པར་ཤིང་དེ་ག་ན་བ་དེར་སོང་བ་དང་། དེ་དག་གིས་མཐོང་ནས་སྨྲས་པ། ཅིའི་ཕྱིར་ཁྱོད་ཀྱིས་ངེད་ཅག་བསླུས། དེས་ཇི་ལྟར་གྱུར་པའི་ལོ་རྒྱུས་རྣམས་དེ་དག་ལ་སྨྲས་སོ། །དེ་ནས་དེ་དག་གིས་སྨྲས་པ། ཁྱོད་མིག་སྔར
66a4 འོངས་སོ། །དེས་འདི་སྙམ་དུ་བདག་སྐྱེས་པ་ལྔ་དང་འདི་ལྟར་ཁྱིའི་ཆོས་བྱ་བ་ག་ལ་ནུས་སྙམ་དུ་བསམས་ནས། དེས་དེ་དག་ལ་སྨྲས་པ། ཁྱེད་ཅག་ལས་གང་ཞིག་མེ་ཏོག་མཛེས་པ་ཐམས་ཅད་ཁྱེར་ཏེ་འོང་བ་དེ་དང་ལྷན་ཅིག་དགའ་བ་ཉམས་སུ་མྱོང
66a5 བར་བྱའོ། །རྒྱལ་པོའི་ཕོ་བྲང་འཁོར་དེ་ན་ཡང་རྒྱལ་པོའི་པད་མ་རྣམས་སྲུང་ཞིང་རམ་བྱེད་པ། རྣ་བ་དང་། སྣ་བཅད་པ་ཞིག་རམ་བྱེད་དོ། །དེ་དག་དེར་སོང་ནས་འདི་སྙམ་དུ་ཟོང་དག་ཁྱེར་ཏེ་མ་འོངས་མོད་ཀྱི། འོན་ཀྱང་མི་དེའི་བསྔགས་པ་བརྗོད
66a6 པ་དང་། དགའ་བར་གྱུར་ནས་བདག་ཅག་ལ་མེ་ཏོག་དག་སྟེར་ཏོ་སྙམ་དུ་བསམས་སོ། །དེ་ནས་དེ་དག་ལས་གཅིག་གིས་དེ་ལ་སྨྲས་པ། ཇི་ལྟར་སྨྱུག་མ་འདམ་བུ་དག་།བཅད་ཅིང་གཏུབས་ཀྱང་སླར་སྐྱེ་བ། །དེ་ལྟར་ཁྱོད་ཀྱི་སྣ་སྐྱེ་ཤིག་།མེ་ཏོག
66a7 སློང་གིས་སྩལ་བར་མཛོད། །གཉིས་པས་སྨྲས་པ། ཇི་ལྟར་ཀུ་ཤ་ཀ་ཤ་དག་།བཅད་ཅིང་གཏུབས་ཀྱང་སླར་སྐྱེ་བ། །དེ་ལྟར་ཁྱོད་ཀྱི་སྣ་སྐྱེ་ཤིག་།པད་མ་སློང་གིས་སྩལ་བར་མཛོད། །གསུམ་པས་སྨྲས་པ། ཇི་ལྟར་དུར་བ་འཇག་མ
66a8 དག་། བཅད་ཅིང་གཏུབས་ཀྱང་སླར་སྐྱེ་བ། །དེ་ལྟར་ཁྱོད་ཀྱི་སྣ་སྐྱེ་ཤིག་།མེ་ཏོག་སློང་གིས་སྩལ་བར་མཛོད། །བཞི་པས་སྨྲས་པས། ཇི་ལྟར་སྐྲ་དང་ཨག་ཙོམ་དག་།བྲེགས་ཤིང་ཕྱིར་ཡང་སླར་སྐྱེ་བ། །དེ་ལྟར་ཁྱོད་ཀྱི་སྣ་སྐྱེ
iiif viewer powered by OpenSeadragon
