| e-texts navigator |
| Wylie |
65b1 འཛེགས་ཏེ་འདུག་ཤིག་དང་། བདག་དེའུ་རེ་འོང་ངོ་ཞེས་སོ་སོར་བསྟན་ནས། དེ་ཁྱོ་ལ་སྐབས་ཚོལ་ཞིང་འདུག་གོ། །དེས་ཀྱང་དེ་ལ་འདི་ནི་འདི་ལྟར་སེམས་སོ་ཞེས་བྱ་བར་འཕྲིགས་ནས། དེས་དེ་བརྡེགས་ནས་ཀ་བ་ལ་བཅིངས་སོ། །དེ་ན་གཅིག་ལ
65b2 སྨྲས་པ། སོང་ལ་ཤིང་དེ་ལ་འཛེགས་ཏེ། ཤར་ཕྱོགས་ཀྱི་ཤིང་གི་ཡལ་ག་ལ་འཛེགས་ལ་འདུག་ཤིག་དང་། བདག་དེའུ་རེ་འོང་ངོ་ཞེས་བྱས་པ་དང་། དེ་དགའ་མགུ་ནས་དེ་བཞིན་དུ་བྱས་སོ། །དེ་བཞིན་དུ་རྒྱས་པར་བརྗོད་དོ། །གཉིས་པ་ནི་ཤིང་དེའི
65b3 ལྷོ་ཕྱོགས་ཀྱི་ཡལ་ག་ལ་འཛེགས་ཏེ་འདུག་གོ། །གསུམ་པ་ནི་ནུབ་ཕྱོགས་ཀྱི་ཡལ་ག་ལ་འཛེགས་ཏེ་འདུག་གོ། །བཞི་པ་ནི་བྱང་ཕྱོགས་ཀྱི་ཡལ་ག་ལ་འཛེགས་ཏེ་འདུག་གོ། །མཆོག་ཏུ་བཀྲབས་པ་དེས་ཀྱང་དེ་བཞིན་དུ་བྱས་ཏེ། ཤིང་དེའི
65b4 དབུས་ཀྱི་ཡལ་ག་ལ་འཛེགས་ཏེ་འདུག་གོ། །དེ་ནས་དེ་རྣམས་དེ་ན་མཚན་གཅིག་ཏུ་ལྷགས་པར་བྲེད་བཞིན་དུ་དེ་འོང་ངོ་སྙམ་པ་ལས། ནམ་ནངས་ཀྱི་བར་དུ་བུད་མེད་དེ་ཡང་མ་འོངས་སོ། །མཚན་མོ་ཟད་དེ་ནམ་ནངས་པ་དང་ཤར་ཕྱོགས་ཀྱི
65b5 ཡལ་ག་ལ་འདུག་པ་དེས་ཚིགས་སུ་བཅད་དེ་སྨྲས་པ། འདི་ལྟར་ཉི་མ་ཤར་ཟིན་ལ། །ཞིང་པ་གྲོང་ནས་དོང་ཟིན་ཀྱང་། །བརྫུན་ཅན་མ་ནི་མ་འོངས་པར། །ནྱ་གྲོ་དྷཱ་ཡིས་ཤེས་པར་གྱིས། །ལྷོ་ཕྱོགས་ཀྱི་ཡལ་ག་ལ་འདུག་པས་སྨྲས་པ། བུད
65b6 མེད་དེ་ནི་འོངས་གྱུར་ཏེ། །དེ་ནི་བརྫུན་ཅན་མ་ཡིན་ཡང་། །ལེགས་ལྡན་ཉི་མ་འདི་ཉིད་ནི། །ཤིན་དུ་མྱུར་བར་ཤར་བར་གྱུར། །ཤར་ཕྱོགས་པས་སྨྲས་པ། རེམ་པ་འང་འོངས་སམ། སྨྲས་པ། ལོས་མོད། དེ་ནས་ནུབ་ཕྱོགས་ཀྱི་ཡལ་ག
65b7 ལ་འདུག་པས་ཚིགས་སུ་བཅད་དེ་སྨྲས་པ། ཉི་མ་དུས་སུ་ཤར་བས་ན། །ཞིང་པ་རྣམས་ཀྱང་གྲོང་ནས་དོང་། །བདག་གིས་དུས་ནི་མ་ཤེས་པས། །མཚན་གཅིག་མིག་གི་རྩེ་མ་སྦྱར། །རེ་ཤིག་ན་བྱང་ཕྱོགས་ཀྱི་ཡལ་ག་ལ་འདུག
65b8 པས་སྨྲས་པ། བདག་གིས་འདིར་ནི་དུས་ཤེས་མ་གྱུར་པས། །མཚན་གཅིག་ཐོག་ཐག་ལྷགས་པས་དོ་སོང་ངོ་། །གང་ཞིག་གཞན་གྱི་བུད་མེད་ལ་ཆགས་པ། །དེ་ནི་འདི་དང་གཞན་དག་ཐོབ་པར་འགྱུར། །དེ་ནས
iiif viewer powered by OpenSeadragon
